‘मुंज्या’ काही थांबेना! बॉक्स ऑफिसवर पैशांचा पाऊस, सातव्या दिवशी किती कमावले?

मुंबई: आदित्य सरपोतदार दिग्दर्शित ‘मुंज्या’ सध्या प्रेक्षकांसह समीक्षकांकडून वाहवा मिळवत आहे. सिनेमाने बॉक्स ऑफिसवर मोठा गल्ला कमावला असून प्रेक्षकांना थिएटरकडे आकर्षित करण्यात ‘मुंज्या’ यशस्वी ठरला आहे. ‘मुंज्या’ने अवघ्या सात दिवसात ३६ कोटींच्या पलीकडे कमाई केली असून येत्या दुसऱ्या वीकेंडपर्यंत ४० ते ४२ कोटींचा चप्पा पार होईल अशी अपेक्षा व्यक्त केली जात आहे. जाणून घ्या या बॉलिवूड चित्रपटाने सात दिवसात किती कमाई केली.‘मुंज्या’ने प्रत्येक दिवशी किती कमावले?

७ जून २०२४, शुक्रवार (पहिला दिवस) – ४.२१ कोटी
८ जून २०२४, शनिवार (दुसरा दिवस)- ७.४० कोटी
९ जून २०२४, रविवार (तिसरा दिवस)- ८.४३ कोटी
१० जून २०२४, सोमवार (चौथा दिवस)- ४.११ कोटी
११ जून २०२४, मंगळवार (पाचवा दिवस)- ४.२१ कोटी
१२ जून २०२४, बुधवार (सहावा दिवस)- ४.११ कोटी
१३ जून २०२४, गुरुवार (सातवा दिवस)- ४.०३ कोटी
एकूण कमाई- ३६.५० कोटी

वर्षातील तिसरा हिट सिनेमा

‘मुंज्या’ची निर्मिती दिनेश विजान आणि अमर कौशिक यांनी केली आहे. या फिल्ममेकर्सनी ‘स्त्री’, ‘भेडिया’सारखे सिनेमे दिले आहेत. अलीकडेच त्यांच्या ‘स्त्री २’चाही टीजर समोर आला. तसेच ‘मुंज्या’मध्ये कोणताही मोठा स्टार नसला तरी तगडे कलाकार यामध्ये आहेत. शर्वरी वाघ, अभय वर्मा, मोना सिंह, सुहास जोशी, भाग्यश्री लिमये, अजय पुरकर, तरन सिंग, सत्यराज, खुशी हजारे, आयुष उलगड्डे, श्रुती मराठे या कास्टने हा सिनेमा गाजवला. आदित्य सरपोतदार या मराठी मनोरंजन विश्वात नावाजलेल्या दिग्दर्शकाने ‘मुंज्या’चे दिग्दर्शन केले आहे. ‘आर्टिकल ३७०’ आणि ‘शैतान’नंतर ‘मुंज्या’ हा या वर्षातील तिसरा हिट सिनेमा आहे.

Maharaj On Netflix: ‘आमिरनंतर त्याच्या मुलाच्या सिनेमातही साधूंची बदनामी’, चित्रपटावर बंदीची मागणी; कोल्हापुरात आंदोलन

सध्याच्या आकडेवारीवरुन असा अंदाज व्यक्त केला जातो आहे की, हा चित्रपट लाइफटाइम ७५-८० कोटींची कमाई करेल. मात्र जर हा सिनेमा १०० कोटी क्लबमध्ये पोहोचला तरी आश्चर्य वाटायला नको. मात्र १४ जून रोजी रीलिज झालेल्या ‘चंदू चॅम्पियन’चे तगडे आवाहन या सिनेमासमोर आहे. शिवाय आगामी काळात ‘कल्की २८९८ एडी’देखील प्रदर्शित होतो आहे. सध्या ‘मुंज्या’ने ‘मिस्टर अँड मिसेस माही’ या सिनेमाला मागे टाकले असले तरी आगामी काळात सिनेमासमोर तगडे आव्हान आहे.