जगभरात १२ व्या दिवशी कल्कीने रचला इतिहास; १००० कोटींच्या टप्प्याकडे वाटचाल, जाणून घ्या बॉक्स ऑफिस कलेक्शन

मुंबई – नाग अश्विन दिग्दर्शित ‘कल्की 2898 एडी’ हा साय-फाय चित्रपट बॉक्स ऑफिसवर कमालीचा धुमाकूळ घालतोय. या चित्रपटाने प्रचंड कमाईसुद्धा केली असून देशात आणि जगभरात इतिहास रचला आहे. या चित्रपटाने प्रदर्शित झाल्यानंतर १२ व्या दिवशी किती कमाई केली जाणून घेऊया.

‘कल्की 2898 एडी’ ची १२ व्या दिवसाची जगभरातील कमाई

‘कल्की 2898 एडी’ चित्रपटाने प्रदर्शित झाल्यानंतर पहिल्याच दिवशी चांगली कमाई केली. आता या चित्रपटाने दुसऱ्या आठवड्यात ८०० कोटींचा टप्पा गाठला आहे. मात्र, १२ व्या दिवशी कमाईमध्ये घट झाली असली तरी जगभरात ९०० कोटींची कमाई केली आहे. हा चित्रपट बॉक्स-ऑफिसवर १००० कोटींच्या आकड्याच्या दिशेने वाटचाल करत आहे.

८ जुलै रोजी ‘कल्की 2898 एडी’ च्या वैजयंती मुव्हीज या प्रोडक्शन हाऊसने एक खास पोस्ट शेअर करत, ‘रेसिंग टूवर्ड्स द मॅजिकल माईलस्टोन’ असं कॅप्शन लिहिलं आहे.

११ व्या दिवसाच्या तुलनेत ८ जुलै रोजी ‘कल्की 2898 एडी’च्या कलेक्शनमध्ये मोठी घट झाली. रिपोर्टनुसार, चित्रपटाने भारतात सुरुवातीला ११ कोटी ३५ लाखांची कमाई केली. या चित्रपटाने हिंदी भाषेत ६ कोटी ५ लाख तर तेलुगू भाषेत ३ कोटी ५ लाख रुपये कमावले. तर मल्ल्याळम, तामिळ आणि कन्नड भाषेमध्ये १ कोटी रुपयांपेक्षा कमी कमाई केली.
‘कल्की 2898 एडी’ चे १२ दिवसांचे एकूण कलेक्शन ५२१ कोटी ४ लाखांपर्यंत पोहोचले आहे. तेलुगू भाषेत भारतात २४९ कोटी कमावले तर हिंदी भाषेमध्ये २१८ कोटी ९ लाख रुपये कमावले.Pankaj Tripathi:’मिर्झापूर ३’साठी पंकज त्रिपाठींनी घेतली कोट्यवधींची फी,पहिल्या सिनेमासाठी मिळालेलं फक्त इतकंच मानधन

‘इंडियन 2’ रिलीज होईपर्यंत कल्कीकडे कमाईची भरपूर संधी

१२ जुलै रोजी कमल हसन यांचा ‘इंडियन २ ‘ हा चित्रपट प्रदर्शित होण्यापूर्वी ‘कल्की 2898 एडी’ आणखी आणखी काही दिवस कमाई करू शकतो. नाग अश्विन लिखित आणि दिग्दर्शित ‘कल्की 2898 एडी’ या चित्रपटात प्रभास, अमिताभ बच्चन, दीपिका पादुकोण आणि कमल हसन यांनी प्रमुख भूमिका साकारल्या आहेत.