Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Surya Sankraman 2024: सूर्याचा आश्लेषा नक्षत्रात संक्रमण! कर्कसह ५ राशींचे नशिब पालटणार, करिअरमध्ये मिळेल यश
Surya Sankraman in Ashlesha Nakshatra: सूर्यदेव २ ऑगस्टला अश्लेषा नक्षत्रात प्रवेश करत आहे. अश्लेषा नक्षत्राचा स्वामी बुध आहे. सूर्य आणि शनीचे स्वामित्व असलेल्या पुष्य नक्षत्रातून निघून, सूर्य बुधाचे स्वामित्व असलेल्या नक्षत्रात प्रवेश करत आहे. अश्लेषा हे नवव्या क्रमांकाचे नक्षत्र आहे. हे नक्षत्र कर्क राशीच्या अंतर्गत येते आणि याचा स्वामी बुध आहे. बुध हा सूर्याचा मित्र ग्रह आहे, त्यामुळे सूर्याच्या शुभ प्रभावात वाढ होईल. सूर्यदेवाचा आशीर्वाद मिळाल्याने मेष आणि धनूसह पाच राशींच्या धनसन्मानात वाढ होणार आहे. तसेच या राशीच्या जातकांना करिअरमध्ये मोठे यश मिळेल. जाणून घेऊ सूर्य संक्रमणामुळे कोणकोणत्या राशींना लाभ होईल.
मेष राशीवरील सूर्याच्या संक्रमणाचा प्रभाव
मेष राशीच्या लोकांना सूर्यच्या या नक्षत्र संक्रमणाचे अनुकूल परिणाम मिळणार आहेत. विद्यार्थ्यांना यश मिळेल आणि करिअरमध्ये कौशल्य दाखवण्याची संधी मिळेल. तुमचे लक्ष्य साध्य करण्यासाठी तुम्ही फार कष्ट घ्याल, आणि या काळात तुम्हाला मनासारखे यशही मिळेल. व्यापारात एखादी मोठी डील निश्चित होऊ शकते, त्यामुळे तुम्ही तुमचे काम पुढे नेऊ शकता. राजकारणाशी संबंधित लोकांना या कालखंड यशाचा राहील. तसेच तुमची सामाजिक प्रतिष्ठा वाढेल.
कर्क राशीवर सूर्याच्या संक्रमणाचा प्रभाव
कर्क राशीच्या लोकांना सूर्यच्या संक्रमणाचा चांगला प्रभाव दिसून येईल, विशेषतः मानसिक शांती आणि समाधान या काळात राहील. जे लोक कला आणि साहित्य याच्याशी संबंधित आहेत, त्यांच्यासाठी ही वेळ यशाची आहे आणि तुमच्या नेतृत्व गुणाचा विकास होईल. भागीदारीत व्यापार करणाऱ्यांना लाभ होतील. जर एखादा नवीन व्यवसाय सुरू करण्याचे प्लॅनिंग करत असाल तर आताची वेळ तुमच्यासाठी फार चांगली आहे. भविष्यात तुम्हाला नवीन व्यवसायातून जबरदस्त लाभ मिळतील. कुटुंबातील लोकांसोबत तुमचे संबंध मधुर राहतील, आणि वैवाहिक जीवन सुखाचे असेल.
सिंह राशीवर सूर्याच्या संक्रमणाचा प्रभाव
सिंह राशीचा स्वामी सूर्यदेव आहे, त्यामुळे सूर्याच्या संक्रमणाचे उत्तम लाभ या राशीला दिसून येतील आणि या राशीच्या लोकांचे चांगले दिवस सुरू होतील. तुमची लोकप्रियता वाढेल, तसेच नोकरदार व्यक्तींना पदोन्नतीचे योग आहेत. तुमच्यासाठी भाग्यवृद्धेची संयोग साकारत आहेत. तुम्हाला जी कामे कठीण वाटत होती, ती सहजरीत्या पूर्ण होतील. व्यापाऱ्यांना आर्थिक लाभ होतील, व्यापारात यशाचे योग आहेत. करिअरमध्ये तुम्ही नवे यश मिळवाल आणि नोकरीत प्रमोशनचे योग आहेत.
वृश्चिक राशीवर सूर्याच्या संक्रमणाचा प्रभाव
सूर्याच्या नक्षत्र संक्रमणामुळे वृश्चिक राशीच्या लोकांच्या जीवनात महत्त्वपूर्ण बदल होतील, आणि तुम्ही यशची शिडी चढत प्रगती कराल. नोकरी आणि व्यापारात अनुकूल वातावरण राहील आणि तुम्हाला मनासारखे परिणाम मिळतील. या काळात एखादी प्रॉपर्टी आणि नवी गाडी खरेदी कराल. प्रकृतीशी संबंधित समस्या दूर होतील. प्रेमसंबंधाच्या बाबतीत ही वेळ खास राहील. प्रेमजीवनात वातावरण आनंदी राहील, आणि जीवनात समाधानी असाल.
धनू राशीवर सूर्याच्या संक्रमणाचा प्रभाव
२ ऑगस्ट रोजी धनू राशीच्या लोकांवर सूर्यदेवाची विशेष कृपा राहील. तुम्हाला करिअरच्या बाबतीत यश मिळेल आणि व्यापारातील स्थिती पूर्वीपेक्षा चांगली राहील. बऱ्याच दिवसांपासून तुम्ही ज्या समस्या सोडवण्याचा प्रयत्न करत आहात, त्यावर सहजरीत्या मार्ग निघेल. जुन्या गुंतवणुकीतून फार चांगले परिणाम मिळतील, तसेच नवीन गुंतवणुकीतून तुम्हाला उत्तम परतावा मिळेल. उत्पन्नाचे नवे स्रोत साकारतील. जोडीनेच कौटुंबिक जीवन आनंदी राहील, तुमची व्यापारातील स्थितीही सुधारेल.
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते…. आणखी वाचा