ओम बिर्ला भाजपचा आदेश मानणारे, खासदार निलंबित केले, पुन्हा त्यांना संधी का? राऊतांचा सवाल

Sanjay Raut :संसदेत थोड्याच वेळात लोकसभा अध्यक्षपदासाठी निवडणूक पार पडणार आहे. एनडीए कडून ओम बिर्ला तर इंडिया आघाडीकडून के सुरेश यांनी नामांकन दाखल केले आहे. तब्बल १९७६ नंतर पहिल्यांदा लोकसभा अध्यक्षपदासाठी निवडणुक पार पडत आहे. यावरच टीका करत संजय राऊतांनी भाजपला फटकारले आहे, लोकसभा अध्यक्षपदाची निवडणुक होवू नये अशी परंपरा आहे पण गेल्या दहा वर्षापासून भाजपाचे आदेश मानणारे लोक तिथे बसतात, लोकसभा अध्यक्ष पदाला असणारी परंपरा भाजपाने मोडून काढले, ७५ ते ८० खासदारांना निलंबित करणाऱ्या ओम बिर्ला यांना जाणीवपूर्वक अध्यक्ष पदावर पुन्हा आण्यात येते. मोदींनी काल आणीबाणीची आठवण करुन दिली पण मोदींच्या आदेशामुळे लोकसभा आणि राज्यसभेतील १४० खासदार निलंबित करण्यात आले होते. ओम बिर्ला यांनी मोठ्या प्रमाणात खासदार निलंबित केले होते आणि तुम्ही त्यांनाच पुन्हा संधी देताय.ही कोणती परंपरा आहे असा सवाल राऊतांने केला आहे.
तीनदा संवाद झाला, पण कॉल बॅक नाही; लोकसभा अध्यक्षपदासाठी ७२ वर्षांनंतर निवडणूक लागली

लोकसभा अध्यक्षपदाच्या निवडणुकीवर राऊत काय म्हणाले?

के सुरेश सर्वात लोकसभेतील वरिष्ठ सदस्य आहे पण फक्त काँग्रेसचे असल्याने त्यांना डावलले जाते आणि त्यांचापेक्षा कनिष्ठ असणाऱ्या सदस्यांना जबाबदारी दिले जाते म्हणजे भाजपाचा सुंभ जळला तरी पिळ कायम आहे अशी टीका राऊतांनी केली. गेली दहावर्ष मोदी – शाहांच्या अटीवरच लोकसभा चालली पण आता ते शक्य नाही, आता मोदींना विरोधीपक्षांचा सामना करावाच लागेल. इंडिया आघाडीने घटनेत नमूद केल्याप्रमाणे उपअध्यक्ष पद मागितले होते पण एनडीएने विरोध केला नाइलाजास्तव आता आम्हाला निवडणुकीला सामोरे जावे लागेल. राहुल गांधी आता विरोधीपक्ष नेते आहेत त्यामुळे मोदींना आता संसदेत राहुल गांधींना रामराम करावाच लागेल, संसदेतून पळ काढता येणार आहे. राहुल गांधींनी विरोधीपक्ष नेतेपद स्विकारले इंडिया आघाडी राहुल गांधींचे आभारी आहे.

पॅलेस्टाइनचा उल्लेख करणे गुन्हा आहे का? संजय राऊतांचा सरकारला सवाल

पीएम मोदींना सुद्धा हा नर संहार मान्य नाही मग सरकारने भूमिका काय ती जाहीर करावी, ओवेसी जर काहीचे चुकीचे म्हणालेत असे सरकारला वाटते तर त्यांनी कारवाई करावी, पण युक्रेन आणि पॅलेस्टाइनमध्ये सुरु असलेल्या नर संहाराची जगाला चिंता आहेत. त्यामुळे पॅलेस्टाईनचा उल्लेख करणे काही चुकीचे नाही असे राऊत म्हणाले.