Sangharsh Yoddha: बॉक्स ऑफिसवर संघर्ष सुरूच, संघर्षयोद्धा मनोज जरांगे पाटील सिनेमाची नवव्या दिवशी इतकीच कमाई

मुंबई: मराठा समाजाच्या आरक्षणासाठी लढा देणारे मनोज जरांगे पाटील यांच्या आयुष्यावर आधारित संघर्षयोद्धा मनोज जरांगे पाटील हा सिनेमा काही दिवासंपूर्वी बॉक्स ऑफिसवर प्रदर्शित झाला. पण या सिनेमाला फार यश मिळालं नसल्याचं पाहायला मिळतंय. जितकी या सिनेमाची चर्चा झाली, त्या प्रमाणात सिनेमाला यश मिळालं नाही.

‘संघर्षयोद्धा’ची कमाई किती?

प्रदर्शित झाल्यानंतर सिनेमानं पहिल्या दिवशी आठ लाखांचा गल्ला जमवला होता. त्यानंतर दुसऱ्या दिवशी सिनेमाची कमाई ही नऊ लाख होती. तर तिसऱ्या दिवशी सिनेमाच्या कमाईत वाढ झाल्याचं दिसून आलं होतं. तिसऱ्या दिवशी सिनेमानं तब्बल १६ लाखांची कमाई केली. तर चौथ्या दिवशी सिनेमाच्या कमाईत घसरण झाली, चौथ्या दिवशीची कमाई ही नऊ लाख होती. त्यानंतर पाचव्या दिवशी सिनेमानं चार लाखांची कमाई केली. तर सहाव्या दिवशी सिनेमानं चार लाखांचा गल्ला जमवला. तर सातव्या दिवशीची कमाई ही फक्त तीन लाख होती. तर आठव्या आणि नवव्या दिवशी सिनेमानं फक्त दोन दोन लाखांचा गल्ला जमवलाय. त्यामुळं इतर सिनेमांच्या तुलनेत ही कमाई फारच कमी आहे. त्यामुळं या सिनेमाच्या बॉक्स ऑफिस कलेक्शनचही चर्चा रंगली आहे.

Sangharsh Yoddha Movie: ‘संघर्षयोद्धा- मनोज जरांगे पाटील’ सिनेमानं दोन दिवसात कमावला इतक्या लाखांचा गल्ला
कलाकारांची चर्चा

सिनेमातल्या कलाकारांबद्दल बोलायचं झालं तर, मनोज जरांगे पाटील यांची मुख्य भूमिका अभिनेता रोहन पाटील यानं साकारली आहे. या चित्रपटात अभिनेता संदीप पाठक, सागर कारंडे, अरबाज शेख, श्रीनिवास पोकळे, संजय कुलकर्णी, अभिनेत्री सुरभी हांडे, माधवी जुवेकर, विजय मिश्रा, विनीत भोंडे, सुनील गोडबोले, माधव अभ्यंकर, सोमनाथ अवघडे, किशोर चौगुले सिद्धेश्वर झाडबुके, उर्मिला डांगे, श्रीकृष्ण शिंगणे यांच्या ही महत्त्वाच्या भूमिका आहेत.

अभिनेते मोहन जोशी यांनी जरांगे पाटलांच्या वडिलांची तर अभिनेत्री सुरभी हांडे हिनं त्यांच्या पत्नीची भूमिका साकारली आहे. या सिनेमातल्या कलाकारांच्या लुकचीही सोशल मीडियावर प्रचंड चर्चा झाली. छगन भुजबळ आणि अॅड. सदावर्ते यांचे लुक सोशल मीडियावर व्हायरल झाले आहेत.