Cheapest Plan of Jio and Airtel: हे आहेत जिओ आणि एअरटेलचे स्वस्त रिचार्ज प्लॅन्स; नवीन महागले, आता ग्राहकांना खर्च करावे लागतील अधिक पैसे

जिओ आणि एअरटेलचे प्लॅन्स महागले आहेत. आता युजर्सना या कंपन्यांच्या रिचार्जसाठी अधिक पैसे खर्च करावे लागतील. जिओचा सर्वात स्वस्त प्लॅन जो आधी 155 रुपये होता, तो आता 189 रुपये झाला आहे. एअरटेलनेही किंमती वाढविल्या आहेत. तर Viचे प्लॅन्स 4 जुलैपासून महागणार आहे.

एअरटेलने सर्व प्लॅन्सच्या किमतीत 10-20 टक्क्यांनी वाढ केली आहे. एअरटेलने आपल्या प्लॅटफॉर्मवर अनेक प्लॅन्स बदलले आहेत. 455 किंमत असलेला 84 दिवस व्हॅलिडिटी असलेला प्लॅन रद्द केला आहे आणि 1799 रुपयांचा प्लॅन जो 365 दिवसांची व्हॅलिडिटी देत होता, तोही रद्द केला आहे.

Jioने आपल्या वेबसाइटवर लिस्ट केले नवीन प्लॅन्स

जिओने सर्वात स्वस्त रिचार्ज प्लॅन्स बदलले आहेत. जिओच्या प्लॅटफॉर्मवर सर्वात स्वस्त प्रीपेड रिचार्ज प्लॅन्स वैल्यू कॅटेगरीत मिळतात. आता कंपनीने त्यांच्या किमती बदलल्या आहेत आणि नवीन किमतींसह प्लॅन्स लिस्ट केले आहेत. जिओचा सर्वात स्वस्त मंथली रिचार्ज प्लॅन 189 रुपयांचा आहे. यामध्ये 28 दिवसांची व्हॅलिडिटी, अनलिमिटेड कॉलिंग आणि दररोज 2 GB डेटा मिळतो.

जिओचा 84 दिवसांची व्हॅलिडिटी असलेला सर्वात स्वस्त रिचार्ज प्लॅन 479 रुपयांचा झाला आहे. यात 84 दिवसांची व्हॅलिडिटी, अनलिमिटेड कॉलिंग आणि 6 GB हाय स्पीड इंटरनेट मिळते. तसेच, 1000 SMS मिळतील. तर 1 वर्षाचा सर्वात स्वस्त प्लॅन जिओचा 1899 रुपयांना झाला आहे. यात 336 दिवसांची व्हॅलिडिटी, अनलिमिटेड कॉल्स आणि 24 GB डेटा मिळतो. तसेच, 3600 SMS मिळतात.

Airtelनेही केले आपल्या प्लॅन्समध्ये मोठे बदल

Airtelनेही आपल्या प्लॅटफॉर्मवर मंथली, 84 दिवस आणि एन्युअल कॅटेगरीतील सर्वात स्वस्त प्लॅन्सच्या किमती बदलल्या आहेत. आता 28 दिवसांची व्हॅलिडिटी, अनलिमिटेड कॉल आणि 2 GB डेटा असलेल्या प्लॅनची किंमत 199 रुपये आहे. Airtelचा 84 दिवसांची व्हॅलिडिटी, 6 GB डेटा आणि अनलिमिटेड कॉलिंग असलेल्या प्लॅनची किंमत 509 रुपये झाली आहे. एअरटेलचा सर्वात स्वस्त एन्युअल रिचार्ज प्लॅन 1999 रुपयांचा झाला आहे.