Tej Police Times
Vivo X200 Pro: जबरदस्त! या फोनमध्ये मिळेल 200एमपीचा झूम कॅमेरा; सॅमसंगला मागे टाकणार का विवो?
Vivo X200 सीरिज लवकरच बाजारात येईल. यात स्टॅंडर्ड, प्रो आणि अल्ट्रा मॉडेलचा समावेश असेल. पहिल्या दोन हँडसेटमध्ये मीडियाटेक डायमेन्सिटी 9400 चिपसेट असेल. तर X200 Ultra स्मार्टफोन Snapdragon 8 Gen 4 प्रोसेसरसह येऊ शकतो. त्याचबरोबर यात OLED डिस्प्ले असण्याची शक्यता आहे. परंतु 200MP पेरिस्कोप टेलीफोटो लेन्स यातील महत्वाचा बदल म्हणता येईल.
विवो एक्स200 सीरिजचे स्पेसिफिकेशन्स
लीकमध्ये स्मार्टफोनचे नाव सांगण्यात आलं नाही परंतु वीबो पोस्टमध्ये वापरण्यात आलेल्या इमोजीवरून समजलं आहे की Vivo X200 सीरीजच्या एखाद्या मॉडेलबद्दल माहिती देण्यात आली आहे. लीकनुसार, Vivo X200 Pro मध्ये 1/1.4 इंच साइज, एफ/2.67 अपर्चर आणि 85 मिमी फोकल लेंथ असलेला 200 मेगापिक्सल कॅमेरा असेल. तसेच सॅमसंग S5KHP9 पेरिस्कोप टेलीफोटो कॅमेरा मिळेल जो Vivo X100 Ultra मध्ये देण्यात आला आहे. त्यामुळे Vivo X200 Pro मध्ये X100 Ultra चा पेरिस्कोप कॅमेरा मिळण्याची शक्यता आहे.
iPhone SE 4: सर्वात स्वस्त आयफोनच्या किंमतीचा खुलासा; 48MP कॅमेऱ्यासह मिळेल 6.6 इंचाचा डिस्प्ले
रिपोर्ट्स मध्ये दावा करण्यात आला आहे की Vivo X200 एक कॉम्पॅक्ट फ्लॅगशिप स्मार्टफोन असेल ज्यात 6.4 इंच किंवा 6.5 इंचाचा फ्लॅट OLED डिस्प्ले असेल. तसेच रिपोर्ट्सनुसार, X200 Pro मध्ये एक मोठा OLED डिस्प्ले मिळेल, ज्यात चारही बाजूना मायक्रो कर्व्ह असेल. X200 Pro मध्ये 1.5k रेजॉल्यूशन आणि 120Hz रिफ्रेश रेट असलेला डिस्प्ले मिळेल. X200 आणि X200 Pro मध्ये Mediatek Dimensity 9400 चिपसेट मिळण्याची शक्यता आहे.
X200 Ultra मध्ये Snapdragon 8 Gen 4 प्रोसेसर मिळू शकतो. हा 2K रेजोल्यूशन आणि 120Hz रिफ्रेश रेट असलेल्या OLED डिस्प्लेसह येण्याची शक्यता आहे. सध्या स्मार्टफोनच्या इतर स्पेसिफिकेशन्सचा खुलासा झाला नाही. परंतु हा कंपनीचा सर्वात शक्तिशाली स्मार्टफोन असेल हे नावावरून स्पष्ट झालं आहे.
लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा