एकाच फोनमध्ये २ सिम वापरताय; सावध रहा ट्राय करू शकते दंड

जर तुम्ही तुमच्या मोबाईलमध्ये 2 सिम कार्ड अनावश्यकपणे वापरत असाल. म्हणजेच जर तुम्ही सिम डिॲक्टिव्हेट मोडमध्ये ठेवल्यास, तुम्हाला अशा सिम कार्डवर चार्जेस भरावे लागतील. हे चार्जेस एकरकमी किंवा वार्षिक आधारावर घेतले जाऊ शकते. TRAI मोबाईल नंबरच्या गैरवापराबद्दल चिंतित आहे. अशा परिस्थितीत, ट्रायने हा नवीन प्लॅन तयार केलाआहे, ज्या अंतर्गत टेलिकॉम कंपन्यांकडून मोबाइल नंबरसाठी चार्जेस घेतले जाऊ शकतात. जे दूरसंचार कंपन्या मोबाइल युजर्सकडून वसूल करतील.

दीर्घकाळ रिचार्ज न केलेले सिमकार्ड ब्लॅक लिस्टमध्ये

ट्रायच्या म्हणण्यानुसार, मोबाईल ऑपरेटर त्यांचा युजर सपोर्ट गमावण्याच्या भीतीमुळे बऱ्याच काळापासून ॲक्टिव्ह मोडमध्ये नसलेले सिम कार्ड बंद करत नाहीत. नियमांनुसार मात्र सिमकार्ड दीर्घकाळ रिचार्ज न केल्यास ते ब्लॅक लिस्टमध्ये टाकण्याची तरतूद आहे. अशा परिस्थितीत, ट्रायने मोबाइल ऑपरेटरवर दंड आकारण्याची योजना आखली आहे, ज्याचा भार टेलिकॉम कंपन्या साहजिकच सामान्य युजर्सवर टाकू शकतात.

मोबाइल युजर्स वापरतात दोन सिम कार्ड

ईटीच्या अहवालानुसार, देशाला प्रत्यक्षात मोबाईल नंबरच्या कमतरतेची समस्या भेडसावत आहे. असे मानले जाते की बहुतेक मोबाइल युजर्स त्यांच्या स्मार्टफोनमध्ये दोन सिम कार्ड वापरतात. यामध्ये, एक ॲक्टिव्ह मोडमध्ये राहतो, तर दुसऱ्याचा वापर खूपच लिमिटेड आहे. किंवा ते डिॲक्टिव्हेट राहते. तसेच, काही युजर्स एकापेक्षा जास्त मोबाईल सिम कार्ड वापरतात. अशा स्थितीत मोबाईल क्रमांकावरील चार्जेस वसूल करण्याची योजना आखण्यात आली आहे.

19 टक्के मोबाईल नंबर आहेत निरुपयोगी

ट्रायच्या आकडेवारीनुसार, सध्या 219.14 दशलक्षाहून अधिक मोबाइल नंबर ब्लॅक लिस्टमध्ये समाविष्ट आहेत, जे बऱ्याच काळापासून ॲक्टिव्ह नाहीत. एकूण मोबाईल क्रमांकांपैकी हे प्रमाण सुमारे 19 टक्के आहे, ही मोठी समस्या आहे. मोबाईल नंबर स्पेसिंगवर सरकारचा अधिकार आहे. सरकार स्वतः मोबाईल ऑपरेटरला मोबाईल नंबर सिरीज जारी करते. मोबाइल क्रमांक मर्यादित संख्येत उपलब्ध असल्याचे ट्रायचे म्हणणे आहे. अशा परिस्थितीत त्याचा योग्य वापर केला पाहिजे.