Social Engineering Scam: हॅलो.. मी बॉस बोलतोय! असे सांगून अनेकांना घालण्यात येतो मोठा गंडा, कसा घडतो स्कॅम जाणून घ्या

तुमच्या कामाच्या ठिकाणी अनोळखी फोन नंबरवरून कोणी कॉल करून महत्त्वाची माहिती विचारत असेल, तर तुम्ही सावधगिरी बाळगणे आवश्यक आहे. या प्रकारच्या स्कॅमला सोशल इंजिनिअरिंग स्कॅम किंवा ह्युमन हॅकिंग असेही म्हणतात. आजकाल अनेक प्रकारचे स्कॅम सुरू आहेत, जिथे लोकांना स्कॅमबद्दल योग्य माहिती नसते, यामुळे अनेक लोक सहजपणे स्कॅम्सचे बळी ठरतात.

अशा प्रकारे स्कॅमर्स करतात त्यांचे काम

सोशल इंजिनिअरिंग स्कॅम्स बहुतेक कार्यालयीन ठिकाणी काम करत असलेल्या लोकांसोबत होत असतात. या स्कॅम अंतर्गत, बॉस असल्याचे भासवून समोरच्या व्यक्तीकडून महत्त्वाची माहिती काढण्यात येते. यावेळी केलेला कोणताही निष्काळजीपणा खूप महागात पडू शकतो.

सोशल इंजिनिअरिंग स्कॅम्स मध्ये, स्कॅमर्स व्यक्तीला विचार करण्यासाठी खूप कमी वेळ देतात, त्यामुळे जी माहिती मिळणे कठीण आहे किंवा उपलब्ध नाही ती सहज मिळवता येते. स्कॅमर्स एखाद्या व्यक्तीवर वेगळ्या प्रकारचा दबाव निर्माण करतात आणि संवेदनशील माहिती मिळवतात.

सोशल इंजिनिअरिंग स्कॅमचा उद्देश काय असतो

कोणतीही महत्त्वाची किंवा संवेदनशील माहिती मिळवण्याचा सर्वोत्तम मार्ग म्हणजे सोशल इंजिनिअरिंग स्कॅम. या स्कॅममध्ये, स्कॅमर्स वरिष्ठ अधिकारी असल्याचे भासवून अगदी शिताफीने समोरच्या व्यक्तीला विश्वासात घेतात आणि त्यांच्याकडून प्रायव्हेट माहिती मिळवतात.

कधीकधी विश्वास इतका वाढतो की स्कॅमर दुसऱ्याव्यक्तीच्या डिव्हाइसमधील मालवेअरच्या मदतीने संवेदनशील माहिती सहजपणे चोरतात. जोपर्यंत असे स्कॅम समजतात तोपर्यंत खूप उशीर झालेला असतो. बहुतेक प्रकरणांमध्ये, स्कॅमर्सचे टार्गेट क्रेडिट कार्ड डिटेल्स, बँकिंग डिटेल्स, लॉगिन माहिती चोरणे, सिस्टिमशी छेडछाड करणे आणि संस्थेच्या सायबर सुरक्षेवर हल्ला करणे आहे.

सोशल इंजिनिअरिंग घोटाळ्यातील फिशिंग हल्ला

सायबर गुन्हेगार सोशल इंजिनिअरिंग स्कॅममध्ये फिशिंगचा वापर करतात. यानंतर, ते बनावट ईमेल, कॉल आणि एसएमएसद्वारे यात अडकलेल्या व्यक्तीकडून महत्त्वाची माहिती मिळविण्याचा प्रयत्न करतात. महत्त्वाच्या माहिती ऍक्सेस किंवा काहीतरी चुकीचे करण्यासाठी स्कॅमर तुम्हाला तुमच्या डिव्हाइसवर मालवेअर किंवा सॉफ्टवेअर डाउनलोड करण्यास सांगू शकतात.

सोशल इंजिनिअरिंग स्कॅममध्ये, सायबर गुन्हेगार प्रथम समोरच्या व्यक्तीचा विश्वास जिंकतात आणि मग स्कॅम कसा करायचा याची तयारी करतात. शेवटी, एखाद्या डिव्हाइसमधील मालवेअर किंवा सॉफ्टवेअरच्या मदतीने महत्त्वाची माहिती मिळवली जाते.

सोशल इंजिनिअरिंग स्कॅम्सपासून स्वतःचे संरक्षण कसे करावे

सोशल इंजिनिअरिंग स्कॅम्स टाळण्यासाठी, कोणत्याही अज्ञात फोन नंबरवरील ईमेल, लिंक किंवा एसएमएसवर क्लिक करू नका. या प्रकारच्या फाइलमध्ये मालवेअर असू शकतो, जे सहजपणे महत्त्वाची माहिती चोरू शकतात किंवा डिव्हाइस हॅक करू शकतात.

• तुमची वैयक्तिक माहिती जसे की महत्त्वाचे यूजरनेम, पासवर्ड आणि पिन ईमेल, मेसेज किंवा व्हॉट्सॲपद्वारे कोणाशीही शेअर करू नका.

• ऑनलाइन काम करताना कोणत्याही अज्ञात प्सेंडरपासून सावध रहा. काही विशिष्ट माहिती चोरण्याच्या उद्देशाने तो तुमच्याकडे आला असण्याची शक्यता आहे. अशा परिस्थितीत, संशयास्पद डोमेन नाव असलेल्या अज्ञात यूजरपासून सावध रहा.

• कोणत्याही अज्ञात वेबसाइटला भेट देण्यापूर्वी, तिची URL तपासा. वेबसाइट बनावट नाही हे लक्षात ठेवा आणि त्यासाठी HTTPS नीट तपासा. काही डिटेल्स देखील तपासा.

• जर तुम्हाला तुमच्या कंपनीच्या नावाने कोणताही ईमेल, कॉल, एसएमएस आला तर प्रथम एकदा ते व्हेरीफाय करा आणि त्यानंतरच त्यावर क्लिक करा.