Samsung Galaxy A06: 10 हजारांच्या आत येतोय सॅमसंगचा फोन; मिळेल 6GB रॅम आणि दमदार प्रोसेसर

सॅमसंग आपल्या A सीरीजचा नवीन फोन बाजारात लाँच करणार आहे. कंपनीचा हा आगामी फोन Samsung Galaxy A06 नावाने सादर होऊ शकतो. फोनच्या लाँच डेट बाबत कंपनीनं अद्याप कोणतीही अधिकृत माहिती दिली नाही. मीडिया रिपोर्टनुसार हा फोन लाँच पूर्वीच BIS म्हणजे ब्युरो ऑफ इंडियन स्टँडर्ड्सवर लिस्ट झाला आहे. यावरून एक गोष्ट निश्चित झालं आहे की सॅमसंगचा हा फोन भारतात देखील लाँच होईल. BIS लिस्टिंगनुसार सॅमसंगच्या या फोनचा मॉडेल नंबर SM-A065F/DS आहे. तसेच Galaxy A06 स्मार्टफोन ड्युअल सिमला सपोर्टसह येईल.

आगामी सॅमसंग फोनमध्ये Helio G85 प्रोसेसर

काही दिवसांपूर्वी हा आगामी फोन गीकबेंच आणि Wi-Fi Alliance वर देखील दिसला होता. या लिस्टिंग नुसार कंपनी या फोनमध्ये 2.4GHz आणि 5GHz वाय-फाय फीचर दिले जातील. हा फोन 6जीबी पर्यंतच्या रॅमसह येऊ शकतो. प्रोसेसर म्हणून फोनमध्ये कंपनी मीडियाटेक हीलियो G85 चिपसेट देऊ शकते. फोनच्या कॅमेरा स्पेसिफिकेशन्स बाबत सध्या काही सांगता येणार नाही. परंतु अशी चर्चा आहे की हा फोन Galaxy A05 ची जागा घेईल. त्यामुळे सॅमसंगच्या या फोनची किंमत 10 हजार रुपयांच्या आत राहील.
Lava Blaze X: चिनी कंपन्यांना टक्कर देण्यासाठी लावा उतरणार मैदानात; नव्या फोनची दाखवली झलक

Galaxy A05चे स्पेसिफिकेशन

कंपनी या फोनमध्ये 6.7 इंचाचा एचडी+ इनफिनिटी-U डिस्प्ले देत आहे. फोन 6जीबी पर्यंतच्या रॅम आणि 128जीबी पर्यंतच्या इंटरनल स्टोरेजसह येतो. यात प्रोसेसर म्हणून कंपनी मीडियाटेक हीलियो जी85 प्रोसेसर देत आहे. फोटोग्राफीसाठी फोनच्या मागे एलईडी फ्लॅशसह दोन कॅमेरा देण्यात आले आहेत. यात 50 मेगापिक्सलच्या मेन लेन्ससह एक 2 मेगापिक्सलचा डेप्थ सेन्सरचा समावेश आहे. तसेच, सेल्फीसाठी सॅमसंगच्या या फोनमध्ये 8 मेगापिक्सलचा कॅमेरा देण्यात आला आहे.

फोनमध्ये देण्यात आलेली बॅटरी 5000mAh ची आहे. ही बॅटरी 25 वॉट फास्ट चार्जिंगला सपोर्ट करते. ओएस पाहता फोन अँड्रॉइड 13 आधारित OneUI 5.1 कोरवर चालतो. कनेक्टिव्हिटीसाठी यात 4G, ड्युअल बँड वाय-फाय, ब्लूटूथ 5.3 आणि यूएसबी टाइप-C पोर्ट सारखे ऑप्शन देण्यात आले आहेत. फोनमध्ये फिंगरप्रिंट सेन्सर नाही परंतु फेस अनलॉक फीचर नक्की मिळेल.