Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आजचे अंकभविष्य, 21 जुलै 2024 : मूलांक 2 रखडलेले पैसे मिळणार ! मूलांक 4 कटू बोलणे टाळावे ! तुमचा मूलांक काय सांगतो? जाणून घेऊया.
Numerology Prediction, 21 July 2024: ज्या लोकांचा आज 21 तारखेला वाढदिवस आहे त्यांचा मूलांक क्रमांक 3 असेल. गुरू हा मूलांक 3 चा अधिपती ग्रह आहे. नीतीनियमाने चालणारे, सल्ले देण्यासाठी सदैव पुढे, आध्यत्मीकतेमध्ये रुची घेणारे अशा मूलांक ३ च्या व्यक्ती असतात. मूलांक 3 असणाऱ्यांना नवीन गोष्टी शिकण्यासाठी वेळ लागतो पण हळूहळू शिकतात. चला तर मूलांक 3 असणाऱ्यांसाठी तसेच मूलांक 1 ते 9 साठी रविवार कसा जाणार आहे ते जाणून घेऊया.
मूलांक 1 – निर्णय घेताना ज्येष्ठांचा सल्ला महत्त्वाचा
मूलांक 1 असलेल्यांना आज दिवस चांगला जाईल. आज तुमची हुशारी, बुद्धिमत्तेचा चांगला उपयोग करून तुम्ही सर्व कामे पूर्ण कराल. आज तुम्ही वडिलांचा सल्ला घेऊन एखादे काम पूर्ण केले तर तुम्हाला अत्याधिक लाभ होतील. आज तुम्हाला कौटुंबिक सुख मिळेल, तसेच कुटुंबीयांसोबत नवीन घर खरेदीचा विचार करू शकता. आज तुम्हा मानसिक दृष्टिकोनातून फार आनंदी असाल आणि कुटुंबीयांसोबत एखाद्या मनोरंजनाच्या कार्यक्रमाचे आयोजनही कराल.
मूलांक 2 – थकलेले पैसे हाती येतील
मूलांक 2 असलेल्यांसाठी वेळ फार चांगली आहे. बऱ्याच दिवसांपासून थकलेले पैसे आज प्राप्त होतील, त्यामुळे मानसिक सुखाचा अनुभव घ्याल. आज तुम्हाला सर्व अडचणींवर उपाय सापडेल आणि आज सर्व थांबलेली कामे पूर्ण होतील. कुटुंबाचा विचार केला तर आज कौटुंबिक सुख चांगले राहील. जोडीदारा आणि कुटुंबासोबत आज चांगला आणि आनंदी दिवस व्यतित कराल.
मूलांक 3 – आध्यात्मिक विचार मनात येतील
मूलांक 3 असलेल्यांना आज वेळ अनुकूल आहे. आज तुमची बुद्धिमत्ता, चातुर्य याचा वापर करून सर्व कामे पूर्ण कराल. आज तुमच्या मनात गंभीर आध्यात्मिक विचार येतील, त्यातून तुम्ही भविष्याबद्दल काही चांगेल निष्कर्ष काढू शकाल. कौटुंबिक जीवनाचा विचार करता तुम्ही कुटुंबीयांसोबत पूजा, यज्ञ किंवा एखाद्या अनुष्ठानाबद्दल विचार करला आणि आगामी काही दिवसांत त्यांचे आयोजनही कराल, त्यामुळे तुम्हाला भविष्यात सुखद अनुभव येतील.
मूलांक 4 – घरातील शांती टिकवून ठेवा
मूलांक 4 असलेल्यांना आज बऱ्याच अडचणींना तोंड द्यावे लागेल. आज कोणताही धर्म, धर्मगुरू, भिक्षुक यांच्याबद्दल कटू वचन बोलू नका अन्यथा तुम्हाला भविष्यात शारीरिक कष्टांना तोंड द्यावे लागेल. आज तुमचे ज्ञान आणि चातुर्य यात एक प्रकारचा द्वंद्व निर्माण होईल. आज व्यवहारात शांती टिकवून ठेवा आणि बोलणे सौम्य ठेवा, ते जास्त प्रभावी ठरेल. जोडीदारासोबत आज घरगुती समस्यांतून काही वाद होऊ शकतात. एकूण तुम्हाला आज घरातील शांती टिकवून ठेवायची आहे आणि ज्येष्ठांची काळजी घ्यायची आहे. आज कोणतेही नवीन कार्य सुरू करू नका.
