Tej Police Times
मुंबई: हॉरर कॉमेडी असणारा ‘मुंज्या’ सिनेमा सध्या बॉक्स ऑफिसवर चांगलाच गाजतो आहे. हा सिनेमा ‘मंडे टेस्ट’मध्येही चांगल्या गुणांनी पास झाला. अर्थात रीलिजनंतरच्या पहिल्या सोमवारी जर सिनेमाने चांगली कमाई केली, तर त्या सिनेमासाठी ही चांगली बाब असते. ‘मुंज्या’ने पहिल्या सोमवारी ४ कोटींहून अधिक कमाई करत बॉक्स ऑफिसवरील अधिराज्य कायम ठेवले. आता ‘मुंज्या’ हा आदित्य सरपोतदार दिग्दर्शित सिनेमा ‘शैतान’, ‘आर्टिकल ३७०’नंतर २०२४ मधील हिट चित्रपट ठरला आहे.’झोंबिवली’, ‘नारबाची वाडी’ फेम आदित्य सरपोतदारच्या या सिनेमाने सिद्ध केले की कथानक आणि त्यातील पात्र दमदार असल्यास, कमी बजेट आणि बडे स्टार नसलेल्या सिनेमालाही प्रेक्षक पसंती देतात. पहिल्या सोमवारपर्यंत एकूण ४ दिवसात ‘मुंज्या’ची कमाई २४ कोटींच्या पुढे पोहोचली आहे, तर दुसरीकडे जान्हवी कपूर आणि राजकुमार राव यांच्या ‘मिस्टर अँड मिसेस माही’ सिनेमाला मोठा झटका बसला. रीलिजनंतरच्या दुसऱ्या सोमवारी या सिनेमाची कमाई कोट्यवधीवरुन लाखोंच्या घरात पोहोचली आहे.
बिझनेस अनालिस्ट तरण आदर्श यांनी शेअर केलेल्या ट्वीटनुसार, चौथ्या दिवशी (१० जून २०२४) ‘मुंज्या’ने ४.११ कोटींची कमाई केली. यानंतर या सिनेमाने २४.१५ कोटी कमाईचा टप्पा गाठला आहे.
बिझनेस अनालिस्ट तरण आदर्श यांनी शेअर केलेल्या ट्वीटनुसार, चौथ्या दिवशी (१० जून २०२४) ‘मुंज्या’ने ४.११ कोटींची कमाई केली. यानंतर या सिनेमाने २४.१५ कोटी कमाईचा टप्पा गाठला आहे.
‘मुंज्या’ची प्रत्येक दिवसाची कमाई
पहिला दिवस (७ जून २०२४)- ४.२१ कोटी
दुसरा दिवस (८ जून २०२४)- ७.४० कोटी
तिसरा दिवस (९ जून २०२४)- ८.४३ कोटी
चौथा दिवस (१० जून २०२४)- ४.११ कोटी
एकूण कमाई- २४.१५ कोटी
पहिल्याच आठवड्यात गाठणार ३५ कोटींचा टप्पा
मीडिया रिपोर्टनुसा, याच वेगाने ‘मुंज्या’ची कमाई सुरू राहिल्यास पहिल्याच आठवड्यात ३५ कोटींचा टप्पा गाठला जाण्याची शक्यता आहे. असे झाल्यास पहिल्याच आठवड्यात हा सिनेमा ‘मिस्टर अँड मिसेस माही’च्या एकूण कमाईला मागे टाकेल.
‘मिस्टर अँड मिसेस माही’चे मोठे नुकसान
‘मिस्टर अँड मिसेस माही’ने ११व्या दिवशी नुकसानाचा सामना केला. या स्पोर्ट्स ड्रामाने सोमवारी अवघ्या ९० लाखांची कमाई केली. शरण शर्मा दिग्दर्शित या सिनेमाची आतापर्यंतची एकूण कमाई ३०.८० कोटी आहे. या सिनेमाचे बजेट ४० कोटींचे आहे, त्यामुळे सिनेमा हिट ठरण्यासाठी अजून मोठा पल्ला गाठायचा आहे. ‘मुंज्या’कडे प्रेक्षकांचा वाढता कल पाहता हे काहीसे कठीण वाटते आहे.