Samsung Security Threat: सॅमसंग युजर्ससाठी धोक्याची घंटा! Googleने दिला लवकरात लवकर मोबाईल अपडेट करण्याचा सल्ला

Samsungने सांगितल्यानुसार Google ने एक नवीन धोकादायक सिक्युरिटी ब्रीच शोधले आहे. यामुळे, Samsung सर्व Galaxy स्मार्टफोन युजर्सना लवकरात लवकर त्यांच्या फोनचं अपडेट करण्याचा सल्ला देत आहे. हे संकट “CVE-2024-32896” नावाने ओळखले जाते आणि त्यामुळे लाखो फोन हॅक होण्याचा धोका निर्माण झाला आहे. चला जाणून घेऊया हे संकट नेमकं काय आहे…

संकट काय आहे?

या समस्येला CVE-2024-32896 नावाने ओळखले जाते, केवळ Google Pixel फोनलाच नव्हे तर Samsung सारख्या इतर कंपन्यांच्या डिवाइसेसलाही यामुळे धोका असतो. या ब्रीचचा फायदा घेऊन कोणताही हॅकर तुमच्या डिवाइसला अनधिकृतपणे ऍक्सेस करू शकतो, तुमचा महत्त्वाचा डेटा चोरू शकतो, मॅलवेयर इंस्टॉल करू शकतो, किंवा तुमच्या फोनच्या काही खास फंक्शन्सवरही नियंत्रण मिळवू शकतो. Google ने या समस्येचे निराकरण करण्यासाठी Pixel फोनसाठी एक सुरक्षा पॅच जारी केला आहे.

तथापि, आता ही जबाबदारी Samsung वर आली आहे की त्यांनी लवकरात लवकर हा पॅच आपल्या Galaxy स्मार्टफोन युजर्सपर्यंत पोहोचवावा. सर्वात लेटेस्ट अपडेट इंस्टॉल केल्याने ही समस्या दूर होईल आणि तुमच्या फोनवरील सायबर अटॅकचा धोका खूपच कमी होईल.

Google आपल्या Pixel फोनसाठी सुरक्षेच्या कमतरता लवकर दूर करते, परंतु Samsung सारख्या इतर कंपन्या हे पॅच त्यांच्या फोनमध्ये इन्स्टॉल करण्यास उशीर करू शकतात. या उशीरामुळे फोन वापरणाऱ्यांना धोका राहू शकतो.

सॅमसंग युजर्सनी काय करावे?

अपडेट तात्काळ करा: आपल्या फोनच्या सेटिंग्जमध्ये जाऊन सॉफ्टवेयर अपडेट पहा. नवीन अपडेट आला की, त्वरित डाउनलोड आणि इंस्टॉल करा.
सावधान राहा: अपडेट येईपर्यंत कोणत्याही शंकास्पद लिंक, डाउनलोड किंवा अज्ञात इंस्टॉल करण्यापासून सावध राहा.

Samsung किंवा इतर ब्रँडचे स्मार्टफोन वापरणाऱ्यांना त्यांच्या फोनला लेटेस्ट सिक्योरिटी पॅचसह अपडेट करण्याबरोबरच सतर्क राहणेही गरजेचे आहे. त्यांना त्यांच्या फोनच्या परमिशन तपासत राहाव्या लागतील. कोणताही ॲप फोनची लोकेशन, कॉन्टॅक्ट, फाइल, मेसेज इत्यादी ॲक्सेस करत नाही ना, हे पाहावे लागेल. असे केल्यास युजरने त्वरित त्या ॲपचे परमिशन काढून टाकले पाहिजे. यासाठी सेटिंग्जमध्ये जाऊन मॅनेज परमिशनवर टॅप करावे आणि ज्या ॲपचे परमिशन काढून टाकायचे आहे, त्यावर टॅप करून परमिशन बंद करावे