Adobe सॉफ्टवेअर युजर्स सावधान! CERT-In ने दिला धोक्याचा इशारा, कारण जाणून घ्या

यूजर्सच्या सुरक्षिततेवर एक मोठा धोका पुन्हा निर्माण झाला आहे. इंडियन कंप्युटर इमर्जन्सी रिस्पॉन्स टीम (CERT-In) ने यूजर्सना Adobe च्या 29 सॉफ्टवेअर आणि सर्व्हिसेसपासून सावधान राहण्याची सूचना दिली आहे. सरकारी एजन्सी CERT-In ने Adobeचे प्रॉडक्ट्स वापरणाऱ्या यूजर्सना सूचना दिली आहे. Adobe चे पॉप्युलर अॅप्स जसे की फोटोशॉप, कोल्ड फ्यूजन आणि क्रिएटिव क्लाउड यात समाविष्ट आहेत. CERT-In ने Adobe च्या प्रोडक्ट्स वापरण्यामुळे निर्माण होणाऱ्या धोक्यांना ‘हाई रिस्क’ कॅटेगिरीमध्ये ठेवले आहे.

डेटा चोरीचा धोका

सॉफ्टवेअरमध्ये आढळलेल्या धोक्यांमुळे तुमच्या कंप्युटर आणि फोनमधील डेटा हॅकर्सकडे जाऊ शकतो. रिपोर्टनुसार, Adobe च्या सॉफ्टवेअर आणि सर्व्हिसेसमध्ये आढळलेल्या धोक्यांचा फायदा थेट हॅकर्सना होतो. यामुळे दूरवर बसलेल्या हॅकर्सना यूजर्सच्या डिव्हाइसचा पूर्ण ऍक्सेस मिळतो आणि ते सहजपणे बायपास करून कोणत्याही कोडला सिस्टममध्ये टाकू शकतात. हा कोड हॅकर्सना डिव्हाइसच्या डेटाचा ऍक्सेस देतो आणि यूजर्सला याची कल्पनाही मिळत नाही.

Adobeच्या या सॉफ्टवेअर्ससाठी धोक्याची घंटा

CERT-In ने Adobe च्या खालील सॉफ्टवेअर्ससाठी हाय सिक्युरिटी वॉर्निंग जारी केली आहे:

• Adobe Photoshop 2023 24.7.3 आणि त्यापूर्वीचे विंडोज आणि macOS वर्जन.
• Adobe Photoshop 2024 25.7 आणि त्यापूर्वीचे विंडोज आणि macOS वर्जन.
• Adobe Experience Manager (AEM) AEM Cloud Service (CS)
• Adobe Experience Manager (AEM) 6.5.20 आणि त्यापूर्वीचे वर्जन.
• Adobe Audition 24.2 आणि त्यापूर्वीचे macOS आणि विंडोज वर्जन.
• Adobe Acrobat Android 24.4.2.33155 आणि अँड्रॉइडसाठी त्यापूर्वीचे सर्व वर्जन.
• Adobe Creative Cloud Desktop Application 6.1.0.587 आणि त्यापूर्वीचे विंडोज वर्जन.
• Adobe Substance 3D Stager 2.1.4 आणि त्यापूर्वीचे विंडोज आणि macOS वर्जन.
• Adobe ColdFusion 2021 Update 13 आणि त्यापूर्वीचे सर्व वर्जन.

सुरक्षेसाठी या टिप्स करा फॉलो

Adobe च्या या सॉफ्टवेअर वापरणाऱ्या यूजर्ससाठी CERT-In ने काही आवश्यक सल्ले दिले आहेत. यूजर्सने या धोक्यांपासून स्वतःला सुरक्षित ठेवण्यासाठी या सॉफ्टवेअर आणि सर्व्हिसेसचे लेटेस्ट वर्जन त्वरित आपल्या सिस्टममध्ये इन्स्टॉल करावे.