Shivling Puja In Marathi : भोलेनाथ होतील प्रसन्न, शिवलिंगाची अशी करा पूजा ! सर्वात आधी शिवलिंगावर काय अर्पण करावे?

Shivaling Puja :

शिवलिंग हे भगवान महादेवाचे प्रतिक आहे आणि ते ऊर्जास्रोत आहे. शिवलिंगात भगवान महादेव तर आहेतच, पण त्यांच्यासोबत कार्तिकेय, गणपती, माता पार्वती आणि भगवान शिवजींची कन्या अशोक सुंदरी यांचाही वास असतो. शिवलिंगाची पूजा केल्याने तुमच्या सर्व मनोकामना पूर्ण होतात.
तसेच प्रत्येक मनोकामनेनुसार शिवलिंगावर विविध गोष्टी अर्पण केल्या जातात. पण तुम्हाला हे माहिती आहे का शिवलिंगावर सर्वांत आधी काय अपर्ण करावे? पूजेच्या नियमांनुसार कोणत्या क्रमाने कोणत्या गोष्ट अर्पण कराव्यात? तर जाणून घेऊ शिवलिंगाच्या पूजेचे नियम.

शास्त्रांनुसार शिवलिंगाची पूजा सुरू करण्यापूर्वी सर्वांत आधी शिवलिंगावर जल अर्पण करावे. जलाभिषेकामुळे भोलेनाथ शांत होतात. शिवलिंगावर जलअर्पण करताना तांब्याच्या पात्रातून केले जावे. तसेच जलअर्पण करताना ओम नमः शिवायचा जप आवश्य करावा.
जलाभिषेकानंतर शिवलिंगावर दूध, दही आणि मध अर्पित करू शकता. यानंतर बेलपत्र, पांढरी फुले आणि धोत्रा अर्पण करावा. शिवलिंगावर गाईचे कच्चे दूध स्टीलच्या पात्रातून अर्पण करावे, कारण तांब्याच्या पात्रातून कच्चे दूध अर्पण करणे शुभ मानले जात नाही. सोमवारी विधिविधानासह शिवलिंगावर जलाभिषेक केला तर भोलेनाथाकडून वरदानही मिळते अशी मान्यता आहे.

शिवलिंगावर जल अर्पण करण्याची पद्धत

• शिवलिंगावर जल अर्पण करण्याची पद्धत अशी आहे की शिवलिंगाच्या उजव्या आणि डाव्या बाजूला स्थित गणेश आणि कार्तिकेयवर जलअर्पण करावे.
• त्यानंतर शिवलिंगाचा जो गोल घेर असतो, ज्यात शिवलिंग असतो आणि जे माता पार्वतीला समर्पित केलेले असते, तेथे जलअर्पण करावे.
• यानंतर मध्य भागी भगवान शिव आणि माता पार्वती यांची कन्या अशोक सुंदरीचे स्थान आहे, तेथे जलअर्पण करावे, त्यानंतर शिवलिंगावर जलअर्पण करावे. मान्यता अशी आहे की भगवान शिवाची पूजा करण्यापूर्वी आधी गणेश, कार्तिकेय, माता पार्वती आणि अशोक सुंदरी यांची पूजा केली जाते.