24 वर्षांपासून पृथ्वी फिरतेय हळू; शास्त्रज्ञ म्हणतात घड्याळात होणार ‘हे’ बदल

पृथ्वीच्या आतील गाभा 2010 पासून हळूहळू फिरत आहे. यामुळे दिवसाची लांबी एका सेकंदाच्या अंशाने बदलू शकते.पृथ्वी सूर्याभोवती सतत फिरत असते आणि ती आपल्या अक्षावरही फिरत असते. अक्षावर फिरल्याने दिवस आणि रात्र निर्माण होते, तर सूर्याच्या परिभ्रमणामुळे ऋतूंमध्ये बदल होतात. नवीन अभ्यासात असे म्हटले आहे की, पृथ्वीचा सर्वात आतला थर, ज्याला कोर म्हणतात, आता पूर्वीपेक्षा हळू फिरत आहे. कोरमध्ये दोन भाग असतात एक आतील गाभा आणि एक बाह्य कोर. आतील गाभा 2010 पासून हळूहळू फिरत आहे. यामुळे दिवसाची लांबी एका सेकंदाच्या अंशाने बदलू शकते.

पृथ्वीची अंतर्गत रचना

पृथ्वीचा आतील थर गाभ्याचा आतील भाग हा एक घन गोल मानला जातो जो लोखंड आणि निकेल सारख्या धातूंनी बनलेला असतो. तर त्याचा बाहेरचा भाग द्रवाचा बनलेला असतो ज्यामध्ये वितळलेले धातू असतात. यानंतर पृथ्वीचे इतर दोन बाह्य स्तर आहेत. गाभ्यानंतर आवरणाचा थर असतो आणि त्यानंतर सर्वात वरचा थर म्हणजे कवच, ज्यावर आपण राहतो.

लहरींच्या माध्यमातून थरांचा अभ्यास

संशोधक लहरींच्या माध्यमातून या थरांचा अभ्यास करतात. भूकंपाच्या वेळी या लहरी बाहेर पाठवल्या जातात. हे रेकॉर्ड करून, संशोधक तीन स्तरांची स्थिती आणि रचना शोधतात. युनिव्हर्सिटी ऑफ सदर्न कॅलिफोर्नियाच्या अभ्यासाशी संबंधित असलेले प्राध्यापक जॉन विडाले म्हणतात की जेव्हा त्यांनी पहिल्यांदा सिस्मोग्राम तरंगांना पहिले तेव्हा ते थक्क झाले.अनेक दशकांनंतर भातरी गाभ्याचा वेग कमी झाला आहे. त्याच वेळी, याबद्दल काही अभ्यास असेही म्हणतात की ते पृथ्वीच्या वेगापेक्षा वेगाने फिरत आहे. त्याच्या रोटेशनवर बाह्य गाभ्याद्वारे निर्माण होणाऱ्या चुंबकीय क्षेत्राचा परिणाम होतो. याशिवाय आवरणाच्या गुरुत्वाकर्षणाचाही त्यावर परिणाम होत असल्याचे सांगितले जाते.

युटीसी वेळेत एक लीप सेकंद जोडण्याची गरज

कॅलिफोर्निया सॅन डिएगो विद्यापीठातील संशोधक डंकन एग्न्यू म्हणतात की द्रव कोरचा वेग देखील पृथ्वीच्या वेगापेक्षा कमी होता. हा प्रभाव कमी करण्यासाठी पृथ्वीचा घन भाग अधिक वेगाने फिरू लागला. 1972 पासून काही वर्षांनी, यूटीसी वेळेत एक लीप सेकंद जोडण्याची गरज आहे, कारण असे मानले जाते की पृथ्वी नेहमी एकाच वेगाने फिरत नाही.