Kalki 2898 AD:पाहणार तर फर्स्ट डे फर्स्ट शो… सिनेमा पहिल्याच दिवशी करणार तब्बल २०० कोटींची कमाई? इतक्या तिकीटांची झाली विक्री

मुंबई: Kalki 2898 AD या बिग बजेट सिनेमाची सध्या जोरदार चर्चा सुरू आहे. रिलीजच्या आधीच सिनेमानं कोट्यवधींचा गल्ला जमवल्याची माहिती आहे. काही दिवसांपूर्वी सिनेमाचा ट्रेलर प्रदर्शित करण्यात आला होता. त्यानंतर प्रेक्षकांमध्ये सिनेमाची उत्सुकता वाढल्याचं दिसतंय. पहिल्या दिवशी सिनेमाला वर्ल्डवाइड बंपर ओपनिंग मिळेल, अशी चर्चा सुरू आहे.

‘कल्की २८९८ एडी’ मोडणार रेकॉर्ड्स?

२०२३ हे वर्ष सिनेइडंस्ट्रीसाठी लाभदायक ठरलं होतं. मात्र २०२४मध्ये एकाही सिनेमाला मोठं यश मिळवता आलं नाहीये. त्यामुळं ‘कल्की २८९८ एडी’ हा सिनेमा या सगळ्या सिनेमांची उणिव भरून काढणार असंही म्हटलं जात आहे. सिनेमाच्या प्रदर्शनासाठी आता अवघे काही तासच बाकी आहेत, तर सिनेमाचं अॅडव्हान्स बुकिंगही फुल्ल झाल्याचं म्हटलं जातंय. सिनेमात अनेक मोठे स्टार असल्यानं या सिनेमाचा फर्स्ट डे फर्स्ट पाहण्यासाठी चाहत्यांनी फुल्ल तयारी केल्याचं आकडे सांगत आहेत.
Prince Narula: लग्नाच्या सहा वर्षांनी सेलिब्रिटी कपलनं शेअर केली गुडन्यूज, बाळाच्या जन्माच्या आधीच ठेवलं नाव; अभिनेत्याची पोस्ट चर्चेत

ठरला पहिला भारतीय सिनेमा

‘कल्की २८९८ एडी’ हा पहिला सिनेमा उद्या म्हणजेच २७ जून रोजी पॅन इंडिया रिलीज होतोय. हा पहिलाच भारतीय सिनेमा जो २१० आयमॅक्स स्क्रीन्सवर प्रदर्शित होणार आहे. हा सिनेमा 2D, 3D मध्ये हिंदी, तमिळ आण तेलुगू भाषेत प्रेक्षकांना पाहता येणार आहे.

sacnilk नुसार हा सिनेमा बॉक्स ऑफिसवरचे अनेक रेकॉर्ड्स मोडू शकतो. या सिनेमाची वर्ल्डवाइड कमाई ही २०० कोटींच्या घरात असेल, असं म्हटलं जात आहे. भारतात सिनेमाची कमाई ही १२० ते १४० कोटींच्या घरात असेलत. तर आंध्र प्रदेश आणि तेलंगाना राज्यात सिनेमा ९० ते १०० कोटींची कमाई करू शकतो. साडे तीन लाखांहून अधिक तिकीटांची विक्री झाल्याचं म्हटलं जात आहे. तसंच तिकीटांच्या किंमतीही दोन हजरांच्या पुढे गेल्याच्या चर्चा सुरू आहेत.

Rekha 26 June: १० वर्षात एकही सिनेमा नाही, तरीही रेखा यांचा थाट भारी! कुठून होते जीवनावश्यक गोष्टींसाठी कमाई?

ट्रेलर लॉन्च सोहळा

दरम्यान, ‘कल्की’चा ट्रेलर लॉन्च सोहळा नुकताच पार पडला या चित्रपटाच्या ट्रेलर लाँच सोहळ्यात दिसले. दीपिका पदुकोण, प्रभास आणि ज्येष्ठ अभिनेते कमल हसन या वेळी उपस्थित होते. या कार्यक्रमासाठी त्यांनी काळ्या रंगातला स्टायलिश हूडी अन् ट्रॅक पँट असा पेहराव केला होता. त्यांच्या हूडीवरचं पांढरा डिझाइन, त्यांचे शूज आणि गॉगल या सगळ्याची चर्चा रंगली. या कार्यक्रमासाठी सर्वच कलाकारांनी काळ्या रंगाचा पेहराव निवडला असला, तरी बच्चन सर्वाधिक भाव खाऊन गेले. या सोहळ्यात त्यांनी सहकलाकारांची भरपूर थट्टा-मस्करीही केली. दीपिकाला स्टेजवररून खाली उतरण्यासाठी जेव्हा प्रभासनं हात दिला, तेव्हा बच्चन हेही तिला हात देण्यासाठी आपल्या जागेवरून उठले होते. मात्र, प्रभास मध्ये आलेला पाहताच ‘तू हे कसं आणि का केलंस,’ असं म्हणून बच्चन यांनी उपस्थितांना हसवलं.