मुंबई : मुंबईतील एका तरुणावर महिलेचा विनयभंग केल्याचा आरोप करण्यात आला होता. मात्र, आरोपीचे वय आणि त्याचा कोणताही गुन्हेगारी इतिहास नसल्याची वस्तुस्थिती लक्षात घेता त्याला कोणतीही शिक्षा न देण्याचा निर्णय न्यायालयाने घेतला आहे.

न्यायालयाने असा निर्णय का दिला?

न्यायदंडाधिकारी आरती कुलकर्णी यांनी 22 ऑगस्ट रोजी या प्रकरणाची सुनावणी केली त्यांनंतर त्यांनी दिलेल्या आदेशात म्हटले आहे की, ”आरोपी मोहम्मद कैफ फकीर (वय 22) याने केलेला गुन्हा जन्मठेपेपेक्षा कमी शिक्षेस पात्र नव्हता, परंतु त्याचे वय आणि त्याचा कोणताही गुन्हेगारी इतिहास नसल्याची वस्तुस्थिती लक्षात घेता त्याला प्रोबेशनचा (प्रोबेशन ॲक्ट) लाभ मिळायला हवा. महिलेला होणाऱ्या मानसिक वेदना आणि छळाकडे दुर्लक्ष करता येणार नाही, परंतु आरोपीला शिक्षा दिल्याने तिच्या भविष्यावर आणि समाजातील तिच्या प्रतिमेवर परिणाम होईल, असे न्यायालयाने म्हटले आहे. न्यायालयाने फकीरला भारतीय दंड संहितेच्या कलम 354 (महिलेच्या विनयभंग) अंतर्गत दोषी ठरवले. तर 15,000 रुपयांचा जातमुचलक भरल्यानंतर फकीरची सुटका करण्याचे आदेश न्यायालयाने दिले. तसेच त्याला समन्स बजावल्यावर प्रोबेशन ऑफिसरसमोर हजर राहण्याचे निर्देश देण्यात आले आहेत.
Rajkot Fort Shivaji Maharaj Statue : पवार साहेबांनी किती देवळं बांधली सांगा, नारायण राणेंचा शरद पवारांवर हल्लाबोल

नेमकं काय आहे प्रकरण ?

एप्रिल 2022 मध्ये दक्षिण मुंबईतील भायखळा पोलिस ठाण्यात नोंदवलेल्या तक्रारीनुसार, महिलेने स्थानिक दुकानातून किराणा सामान मागवला होता. आणि त्याच दुकानात काम करणारा आरोपी सामान पोहोचवण्यासाठी घरी पोहोचला होता. आरोपीने महिलेकडे पाण्याचा ग्लास मागितला आणि ती त्याला पाणी देत असताना त्याने तिच्या हाताला अयोग्यरित्या स्पर्श केला आणि डोळा मारला. किराणा सामानाची पिशवी देताना आरोपीने दुसऱ्यांदा हाताला स्पर्श केला आणि पुन्हा डोळा मारला, असा आरोप महिलेने केला आहे. महिलेने आरडाओरडा करताच आरोपी पळून गेला. यानंतर महिलेने तिच्या पतीला घटनेची माहिती दिली आणि त्यांनी पोलिसांत तक्रार दाखल केली. त्यांनंतर आरोपीने चुकून महिलेच्या हाताला स्पर्श केला आणि त्याचा उद्देश तिच्या प्रतिष्ठेचा अपमान करण्याचा नव्हता असा दावा आरोपीने केला होता.

मुंबई : मरीन ड्राइव्ह परिसराची भुरळ सर्वांनाच आहे, म्हणजे मुंबईत पहिल्यांदा पाय ठेवणार कोणताही पर्यटक मरीन ड्राइव्हला बसण्याचा, फिरण्याचा आनंद घेतोच घेतो अशातच, मरीन ड्राइव्ह सारखीच आणखी एक चौपाटी राज्य सरकार मुंबईत उभारणार आहे. नीती आयोगाच्या बैठकीत खुद्द सीएम शिंदेंनी याबद्दल माहिती दिली. शहराचे सौंदर्य आणखी वाढावे मुंबईकरांना आणखी एक पर्यटन स्थळ मिळावे यादृष्टीने दुसरी एक अगदी मरीन ड्राइव्ह सारखी चौपाटी बनवण्यात येणार आहे.

मुंबईत बीपीटीच्या सहा एकर जागेचा योग्य वापर करुन त्याठिकाणी मरीन ड्राइव्ह सारखी चौपाटी व्हावी असा राज्य सरकारचा मानस आहे. याच प्रक्लपासाठी राज्य शासनाला केंद्राकडून मदत मिळावी अशी मागणी मुख्यमंत्र्‍यांनी आज केंद्राच्या नीति आयोगाच्या बैठकीत केली आहे. मुंबई ही देशाची आर्थिक राजधानी असून तिच्या सौंदर्यकरणाला त्यामुळे बळ मिळेल असेही सीएम शिंदे पुढे म्हणाले. आता सध्या रेसकोर्सवरील जागेवर सुद्धा मुंबईकरांच्या दृष्टीने एक मोठे पार्क उभारण्यात येणार आहे. मुंबई सारख्या शहरात पर्यटकांचा कल सुद्धा वाढेल असा विश्वास शासनाला आहे.
CM Shinde : कांदा खरेदीचे धोरण करा! सोयाबीन कापसाला हमीभाव द्या, सीएम शिंदेंची PM मोदींकडे थेट मागणी

मुंबईची गती आणखी वाढणार!

