Lord Shiva Favorite Zodiac Sign : शंभोशंकराला प्रिय आहेत या 5 राशी! फलप्राप्तीसाठी करा हे उपाय!

मेष राशीवर मंगळाचे स्वामित्व आहे आणि ही रास भगवान महादेवाची प्रिय रास आहे. भोलेनाथाची कृपा असल्याने या राशीची बिघडलेली कामे होतील, आणि महादेवाच्या आशीर्वादाने करिअर आणि व्यापारात प्रगती होईल. तुमच्या कामात येत असलेले अडथळे महादेव दूर करतील, आणि या राशीचे लोक फार नाव कमवतात. उपाय म्हणून जेव्हा श्रावण महिना सुरु होईल तेव्हा दररोज तांब्याच्या पात्रात गूळ आणि लाल चंदन घालून शिवलिंगाला अभिषेक करावा.

कर्क राशीचा स्वामी चंद्र आहे आणि चंद्राला भगवान शिवाने मस्तकावर धारण केलेले आहे. त्यामुळे कर्क राशीही शिवाची एक प्रिय राशी मानली जाते. कर्क राशीच्या लोकांची भोलेनाथ नेहमी रक्षा करतात, आणि संकटातून वाचवतात. या राशीचे लोक फार सहनशील असतात, त्यांच्या या स्वभावामुळे भगवान शिव यांना पसंत करतात. या राशीसाठी श्रावण महिन्यात खास उपाय सांगितला जातो, चांदीच्या पात्रातून कर्क राशीच्या जातकांनी शिवलिंगावर दूध अर्पण करायला हवे.

शुक्र स्वामी असलेली तूळ रास भगवान महादेवाच्या प्रिय राशींपैकी एक मानली जाते. या राशीच्या लोकांचा स्वभाव फार आध्यात्मिक असतो त्यामुळे भगवान शिव नेहमी यांच्यासोबत उभे असतात. या लोकांची बिघडत आलेली सर्व कामे भगवान शिव सांभाळून घेतात आणि या राशीच्या लोकांवर नेहमी शिवाचा हात असतो, अशी मान्यता आहे. जेव्हा श्रावण महिना सुरु होईल तेव्हा पाण्यात खडीसाखर टाकून शिवपिंडीवर जलाभिषेक करावा आणि ऊं नम: शिवायचा जप करावा.

मकर राशीचा स्वामी शनी आहे. शनी भगवान शिवाला आराध्य मानतो, असे मानले जाते की शिवजींच्या कृपेमुळेच शनीला दंडाधिकाऱ्याचे पद मिळाले आहे. त्यामुळे भगवान महादेवाला मकर राशी फार प्रिय आहे. या राशीचे लोक फार कष्टाळू असतात आणि या कारणामुळे भगवान महादेव प्रत्येक कठीण प्रसंगात या राशीच्या लोकांची मदत करतात. उपाय म्हणून दररोज पाण्यात काळे तिळ टाकून हे पाणी शिवलिंगाला अपर्ण करावे, श्रावण महिन्यात हा उपाय नक्की करावा.

कुंभ राशीचे लोक भगवान शिवाला सर्वाधिक प्रिय असतात. कुंभ राशीचे लोक स्वभावाने फार खरे असतात आणि ते नेहमी इतरांच्या भल्याचा विचार करतात. असे मानले जाते भगवान शिव या लोकांना आकाली मृत्यूपासून वाचवतात आणि त्यांना नेहमी सुखसमृद्धी प्रदान करतात. भगवान शिवाच्या आशीर्वादाने हे लोक जीवनात मोठे यश मिळवतात. उपाय म्हणून जेव्हा श्रावण महिना सुरु होईल तेव्हा शिवलिंगावर दररोज उसाचा रस अर्पण करावा.