मूलांक 5 – कुटुंबासोबत संमिश्र दिवस
मूलांक 5 असलेल्यांसाठी आजचा दिवस फारसा खास नाही. आज तुम्ही विचार केलेली कामे आणि ती प्रत्यक्षात पूर्ण होणे यात बरेच अंतर पडेल, त्यामुळे तुम्ही कोणत्याही निष्कर्षापर्यंत पोहोचू शकणार नाही. आज तुम्हाला फार शांत राहावे लागेल, तसेच कोणतेही काम हाती घेताना विवेकबुद्धीने त्यावर सारासार विचार करावा. आज तुम्हाला व्यापारात आणि नोकरीत पुढे जाण्याच्या काही संधी मिळतील. कुटुंबासोबत आजचा दिवस संमिश्र असेल. जोडीदारासोबतही आजचा दिवस सामान्य राहील.
मूलांक 6 – जोडीदारासोबत विचार करून निर्णय घ्या
मूलांक 6 असलेल्यांना आज दिवस ठिकठाक असेल. आज तुम्हाला कोणती ना कोणती अडचण सतावेल. फक्त तुम्हाला आज संयमाने काम करावे लागेल, कारण तुम्ही विचार करत असलेली कामे आज पूर्ण होणार नाहीत. आज तुम्ही संततीच्या आरोग्याबद्दलही चिंतेत असाल, पण तुम्ही संयमाने काम केले तर तुम्हाला यावर उपायही सापडेल. कामानिमित्त आज धावपळ जास्त होईल. परंतु तुम्ही जोडीदारासोबत विचार करून एखादा निर्णय घेतला तर तो निर्णय तुम्हाला फार लाभाचा राहील. कुटुंबासोबत एकत्र राहाणे लाभ मिळेल.
मूलांक 7 – रागावर नियंत्रण ठेवा
मूलांक 7 असलेल्यांसाठी आज फारसा चांगला दिवस नाही. कौटुंबिक बाबतीत आजचा दिवस अडचणींचा राहील. आज कुटुंबातील लोक मानसन्मानावरून एकमेकांकडे बोट दाखवतील. आज जोडीदारासोबतही काही कटुता राहू शकते. त्यामुळे तुम्ही आज संयमाने काम करावे आणि कोणाशीही कटु शब्दांचा वापर करू नका. आज प्रकृतीची विशेष काळजी घ्या, याचे कारण म्हणजे भविष्यात तुम्हाला मधुमेह होण्याची शक्यता दिसत आहे. खाण्यापिण्यावर विशेष लक्ष द्या आणि गोड खाणे टाळा. आज थकलेले पैसे हाती येण्याचे योग आहेत, आणि भविष्यात पैशांची आवक चांगली राहण्याचे योग आहेत. परंतु तुम्हाला रागावर नियंत्रण ठेवावे लागेल.
मूलांक 8 – कोणाशीही वाद घालू नका
मूलांक 8 असलेल्यांना आज दिवस फारसा खास नाही. आज दिवस समस्या आणि अडथळ्यांचा आहे. परंतु तुमच्या कठोर परिश्रमांना यश येईल, आणि सायंकाळपर्यंत तुम्ही विचार केलेली कामे पूर्ण होतील आणि तुमच्या अडचणी काही कमी होऊ शकतात. हातातील सर्व कामे पूर्ण करण्यासाठी बराच संघर्ष करावा लागेल, आणि तुमची कष्टाला यश मिळेल. पैशांच्या बाबतीतही तुम्हाला फार मेहनत घ्यावी लागेल, तेव्हा कोठे तुम्हाला धनलाभ होतील. तुमचा स्वभाव आज चिडचिडा होऊ शकतो. आज सभ्य भाषेचा वापर करा आणि कोणाशीही वाद घालू नका.
मूलांक 9 – भावांचा सल्ला घ्यावा
मूलांक 9 असलेल्यांना आज दिवस फार चांगला राहील. आज तुम्ही तुमच्या भावांसोबत मिळून एखाद्या कौटुंबिक कार्यक्रमाचे आयोजन करू शकता, किंवा कोठे तरी बाहेर फिरायला जाण्याचे नियोजन कराल, त्यामुळे घरातील वातावरण फार चांगले राहील. तुम्ही काही संकटांचा सामना करत असला तर भावांचा सल्ला घ्यावा, तुम्हाला या समस्यांतून मार्ग काढता येईल. कुटुंबातील वातावरण चांगले राहील. जोडीदाराचा तुम्हाला संताप येईल, पण तुम्हाला सल्ला राहील की तुम्ही जोडीदाराशी योग्य वर्तणूक ठेवावी आणि सभ्य भाषेचा वापर करावा.