पायाभूत सुविधांना अधिक वेग द्यावा ठाणे अंतर्गत मेट्रो प्रकल्पाला कॅबिनेटची अंतिम मंजूरी मिळावी तसेच लाखो रहिवाशांना दिलासा देण्यासाठी. तसेच दहिसर अंधेरीतल्या पुनर्विकास प्रकल्पांसाठी फनेल रडार झोन शिफ्ट करावा अशी मागणीही सीएम शिंदे यांनी नीति आयोगाच्या बैठकीत केली आहे.

झोपडपट्ट्या आणि मोडकळीस आलेल्या इमारतींचा पुनर्विकास होणार

क्लस्टर डेव्हलपमेंटच्या माध्यमातून मुंबई महानगर परिसर क्षेत्रातील जुन्या आणि मोडकळीस आलेल्या इमारतींसाठी मोठ्या प्रमाणावर पुनर्विकास योजना सुरू केल्या आहेत. हा आशियातील सर्वात मोठा ब्राउनफील्ड प्रकल्प आहे असे सीएम शिंदे म्हणाले. ही योजना आपल्या नागरिकांचे जीवनमान उंचावण्यासाठी उपयुक्त ठरणार असल्याचे सीएम शिंदे म्हणाले. मुंबईतील झोपडपट्ट्या आणि मोडकळीस आलेल्या इमारतींचा पुनर्विकास राज्य सरकारच्या संस्थांमार्फत करण्यात येणार असून या संस्थांमार्फत दोन लाखांहून अधिक घरे बांधण्याची प्रक्रिया सुरू असल्याचे मुख्यमंत्र्यांनी स्पष्ट केले आहे.

मुंबई : मराठी माणसाला नोकरी देणार नाही म्हणणाऱ्या गोल्ड प्रॉडक्शन कंपनीच्या मालकाला मनसेने चांगलाच दणका दिला आहे. त्याचबरोबर कंपनीच्या मालकाने महाराष्ट्राच्या जनतेची आणि मनसे अध्यक्ष राज ठाकरे यांची माफी देखील मागितली आहे.

नेमकं काय आहे प्रकरण ?

मुंबईच्या अंधेरी पूर्वेकडील मरोळ एमआयडीसी येथील आर्या गोल्ड कंपनीकडून प्रोडक्शन मॅनेजर या पदासाठी एक जाहिरात प्रसिद्ध करण्यात आली होती. त्या जाहिरातीत मराठी माणसाला नोकरी देण्यात येणार नाही असा उल्लेख करण्यात आला होता. इंडिड जॉब या वेबसाइटवरून कंपनीची जाहिरात सर्वत्र व्हायरल झाली होती. मुंबईच्या मरोळ या भागात ही कंपनी आहे. कंपनीने मराठी माणसाला नोकरी देणार नाही.अशी जाहिरात दिल्यानंतर लोकांमध्ये संतापाचे वातावरण निर्माण झाले. त्यानंतर ठाकरे गट आणि मनसेचे कार्यकर्ते देखील कंपनीच्या मालकाविरोधात आक्रमक झाले. मनसे कामगार सेनेच्या पदाधिकाऱ्यांनी संबंधित ठिकाणी जाऊन कंपनी मालकाचा चांगलाच समाचार घेतला. महाराष्ट्रात राहून मराठी माणसाला नोकरी का नाही? असा सवाल मनसेचे पदाधिकारी राजू पारटे यांनी कंपनीच्या मालकाला विचारला.

पोलिसांचा मोठा बंदोबस्त

मनसेचे पदाधिकारी कंपनीत गेल्यावर आजूबाजूच्या परिसरात शंभर ते दीडशे लोकांचा बंदोबस्त लावण्यात आला होता. ठाकरे आणि मनसे अशा दोन्ही गटाचे कार्यकर्ते कंपनीत दाखल झाले होते.
लाडका भाऊ योजना : प्रत्येक शासकीय कार्यालयात उमेदवारांना इंटर्नशीपची संधी द्या, CM शिंदे यांचे आदेश

कर्नाटक सरकारच्या निर्णयाचे केलं स्वागत

काही दिवसांपूर्वी कर्नाटक सरकारने कन्नडिकांना खासगी कंपन्यामध्ये गट ‘क’ आणि गट ‘ड’ पदांसाठी 100 टक्के आरक्षण देण्याचा निर्णय घेतला आहे. तसेच त्या संदर्भातील विधेयक देखील मंजूर करण्यात आले आहे. याच निर्णयाचे मनसेकडून स्वागत करण्यात आले आहे. मनसे अध्यक्ष राज ठाकरे यांची पहिल्यापासून महाराष्ट्रातील भूमी पुत्रांना नोकऱ्यांमध्ये आरक्षण द्यावे अशी मागणी आहे. कोणतेही उद्योगधंदे असो किंवा सरकारी नोकऱ्या असो तेथे महाराष्ट्रातील युवकांना प्राधान्य देण्यात यावे असं राज ठाकरे यांनी वारंवार म्हंटले आहे. अशातच आज मराठी माणसाला नोकरीत प्राधान्य न देणाऱ्या कंपनीला मनसेने धडा शिकवला आहे.