Tej Police Times
WhatsApp Verification: व्हॉट्सॲपवर होत आहे सर्वात मोठा बदल; हिरवी टिक आता बदलेल निळ्या रंगामध्ये
WhatsApp Update: व्हॉट्सॲप लवकरच एक नवीन अपडेट आणत आहे. या अपडेटमध्ये कंपन्यांना मिळालेला हिरवा टिक आता निळा होईल. ही ब्लू टिक व्हॉट्सॲपवर व्हेरिफिकेशन झालेल्या सर्व कंपन्यांना उपलब्ध असेल.
रंग बदलण्याचे कारण
WABetaInfo च्या रिपोर्टनुसार, WhatsApp लवकरच एक नवीन अपडेट आणत आहे. या अपडेटमध्ये कंपन्यांना मिळालेला हिरवा टिक आता निळा होईल. ही ब्लू टिक व्हॉट्सॲपवर व्हेरिफिकेशन झालेल्या सर्व कंपन्यांना उपलब्ध असेल. रिपोर्टनुसार, सर्व मेटा ॲप्सवरील व्हेरिफिकेशन साइन सारखेच असावेत यासाठी हा बदल करण्यात येत आहे. फेसबुक आणि इंस्टाग्रामवर फक्त ब्लू टिक उपलब्ध आहे.
बनावट कंपन्या किंवा चॅनेलपासून युजर्सची संरक्षण
वेबसाइटने शेअर केलेल्या स्क्रीनशॉटप्रमाणे, जुन्या हिरव्या टिकला आता ब्लू टिकने बदलले जाईल. यामुळे व्हॉट्सॲपचा लूक इतर मेटा ॲप्सशी जुळेल आणि सर्व ॲप्समध्ये हा एक्सपेरियन्स सारखाच असेल. लक्षात घेण्यासारखी गोष्ट अशी आहे की ही निळी टिक अजूनही तेच करेल, म्हणजे, हे दर्शवेल की तुम्ही खऱ्या कंपनी किंवा चॅनेलशी बोलत आहात. युजर्सचा विश्वास वाढवणे आणि बनावट कंपन्या किंवा चॅनेलपासून त्यांचे संरक्षण करणे हा या बदलाचा उद्देश आहे.
लवकरच येत आहे प्रत्येकासाठी
व्हॉट्सॲप सध्या बीटा प्रोग्रामवर फोन असलेल्या काही निवडक युजर्ससाठी या बदलाची चाचणी करत आहे. हे अपडेट लवकरच प्रत्येकासाठी येऊ शकतात. सध्या, हे ब्लू टिक फीचर फक्त ज्यांनी Google Play Store वरून WhatsApp ची नवीनतम बीटा आवृत्ती डाउनलोड केली आहे अशा काही निवडक लोकांसाठी उपलब्ध आहे. येत्या काही आठवड्यांमध्ये, हे नवीन फीचर इतर सर्व युजर्ससाठी देखील उपलब्ध होईल.
लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा