Tej Police Times
Vi (Vodafone Idea) कंपनीने आपल्या यूजर्ससाठी अनेक नवीन रिचार्ज प्लॅन लॉन्च केले आहेत. हे प्लॅन प्रीपेड आणि पोस्टपेड दोन्ही ग्राहकांसाठी ऑफर केले जातात. या योजना विशेषतः ICC पुरुष T20 क्रिकेट विश्वचषक आणि UEFA युरो 2024 साठी आणल्या गेल्या आहेत. या योजनांसह, क्रिकेट आणि फुटबॉल प्रेमींना मॅच स्ट्रीम करण्यासाठी वेगळ्या OTT प्लॅटफॉर्मची मेम्बरशीप घ्यावी लागणार नाही. या योजना Disney+ Hotstar आणि SonyLIV सबस्क्रिप्शनसह येतात.
प्रीपेड युजर्ससाठी Vi (Vodafone Idea) च्या नवीन योजना
कंपनीने प्रीपेड यूजर्ससाठी तीन नवीन प्लान लाँच केले आहेत. या प्लॅनची किंमत 82 रुपये, 169 रुपये आणि 903 रुपये आहे. फायद्यांबद्दल बोलायचे झाल्यास, Vi (Vodafone Idea) चा 82 रुपयांचा स्वस्त रिचार्ज प्लॅन 14 दिवसांच्या व्हॅलिडिटीसह येतो. या प्लॅनमध्ये युजर्सना 28 दिवसांपर्यंत SonyLIV प्रीमियम सबस्क्रिप्शन मिळते. याशिवाय प्लॅनमध्ये 4GB डेटाची सुविधाही उपलब्ध आहे.
169 रुपयांचा प्लॅन
या यादीतील दुसरा प्लॅन 169 रुपयांचा आहे, जो 30 दिवसांच्या वैधतेसह येतो. याशिवाय प्लॅनमध्ये 8GB डेटा देण्यात आला आहे. ही योजना Disney+ Hotstar मोबाइल सबस्क्रिप्शनसह येते, जी 3 महिन्यांसाठी उपलब्ध आहे.
903 रुपयांचा तिसरा प्लॅन
तिसरा प्लॅन 903 रुपयांचा आहे. हा प्लान 90 दिवसांच्या वैधतेसह येतो. याशिवाय प्लानमध्ये दररोज 2GB डेटा दिला जातो. यासोबतच अनलिमिटेड व्हॉईस कॉलिंगचाही प्लॅनमध्ये समावेश आहे. Vi चा हा प्लॅन ९० दिवसांच्या वैधतेसह SonyLIV प्रीमियम मोबाईलचे सबस्क्रिप्शन देखील प्रदान करतो.
पोस्टपेड युजर्ससाठी Vi (Vodafone Idea) च्या नवीन योजना
पोस्टपेड युजर्ससाठी दोन प्लॅन सादर करण्यात आले आहेत. यामध्ये 100 आणि 499 रुपयांच्या प्लॅनचा समावेश आहे. 100 रुपयांच्या प्लॅनबद्दल बोलायचे झाले तर या प्लानमध्ये 10GB डेटा दिला जात आहे. यासोबतच हा प्लॅन SonyLIV Premium (TV+Mobile) सबस्क्रिप्शन देखील देतो.
499 रुपयांचा प्लॅन
दुसरीकडे, 499 रुपयांच्या प्लॅनमध्ये 20GB डेटा मिळतो. या प्लॅनमध्ये तुम्हाला डिस्ने + हॉटस्टार मोबाईल सबस्क्रिप्शन 1 वर्षापर्यंत मिळेल.
रिलायन्स जिओचे क्रीडाप्रेमींसाठी मोफत OTT सबस्क्रिप्शन
रिलायन्स जिओ प्रीपेड रिचार्ज आता क्रीडाप्रेमींसाठी नवीन मोफत OTT सबस्क्रिप्शन ऑफर करते आहे.
रिलायन्स जिओने त्याच्या JioAirFiber, JioFiber आणि Jio Mobility प्रीपेड युजर्ससाठी नवीन पूरक OTT स्ट्रीमिंग सर्व्हिस मेम्बरशीप जाहीर केली आहे. सिलेक्टिव्ह प्लॅन्सवर फ्री मेम्बरशीप उपलब्ध आहे.
फ्री मेम्बरशीप
Jio ने देशभरातील क्रीडा चाहत्यांसाठी एक नवीन मोफत सदस्यता लॉन्च केली आहे. JioAirFiber, JioFiber आणि Jio Mobility प्रीपेड युजर्स आता FanCode, प्रीमियम स्पोर्ट्स OTT ॲपच्या फ्री मेम्बरशीपचा आनंद घेऊ शकतात. ही ऑफर Jio युजर्सना FanCode वरील अनन्य फॉर्म्युला 1 (F1) कंटेंटसह थेट स्ट्रीममध्ये एंट्री प्रोव्हाईड करते.