Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Bad Newz Box office collection: विकी -तृप्तीची बॉक्स ऑफिसवर जादू, चार दिवसांत केली तब्बल इतक्या कोटींची कमाई
मुंबई: पहिल्या विकेंडला सिनेमानं जोरदार कमाई केली असून पहिल्या सोमवारी देखील सिनेमाता बॉक्स ऑफिसवर दबदबा पाहायला मिळाला. पहिल्या चार दिवसांत सिनेमानं ५० कोटींचा आकडा पार केलाय.
एखादा सिनेमा बॉक्स ऑफिसवर प्रदर्शित झाल्यानंतर पहिल्या सोमवारी किती कमाई करतो, यावर त्याचं पुढचं गणित ठरलेलं असतं. विक्कीच्या बॅड न्यूज सिनेमानं मात्र ही ‘फर्स्‍ट मंडे टेस्‍ट’ पास केली आहे. तर दुसरीकडे अक्षय कुमारच्या ‘सरफिरा’नं मात्र बॉक्स ऑफिसवर निराशा केली आहे. अक्षय कुमारचा हा सिनेमा दुसऱ्या सोमवारी तीस लाखांचीही कमाई करू शकला नाहीये.
आनंद तिवारी यांनी दिग्दर्शन केलेल्या ‘बॅड न्यूज’ सिनेमाची अनेक कारणांमुळं चर्चा सुरू होती. या सिनेमानं पहिल्या दिवशी ८.३० कोटींची कमाई केली होती. दुसऱ्या दिवशी १०.२५ कोटी, तर तिसऱ्या दिवशी सिनेमानं ११.१५ कोटींचा गल्ला जमवला.
sacnilk च्या रिपोर्टसुनार बॅड न्यूज सिनेमानं सोमवारी ३.५० कोटींची कमाई केली. चार दिवसांची भारतीय बॉक्स ऑफिसवरची एकूण कमाई ही ३३.५० कोटींच्या घरात गेली आहे. तर तर वर्ल्डवाइड कलेक्शनबद्दल बोलायचं झालं तर, सिनेमानं आतापर्यंत ५४ कोटींची कमाई केली आहे.
काय आहे सिनेमाची कथा?
विकी आणि तृप्ती यांच्या या चित्रपटात ‘हेट्रोपॅटर्नल सुपरफेकंडेशन’ या प्रक्रियेद्वारे (ज्यात संबंधित महिलेला जुळा गर्भ आहे) गर्भवती झालेल्या महिलेच्या आयुष्यात झालेला गोंधळ पाहायला मिळत आहे.
तृप्ती डिमरी सिनेमात सलोनी बग्गाचं पात्र साकारत आहे. तर विकी कौशल हा अखिल चढ्ढाच्या भूमिकेत आहे. दोघांचं लग्न झालंय. सलोनीला लग्नानंतर करिअरवर लक्ष द्यायचं आहे तर विकीला आता बाबा व्हायचं आहे. पण दोघांचं एकमत होत नाही, या ना त्या कारणामुळं सतत भांडणं होत असतात. भांडणं इतकी वाढतात की घटस्फोटापर्यंत गोष्ट जाते.
Bigg Boss Marathi 5: अमृता खानविलकर दिसणार बिग बॉस मराठी ५मध्ये? मानसी नाईकचेही नाव चर्चेत; नव्या प्रोमोतून मिळाली हिंट
सलोनी काही कामानिमित्तानं मसुरी इथं जाते. तिथं तिला गुरबीर पन्नू (अॅमी विर्क) भेटतो. दोघांमध्ये जवळीक निर्माण होते. ‘वन नाइट स्टँड’मुळं ती गरोदर राहते. पण नंतर तिच्या गर्भात जुळी मुलं असल्याचं समोर येतं. पण यातही ट्विस्ट आहे. एक बाळ अखिल चं असतं तर एक बाळ गुरबीरचं….यानंतर काय घडतं ते सिनेमात विनोदी पद्धतीनं दाखवण्यात आलं आहे.