Tej Police Times
जेव्हा बहुतेक लोक नवीन स्मार्टफोन घेतात तेव्हा ते त्यांचा जुना स्मार्टफोन घरी ठेवतात आणि तो घराच्या कुठल्यातरी कोपऱ्यात धूळ खात पडलेला असतो, वर्षानुवर्षे हा स्मार्टफोन तुमच्या घरात पडून राहतो आणि तुम्ही तो वापरत नाही, पण आता आपण अशा एका ट्रिकबद्दल जाणून घेणार आहोत जीच्या मदतीने तुमचा जुना स्मार्टफोन उपयोगी ठरेल आणि मार्गाने तुम्ही तुमच्या घराची सुरक्षा देखील वाढवू शकता. तुम्ही तुमच्या जुन्या स्मार्टफोनला सीसीटीव्ही कॅमेऱ्यात कन्व्हर्ट करू शकता कारण प्ले स्टोअर व ॲप स्टोअरवर असे काही ॲप्लिकेशन्स उपलब्ध आहेत जे हे करू शकतात. आज आम्ही तुमच्यासाठी काही निवडक ॲप्लिकेशन्स घेऊन आलो आहोत जे तुमच्या जुन्या स्मार्टफोनला एका पॉवरफुल सीसीटीव्ही कॅमेऱ्यात बदलू शकतात.
सुरक्षेच्या दृष्टीने उपयोगी ठरतील फीचर्स
अनेक अवॉर्ड्स मिळालेल हे सिक्युरिटी ॲप घराच्या सुरक्षेच्या दृष्टीने अतिशय चांगले मानले जाते. हे मोबाईल ॲप रिमोट ऍक्सेस, लाइव्ह व्हिडिओ आणि झूम सारख्या फिचर्ससह येते. यामध्ये तुम्हाला काही स्टोरेज कॅपॅसिटी देखील मिळते ज्याद्वारे तुम्ही रेकॉर्डिंग सेव्ह करू शकाल. यामध्ये तुम्हाला मोशन डिटेक्शन आणि सेरेनचे फीचर्सही मिळतील. कोणत्याही पेमेंटशिवाय तुम्ही हे मोफत वापरू शकाल
आयपी वेबकॅम
खूप सोपा इंटरफेस असलेले हे सुरक्षा ॲप इंटरनेटशिवायही वापरले जाऊ शकते. या ॲपमध्ये तुम्ही वेब ब्राउझर किंवा व्हीएलसी ॲपवर लाईव्ह किंवा रेकॉर्डेड व्हिडिओ पाहू शकता. टू-वे ऑडिओच्या सपोर्टसह, इतर फोनवरही याचा आवाज ऐकू येतो. कमी बॅटरी लेव्हल, मोशन डिटेक्शन सारखी फिचर्स देखील यात उपलब्ध आहेत. त्याचे प्रिमियम व्हर्जन देखील आहे.
वॉर्डनकॅम
मोबाइल डेटा आणि वायफायसह सर्व प्रकारच्या नेटवर्कवर काम करणारे हे ॲप गुगल ड्राइव्ह आणि ड्रॉप बॉक्स सारख्या ॲपलाही सपोर्ट करते. यामध्ये तुम्हाला टू-वे ऑडिओ, मोशन डिटेक्शन सारखे अनेक फीचर्स देखील मिळतात. याव्यतिरिक्त, ॲपचा यूजर इंटरफेस देखील वापरण्यास सोपा आहे