मुंबई : मुंबई पुणे द्रुतगती मार्गावर भीषण अपघात घडला आहे. भरधाव ट्रक पलटी होऊन हा अपघात घडला. १७ ऑगस्टला ही दुर्घटना घडली असून सुदैवाने यात कोणतीही जीवितहांुनी झाली नाही. ट्रक चालक किरकोळ जखमी झाला असल्याचे वृत्त आहे. मात्र ही थरारक घटना सीसीटिव्ही कॅमेऱ्यात कैद झाली आहे. ज्याचा व्हिडीओ सोशल मीडियावर व्हायरल झाला आहे.

व्हिडीओ मध्ये आपण पाहू शकतो की, ऐन रहदारीच्या वेळी भरधाव ट्रक पुलावरुन जात आहे. मात्र वळण घेताना ट्रक चालकाचे नियंत्रण सुटले अन् ट्रक अचानक पलटी झाला आहे. मुंबई पुणे द्रुतगती मार्गावरील खंडाळा बोरघाटाच्या अमृतांजन पुलावर हा अपघात झाल्याचे वृत्त आहे. व्हिडीओमधून अपघाताची दाहकता समजत आहे पण सुदैवाने ट्रक चालक या अपघातातून बचावला आहे. अपघात घडताच रस्त्यावरील अन्य वाहनचालकांची देखील एकच तारांबळ उडाली होती.

घाटात अपघाताचे वाढते प्रमाण

अलीकडेच कसारा घाटात दुधाचा टँकर दरीत कोसळून भीषण अपघात घडला होता. त्यात ५ जणांचा मृत्यू झाल्याचे उघडकीस आले. भरधाव वेगात असणारा टँकर लोखंडी बॅरिअरवर आदळला आणि २०० फूट खोल दरीत कोसळला. ही घटना रविवारी दुपारी तीनच्या सुमारास घडली होती. नवीन कसारा घाटातील बलगर पॉईंटजवळ हा अपघात झाला. कसारा घाटात उतार असल्याने कंटेनर रस्त्यावर आल्यानंतर कंटेनर चालकाचा वाहनावरील ताबा सुटला आणि कंटेनर बाजूच्या खोल दरीत कोसळला. पोलिसांनी टँकर चालकाविरोधात भारतीय न्यायसंहिता आणि मोटार वाहन कायद्यानुसार गुन्हा देखील दाखल केला होता. दुर्घटनेत मृत पावलेले लोक आणि चार जखमी लोक मुंबईत येण्यासाठी टँकरने प्रवास करत होते. पण त्यांच्यावर काळाने घाला घातला. मृतांध्ये नऊ वर्षाच्या मुलाचा देखील समावेश आहे. तर जखमींवर गोटी रुग्णालयात उपचार सुरु आहेत.

दरम्यान पंढरपूरहून मंगळवेढ्याकडे निघालेली स्विफ्ट कार पंढरपूरकडे येत असताना आयशर टेम्पोला समोरासमोर जोरदार धडकली आहे. या भीषण अपघातात स्विफ्ट कारचा चक्काचूर झाला आहे. स्विफ्ट कारमधील बहीण भाऊ जागीच ठार झाले आहेत.

राजकोट : मुंबईतील वरळी हिट अँड रन घटनेची पुनरावृत्ती गुजरातमध्ये पाहायला मिळाली. गुजरातमधील राजकोटच्या कलावद रोडवर ही घटना घडली आहे. वरळीमध्ये घडलेल्या बीएमडब्ल्यू कार अपघाताचा थरार पुन्हा पाहायला मिळाला आहे. गुरुवारी रात्री एर्टिगा कारने एका वृद्धाला उडवले आणि त्याला कारसोबत २ किलोमीटरपर्यंत फरफटत नेले. ज्यामध्ये वृद्धाचा दुर्दैवी मृत्यू झाला आहे.

थरकाप उडवणारा हा अपघात सीसीटिव्ही कॅमेऱ्यात कैद झाला आहे. तर या घटनेतील आरोपीला पकडण्यासाठी पोलिसांनी विशेष पथकं तयार केली आहेत. आरोपीविरोधात भारतीय न्याय संहिता कलम २८१, कलम १०६(१) अंतर्गत गुन्हा दाखल करण्यात आला असून पोलीस पुढील तपास करत आहेत. पोलिसांच्या माहितीनुसार, कारच्या मालकाने आपल्या जावयाला कार चालवायला दिली होती, पण त्याच्याकडून हा धक्कादायक प्रकार घडला आहे.
Worli Hit & Run: क्रूरतेनंतर आता मिहीरला पश्चाताप, अपघाताचे CCTV बघताच म्हणाला…
भरधाव कारने रस्त्यावरील वृद्धाला धडक दिली आणि क्षणांत होत्याचे नव्हते झाले, वृद्धाचा दुर्दैवी अंत झाला. यामुळे वृद्ध व्यक्तीच्या कुटुंबावर शोककळा पसरली आहे. घटनेचे सीसीटिव्ही फुटेज पोलिसांच्या हाती आले असून पोलिसांनी घटनेची सखोल चौकशी सुरु केली आहे.

दरम्यान मुंबईत देखील एक विवाहित महिला हिट अँड रनची शिकार ठरली. शिवसेना नेत्याचा मुलगा मिहीर शहा याच्या बीएमडब्ल्यू कारच्या धडकेत दुचाकीवरील कावेरी नाखवा यांचा मृत्यू झाला तर त्यांचे पती प्रदीप नाखवा जखमी झाले होते. या घटनेने कावेरी यांच्या कुटुंबावर दु:खाचा डोंगर कोसळला आहे.
Worli Hit & Run: अनेकांनी हात दाखवूनही तो थांबला नाही, वरळी ‘हिट अँड रन’ प्रकरणातील धक्कादायक सत्य
घटनेतील आरोपी मिहीर शहा सध्या पोलीस कस्टडीत असून पोलिसांनी कोर्टात सादर केलेल्या पुराव्यानुसार, अपघात घडताच कावेरी नाखवा या कारच्या बोनेटवर धडकल्या होत्या. एवढे घडूनही मिहीरने कार थांबवली नाही आणि कावेरींना वरळी सी-लिंकच्या दिशेने १.५ किलोमीटरपर्यंत फरफटत नेले आणि नंतर कारमधून उतरत कावेरींना तशाच अवस्थेत सोडून तेथून पळ काढला. यानंतर पोलिसांनी तपासकार्य सुरु केले आणि तीन दिवसांत मिहीर शहासह १२ जणांना अटक केली आहे, ज्यामध्ये मिहीर शहाचे वडील, आई आणि त्याच्या दोन बहिणींचा देखील समावेश आहे.

भोपाळ : रील बनवण्याचं वेड हल्ली साऱ्यांच्या डोक्यावर स्वार आहे. रील बनवण्यात सर्वच इतके मग्न होतात की, आपल्या आजूबाजूच्या स्थितीची किंचितशी कल्पना त्यांना नसते आणि यातच काहीजण तर चक्क जोखीम उचलून रील बनवण्याचा प्रयोग करतात. असाच एक प्रयोग मध्यप्रदेशातील अल्पवयीन मुलाच्या जीवावर बेतला आहे.

रस्त्यावर भरधाव बाईक चालवतानाचा व्हिडीओ शूट करण्याच्या नादात या मुलाचा मृत्यू झाला आहे. बाईकवरील नियंत्रण सुटल्याने बाईकस्वार राज वर्मा याचं डोकं रस्त्यावरील डिवाईडरला धडकलं. त्यामुळे त्याचा जागीच मृत्यू झाला आहे. घटनेची माहिती कळताच पोलिस घटनास्थळी पोहोचली आणि राजचा मृतदेह ताब्यात घेतला आणि मृतदेह पोस्टमॉर्टमसाठी रुग्णालयात पाठवण्यात आला.
Mahadev App: बहुचर्चित महादेव बेटिंग अ‍ॅपचे वाशीम कनेक्शन? पुणे पोलिसांकडून एकाला अटक, भाजपशी संबंध?
घडलं असं की, शनिवारी पहाटे राज वर्मा आणि त्याचे मित्र बाईकवर स्वार होऊन भोपाळच्या लिंक रोडवर गेले होते. यावेळी बाईक चालवताना त्यांनी रील व्हिडीओ देखील शूट केला. तर राज वर्मा याने तो व्हिडीओ सोशल मीडियावर लगेच पोस्ट केला. यानंतर राज लिंक रोडवर भरधाव वेगात बाईक चालवत असताना त्याचे बाईकवरील नियंत्रण सुटले आणि अपघात घडला, यात राजचं डोकं डिवायडरला धडकलं. परिणामी त्याचा अपघातात दुर्दैवी अंत झाला. तर त्याचे मित्र देखील गंभीर जखमी झाले आहेत.
Serious Crime: वर्दळीच्या भागात तरुणाची हत्या, चाकूनं सपासप वार; थरकाप उडवणारी घटना, लोकांची बघ्याची भूमिका
शनिवारी सकाळी पोस्टमॉर्टमची प्रक्रिया पार पडल्यानंतर पोलिसांनी राजचा मृतदेह त्यांच्या कुटुंबीयांना सोपवला आहे. तसेच मृतक राज वर्मा हा सोशल मीडियावर खूप अॅक्टिव्ह होता आणि त्याला रील बनवण्याचा छंद जडला होता, असे पोलिसांनी घटनेनंतर स्पष्ट केले आहे.