Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आर्टिफिशियल इंटेलिजन्स (AI) माणसांच्या विविध कामांमध्ये मदतीसाठी आणले गेले होते. परंतु, अनेक बाबतीत हे तंत्रज्ञान माणसांपेक्षा अधिक बुद्धिमान ठरले आहे. AI च्या वापराबद्दल एक भीती आहे की येत्या काळात कामाच्या ठिकाणी हे माणसांपेक्षा चांगले काम करू शकते, ज्यामुळे माणसांची नोकरीही धोक्यात येऊ शकते. अशा परिस्थितीत, AI अ‍ॅपने मिळवलेल्या यशामुळे या विचाराला अधिक खतपाणी मिळाले आहे.
UPSC प्रीलिम्स परीक्षेचे टॉपर AI
न्यूज एजेंसी पीटीआयच्या रिपोर्टनुसार, आर्टिफिशियल इंटेलिजन्स बेस्ड अ‍ॅप Padh.ai: UPSC IAS Exam Prep AI ने UPSC प्रीलिम्स परीक्षेत 200 पैकी 170 गुण मिळवले आहेत. फक्त एवढेच नाही, तर AI अ‍ॅपने परीक्षेतील सर्व प्रश्नांचे उत्तर केवळ 7 मिनिटांत दिले. या परीक्षेत 100 किंवा त्याबरोबरीचे गुण मिळवणे देखील मोठी गोष्ट मानली जाते, परंतु AI ने या परीक्षेत 170 गुण मिळवून दाखवले आहे.
एका रिलीजनुसार, AI अ‍ॅपचा हा स्कोर भलेही पहिल्या क्रमांकावर नसेल, पण राष्ट्रीय स्तरावर टॉप 10 मध्ये नक्कीच आहे. आयआयटीयन्सच्या टीमने तयार केलेले ॲप रविवारी दिल्लीतील ललित हॉटेलमध्ये UPSC प्रिलिम्स-2024 नंतर लाँच झाले. यावेळी शिक्षण क्षेत्राशी संबंधित लोक, यूपीएससी कम्युनिटी आणि मीडियामधील लोक उपस्थित होते. हा कार्यक्रम livestream.padhai.ai आणि YouTube वर लाइव्ह ब्रॉडकास्ट करण्यात आला.
भविष्यात सामान्य होईल AI चा वापर
PadhAI चे सीईओ कार्तिकेय मंगलम म्हणतात की, हे गेल्या 10 वर्षांत UPSC परीक्षेतील अ‍ॅपचे सर्वात उत्तम प्रदर्शन आहे. आमचा ठाम विश्वास आहे की हा पहिलाच इवेंट आहे, पण येत्या काही वर्षांत असे इवेंट सामान्य होतील. कारण अनेक शैक्षणिक संस्था AI च्या मदतीने जलद आणि अचूक उत्तरं शोधण्याच्या प्रयत्नात आहेत.
काय आहे PadhAI अ‍ॅप?
PadhAI एक AI आधारित शैक्षणिक अ‍ॅप आहे, ज्याची खासकरून UPSC परीक्षेच्या तयारीसाठी निर्मिती करण्यात आली आहे. हे अ‍ॅप गूगल प्ले स्टोअरवर उपलब्ध आहे. या अ‍ॅपसह युजर्सना अनेक AI फीचर्स मिळतात, जसे की विविध पुस्तकांमधील नोट्स, प्रश्नांचे स्पष्टीकरण तसेच परीक्षेसाठी लागणारे इतर साहित्य याठिकाणी उपलब्ध होते.