Smartphone Care Tips: पावसात तुमचा स्मार्टफोन भिजला तर या चुका करू नका, दगड होईल तुमचा मोबाईल

स्मार्टफोन एक असे डिव्हाईस आहे जे लोक नेहमी सोबत ठेवतात. आता लोक आपली बरीचशी कामे मोबाईलच्या मदतीनेच करतात. आता पावसाळा सुरू झाला आहे. अशा स्थितीत अनेकदा निष्काळजीपणामुळे स्मार्टफोन पावसाच्या पाण्याने भिजतो. कुठेतरी प्रवास करत असताना अचानक आलेल्या पावसामुळे स्मार्टफोनमध्ये पाणी शिरते. अशा परिस्थितीत, लोक घाबरतात आणि घाईघाईत काही चुका करतात ज्यामुळे फोन ठीक तर होत नाहीच शिवाय आणखी खराब होऊ शकतो. पावसात तुमचा फोन भिजला तर काय करू नये याची माहिती आज याठिकाणी देत आहोत.

फोन वारंवार हलवणे

जेव्हा फोन पाण्यात भिजतो तेव्हा तो वारंवार हलवल्याने फोनच्या अंतर्गत भागात पाणी जाऊ शकते, ज्यामुळे फोनला आणखी नुकसान होऊ शकते.

फोन चार्जवर ठेवा

जोपर्यंत फोन पूर्णपणे कोरडा होत नाही तोपर्यंत तो चार्जवर ठेवू नये. यामुळे शॉर्ट सर्किट होऊन फोन जळू शकतो.

फोन उन्हात ठेवणे

फोन थेट सूर्यप्रकाशात ठेवल्यास त्यातील इलेक्ट्रॉनिक मटेरियल खराब होऊ शकते. त्यामुळे फोन पावसात भिजल्यानंतर उन्हात ठेवू नये.

हेअर ड्रायर वापरणे

हेअर ड्रायरमधून बाहेर पडणारी गरम हवा फोनच्या इलेक्ट्रॉनिक घटकांना खराब करू शकते. त्यामुळे फोन सुकवण्यासाठी हेअर ड्रायरचा वापर करू नका.

तुमच्या फोनमध्ये पाणी साचल्यास फॉलो करा या टिप्स

1. फोन ताबडतोब बंद करा

सर्वप्रथम, तुमचा स्मार्टफोन ताबडतोब बंद करा. हे पाणी आत जाण्यापासून रोखण्यास आणि शॉर्ट सर्किटचा धोका कमी करण्यास मदत करेल.

2. सिम आणि मेमरी कार्ड काढा

तुमच्या फोनमध्ये सिम आणि मेमरी कार्ड असल्यास, ते ताबडतोब बाहेर काढा आणि फोन 24-48 तास कोरडा होऊ द्या.

3. फोन तांदळात ठेवा

एका हवाबंद डब्यात तांदूळ भरा आणि त्यात तुमचा फोन दाबा. तांदूळ ओलावा शोषून घेईल आणि तुमचा फोन कोरडा ठेवण्यास मदत करेल.

4.सर्व्हिस सेंटर

या उपायांचा अवलंब करूनही फोन चालू होत नसेल तर तो सर्व्हिस सेंटरमध्ये घेऊन जा.