Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Oppo Reno 12 सीरीज भारतात लाँच करण्याची घोषणा करण्यात आली आहे. तसेच या लाइनअपची मायक्रोसाइट ऑनलाइन शॉपिंग वेबसाइट Flipkart वर लाइव्ह झाली आहे. या सीरिज अंतर्गत Oppo Reno 12 आणि Oppo Reno 12 Pro भारतीय बाजारात येईल. हे दोन्ही आर्टिफिशियल इंटेलिजन्स म्हणजे AI फीचर्सला सपोर्ट करतील. ही सीरीज आल्यामुळे Xiaomi, Vivo, Samsung आणि Realme सारख्या ब्रँडच्या फोन्सना टक्कर मिळेल.
ओप्पो फोनमध्ये AI फीचर्स
आगामी ओप्पो फोन्सचे स्पेसिफिकेशन
आगामी ओप्पो रेनो 12 सीरिजची किंमत
अलीकडेच आलेले डिवाइस
ओप्पो फोनमध्ये AI फीचर्स
वेबपेजवरून मिळालेल्या माहितीनुसार, Oppo Reno 12 आणि Oppo Reno 12 Pro मध्ये एआय बेस्ट फेस, एआय इरेजर 2.0, एआय स्टुडिओ आणि एआय क्लियर व्हॉइस फीचर दिलं जाईल. या फोनमध्ये Google Gemini ची सुविधा मिळेल, त्यामुळे युजर्स एआय समरी, रेकॉर्ड समरी आणि एआय रायटर सारखे फीचर्स वापरू शकतील.
आगामी ओप्पो फोन्सचे स्पेसिफिकेशन
अलीकडेच समोर आलेल्या रिपोर्ट्सनुसार, ओप्पो रेनो 12 सीरीजमध्ये येणाऱ्या स्मार्टफोनमध्ये कर्व्ड AMOLED डिस्प्ले दिला जाईल, ज्याचा रिफ्रेश रेट 120Hz असेल. याच्या बेस व्हेरिएंटमध्ये MediaTek Dimensity 8250 चिपसेट दिली जाऊ शकते, तर टॉप मॉडेलमध्ये MediaTek Dimensity 9200+ प्रोसेसर मिळण्याची शक्यता आहे.
ओप्पो रेनो 12 आणि रेनो 12 प्रो दोन्ही 50MP ड्युअल रियर कॅमेरा सेटअपसह येतील. यात सेल्फीसाठी 50MP चा कॅमेरा मिळेल. तसेच, मोबाइल फोनमध्ये 80W सुपरवूक फास्ट चार्जिंगचा सपोर्ट असलेली 5000mAh ची बॅटरी दिली जाईल. तसेच, हे मोबाइल फोन्स अँड्रॉइड 14 ऑपरेटिंग सिस्टमवर चालतील.
आगामी ओप्पो रेनो 12 सीरिजची किंमत
स्मार्टफोन ब्रँड ओप्पोने आतापर्यंत रेनो 12 सीरीजच्या लाँच डेटची घोषणा केली नाही. परंतु रिपोर्ट्समध्ये दावा केला जात आहे की हे दोन्ही हँडसेट जुलैच्या सुरुवातीला लाँच केले जाऊ शकतात. या सीरिजची प्रारंभिक किंमत 30 ते 35 हजारांच्या आत असण्याची शक्यता आहे.
अलीकडेच आलेले डिवाइस
ओप्पोने अलीकडेच OPPO A3 Pro 5G भारतीय बाजारात सादर केला होता. या स्मार्टफोनची किंमत मिड रेंजमध्ये ठेवण्यात आली आहे. यात 6.67 इंचाचा एचडी डिस्प्ले देण्यात आला आहे. याचा रिफ्रेश रेट 120Hz आहे. सीमलेस फंक्शनिंगसाठी हँडसेटमध्ये MediaTek Dimensity 6300 मिळतो.
या स्मार्टफोनमध्ये 50MP+2MP चा ड्युअल रियर कॅमेरा सेटअप देण्यात आला आहे. व्हिडीओ कॉलिंगसाठी फोनच्या फ्रंटला 8MP चा कॅमेरा मिळतो. याची बॅटरी 5,100mAh ची आहे. यात 45W सुपरवूक फास्ट चार्जिंगचा सपोर्ट देण्यात आला आहे.