Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Shravan 2024: काय आहे पार्थिव शिवलिंग? श्रावणात का करतात पार्थिव शिवलिंगाची पूजा? जाणून घ्या पूजाविधी आणि महत्त्व
Parthiv Shivaling puja vidhi : श्रावण महिना हिंदू पंचांगानुसार भगवान शिवाच्या भक्तीचा महिना मानला जातो. हा महिना मनोकामनांची पूर्ती, उपसना आणि आध्यात्मिक दृष्टीने महत्त्वाचा मानला जातो. या महिन्यात पवित्र अशा शिवलिंगाची पूजा करतात. शिवलिंगाची पूजा केल्यामुळे व्यक्तीला मानसिक, शारीरिक आणि आध्यात्मिक लाभ मिळतात. पार्थिव शिवलिंगाच्या पूजेमुळे फक्त समृद्धीच मिळत नाही तर अकाली मृत्यूचा दोषही मिटू शकतो, असे सांगितले जाते. या लेखा आपण पार्थिव शिवलिंग काय असते आणि त्याची पूजा कशी केली जाते हे जाणून घेऊ.
Parthiv Shivaling Importance :
श्रावण सुरू झाल्यापासून वेगवेगळे व्रत, सण, उत्सव या माध्यमातून भगवान महादेवाची पूजा केली जाते. या महिन्यात भगवान शिव प्रसन्न होतात आणि तुमच्या मनोकामना पूर्ण करतात, अशी मान्यता आहे. श्रावण महिन्यात पार्थिव शिवलिंगाच्या पूजेचे विशेष महत्त्व आहे. फार प्राचीन काळापासून श्रावण महिन्यात पार्थिव शिवलिंगाची पूजा केली जाते.
सतयुगात रत्नाला, त्रेतायुगात सोन्याला, द्वापार युगात पारा आणि कलियुगात पार्थिव शिवलिंगाला खूप महत्त्व आहे. ज्याप्रमाणे सर्व नद्यांमध्ये गंगा ही सर्वश्रेष्ठ मानली जाते. त्याचप्रमाणे पार्थिव शिवलिंग हे सर्व लिंगांमध्ये श्रेष्ठ आहे. ही पूजा म्हणजे भगवान शंकराचा कृपा प्राप्त करण्याचा सरळ आणि प्रभावी मार्ग आहे.
पार्थिव शिवलिंग काय असते?
श्रावण, शिवरात्री आणि प्रदोष व्रतावेळी लोक पार्थिव शिवलिंगाची पूजा केली जाते. पार्थिव शिवलिंग मातीचे बनवलेले असते. हे शिवलिंग बनवण्यासाठी शुद्ध माती, गंगाजल, गायीचे तूप, शेणीची राख अशा शुद्ध घटकांचा वापर केला जातो. त्यामुळे या शिवलिंगाला विशेष महत्त्व आहे. शास्त्रांनुसार पाहिले तर पार्थिव शिवलिंगासाठी एखाद्या नदी किंवा पवित्र स्थानाची माती वापरली जाते. गंगेतील माती वापरणे सर्वांत चांगले मानले जाते. ही माती घेऊन यात गंगाजल, पंचामृत, गाईचे शेण, राख मिसळावी आणि शिवमंत्राचा जप करत त्या मातीपासून शिवलिंग बनवले जाते. या शिवलिंगाची उंची ८ ते १२ बोटांपेक्षा जास्त असू नये. शिवलिंगाची स्थापना पीठासह करावी. पीठाचा आकार गोल, चौकोन, त्रिकोण तसेच वर आणि खाली जाड तर मध्यभागी पातळ असावा. हे लिंग पीठ चांगली फळे देते. शिवलिंग पूर्व किंवा उत्तर दिशेला तोंड करून बनवले पाहिजे.
पार्थिव शिवलिंगाचा पूजा विधी आणि लाभ
या शिवलिंगाची पूजा करताना भगवान शिवाचा मंत्र जपावा आणि बेलपत्र, रुईचे फूल, धोतरा, बेल अर्पण करावे. त्यानंतर दूध आणि गंगाजल एकत्र करून ते शिवलिंगावर अर्पण करावे. त्यानंतर शिवलिंगावर प्रसाद अर्पण करावा. पण हा प्रसाद स्वतः ही खावू नये आणि इतरांनाही देऊ नये. या काळात तुम्ही तुमची मनोकामना मागू शकता. पार्थिव शिवलिंगाची पूजा केल्याने अनेक जन्मांचे पाप नष्ट होतात, आणि अकाल मृत्यूचे भयही समाप्त होते. जीवन यशस्वी, सुखी आणि समृद्ध होते. पार्थिव शिवलिंगाची सहपरिवार विधिवत पूजा केली तर पूजा करणाऱ्या संपूर्ण कुटुंबाला सुख प्राप्त होते. जर एखादा आजारी व्यक्ती पार्थिव शिवलिंगासमोर महामृत्यूंजय मंत्राचा जप केला तर तो रोगमुक्त होते, अशी मान्यता आहे.
पार्थिव शिवलिंग तयार करताना माती वापरली जाते. माती हा एक नैसर्गिक घटक मानला जातो, जो आपल्याला पृथ्वीशी जोडतो. पार्थिव शिवलिंगाची पूजा केल्याने भक्त थेट भगवान शिवाशी जोडला जातो असे सांगितले जाते. पौराणिक कथेनुसार पार्थिव शिवलिंगाची पूजा केल्याने पापांचा नाश होतो आणि मोक्ष प्राप्त होतो.