Tej Police Times
मुंबई– विकी कौशल-तृप्ती डिमरी आणि एमी विर्क यांच्या बॅड न्यूज या चित्रपटाने बॉक्स ऑफिसवर चांगली सुरुवात केली होती. एका महिलेच्या पोटात वाढत असलेल्या जुळ्या मुलांचे वेगवेगळे बाबा अशी संकल्पना असलेला हा सिनेमा प्रेक्षकांसह समिक्षकांच्याही पसंतीस उतरला.गेल्या वीकेंडला करण जोहरच्या धर्मा प्रॉडक्शनच्या ‘बॅड न्यूज’साठी चांगली बातमी आली आणि चित्रपटाचे बॉक्स ऑफिसवरील खाते खचाखच भरले. बॉक्स ऑफिसच्या दृष्टीने सोमवार आणि मंगळवारही चित्रपटाने उत्तम कमाई केली होती.
आता रिलीजच्या सहाव्या दिवशी, चित्रपटाच्या देशांतर्गत बॉक्स ऑफिस कमाईमध्ये थोडीशी घट झाली आहे, त्यामुळे निर्मात्यांसाठी ही चिंताजनक बाब ठरण्याची शक्यता आहे.
आता रिलीजच्या सहाव्या दिवशी, चित्रपटाच्या देशांतर्गत बॉक्स ऑफिस कमाईमध्ये थोडीशी घट झाली आहे, त्यामुळे निर्मात्यांसाठी ही चिंताजनक बाब ठरण्याची शक्यता आहे.
सहाव्या दिवशी ‘बॅड न्यूज’चे कलेक्शन किती घसरले?
विकी कौशल आणि तृप्ती डिमरी यांच्या चित्रपटाने पहिल्या वीकेंडमध्ये देशांतर्गत बॉक्स ऑफिसवर सुमारे ३०.६२ कोटी रुपयांचा व्यवसाय केला. आनंद तिवारी दिग्दर्शित या चित्रपटाचं बजेट ८० कोटींपर्यंत असल्याचं सांगण्यात येत आहे. पहिल्या वीकेंडनंतर, चित्रपटाने सोमवार आणि मंगळवारी ३.५ कोटींहून अधिकचा व्यवसाय केला होता.
आता रिलीजच्या सहाव्या दिवशी म्हणजेच बुधवारी ‘बॅड न्यूज’च्या कलेक्शनमध्ये थोडीशी घट झाल्याचे पाहायला मिळाले. Sacanlik.com च्या वृत्तानुसार, रिलीजच्या सहाव्या दिवशी, देशांतर्गत बॉक्स ऑफिसवर विकी कौशलच्या चित्रपटाची एक दिवसाची एकूण कमाई ३.१५ कोटी रुपयांवर पोहोचली आहे. भारतातील चित्रपटाचे निव्वळ संकलन ४०.१ कोटी रुपये झाले आहे.
Tharla Tar Mag 25 July: सायलीच्या हाकेला धावली देवीआई! मायलेकींच्या भेटीचा तो क्षण, महिपतकडेच चोरी करण्याचे नागराजचे मनसुभे
जगभरात बॅड न्यूजची १०० कोटींकडे वाटचाल
एमी विर्क आणि विकी कौशल यांची भूमिका असलेला हा चित्रपट भारतीय बॉक्स ऑफिसपेक्षा जगभरात वेगाने चालत असल्याचे पाहायला मिळते. सिनेमाला १ आठवडा पूर्ण होईल, या रोमँटिक कॉमेडी चित्रपटाने जगभरात एकूण ६६.१५ कोटी रुपयांचा व्यवसाय केला आहे. परदेशात या चित्रपटाने एकूण २२ कोटींची कमाई केली आहे.
बॅड न्यूज
बॅड न्यूजच्या कथेबद्दल सांगायचे तर, ही हेटेरोपॅटर्नल सुपरफेकंडेशनसारख्या वैद्यकीय स्थितीवर आधारित कथा आहे. एमी विर्क आणि विकी कौशल यांच्यातील जुगलबंदी हा या चित्रपटाचा यूएसपी आहे. या दोघांच्या जोडीला भाभी २ फेम तृप्ती डिमरीच्या अदा पाहायला मिळत आहे.