आर्थिक राशिभविष्य 17 ऑगस्ट 2024 : या राशींसाठी ‘शनिवार’ धावपळीचा, ताण वाढविणारा ! व्यवसायात विस्तार पण टेन्शन वाढणार ! पाहा तुमचे राशिभविष्य

मेष राशीच्या लोकांसाठी दिवस शुभ आहे आणि आज तुम्हाला ऑफिस आणि कुटुंबातील प्रत्येक सदस्याकडून सर्व प्रकारचे सहकार्य मिळेल. काही कारणास्तव, तुम्हाला मुलांकडून निराशाजनक बातम्या मिळू शकतात. संध्याकाळनंतर तुमचे मन प्रसन्न राहील कारण तुमची काही प्रलंबित कामे पूर्ण होतील. आज कामात फोकस ठेवा म्हणजे कामे पटापट मार्गी लागतील. प्रियजनांना भेटण्यात आणि मौजमजा करण्यात रात्रीचा वेळ जाणार आहे.

वृषभ राशीचे जातक आज करिअरमध्ये यशस्वी होणार आहेत, तसेच तुमचा मानसन्मान वाढणार आहे. सरकारी दरबारात काही कामे अडकली असतील तर ती पूर्ण होतील. नवीन करारांमुळे पद आणि प्रतिष्ठा वाढेल. मुलांच्या बाजूने तुम्हाला सुखशांती समाधान आहे. आज काही कारणामुळे मानसिक तणाव वाढेल, तेव्हा सांभाळून घ्या. रात्रीची वेळ कुटुंबासोबत मस्त जाणार आहे.

मिथुन राशीच्या लोकांना करिअरमध्ये यश मिळणार आहे. तुमची कामे पटापट होणार आहेत तसेच तुमच्या कार्यक्षेत्रात तुमचा मान-सन्मान वाढणार आहे. मन प्रसन्न असेल, दररोज येणारे नकारात्मक विचार आज जरा कमी होतील. तुम्ही एखादी स्पर्धा परिक्षा दिली असेल किंवा कोणत्या परिक्षेचा निकाल येणार असेल तर तुम्हाला उत्तम यश मिळणार आहे. व्यापारासाठी दिवस चांगला आहे.

कर्क राशीच्या लोकांना आज फायदा होणार असून एखादी मालमत्ता मिळण्याची शक्यता आहे. उपजीविकेच्या क्षेत्रात तुमची प्रगती होईल तसचे मान-सन्मान वाढेल. प्रवासाचा योग आहे, अगदी परदेशात जाण्याची संधी मिळेल, त्याचा अवश्य लाभ घ्या. कुटुंबासोबत वेळ मस्त जाणार आहे. तुम्ही सुख-शांती आणि समाधानाची अनुभूती कराल.

सिंह राशीच्या लोकांना नशिबाची साथ मिळेल तसेच तुमची सगळी कामे होणार आहेत. तुमचा आनंद द्विगुणीत होणार असून उत्पन्नाचे नवे मार्ग तुम्हाला सापडणार आहेत. तुमचा संयमी स्वभाव, दुसऱ्यांना आदर देण्याची भावना यामुळे तुम्हाला लाभ होईल. शैक्षणिक यश दिसते आहे तसेच एखादी स्पर्धा परिक्षा दिली असेल तर निकाल चांगला लागेल. आरोग्याच्या बाबतीत निष्काळजी राहणे तुम्हाला महागात पडू शकते. विरोधक आज थंड असतील.

कन्या राशीच्या लोकांना करिअरमध्ये यश मिळणार आहे. नोकरीसाठी अर्ज केला असेल तर सकारात्मक निकाल लागेल. व्यवसायाच्या क्षेत्रात सुरू असलेल्या प्रयत्नांमध्ये तुम्हाला घवघवीत यश मिळेल. मुलांकडूनही तुम्हाला समाधानकारक आणि चांगली बातमी मिळेल. दुपारी एखादा कायदेशीर वाद समोर येईल पण काळजी करु नका विजय तुमचाच असेल. आज चांगल्या कार्यासाठी खर्च करणार आहात त्यामुळे तुमचा मान-सन्मान वाढणार आहे.

तूळ राशीच्या लोकांना आज फायदा होईल आणि तुमच्या आजूबाजूला सकारात्मक वातावरण असेल. कामे पटापट होतील तसेच कुटुंबातील सदस्यांमध्ये परस्पर आदर आणि प्रेम वाढेल. अनेक दिवसांपासून व्यवसायात येणारी समस्या सुटणार आहे त्यामुळे तुम्हाला समाधान मिळेल. तुमच्या हातात पुरेसा पैसा असल्याने तुम्हाला आनंद मिळेल. विरोधक आज त्रास देणार नाहीत. जवळच्या सहलीचा बेत तुमच्या मनात येईल आणि त्यानुसार तुम्ही नियोजन कराल.

वृश्चिक राशीच्या लोकांसाठी करिअरच्या दृष्टीने फायदे होतील. मात्र आरोग्याच्या बाबतीत कोणत्याही प्रकारचा निष्काळजीपणा तुम्हाला महागात पडेल. या बाबतीत तुम्ही चांगल्या डॉक्टरांचा सल्ला घेतल्यास तुम्हाला फायदा होईल. आज तुम्हाला खूप धावपळ करावी लागणार आहे त्यामुळे ताण वाढणार आहे. मित्रांसोबत संबंध अधिक दृढ होतील आणि तुमच्या कामात लोकांकडून तुम्हाला मदत मिळेल.

धनु राशीच्या लोकांचा खूप फायदा होणार असून आज विरोधक तुमची प्रशंसा करतील. सत्ताधाऱ्यांशी जवळीक तुम्हाला लाभ देणारी आहे. सासरच्या नातेवाईकांकडून छान भेटवस्तू मिळेल. संध्याकाळपासून रात्रीपर्यंत सांस्कृतिक आणि कौटुंबिक कार्यक्रमात भाग घेतल्याने तुम्हाला फायदा होईल आणि तुमचा दिवस आनंदात जाईल.

मकर राशीच्या लोकांना आर्थिक बाबतीत यश मिळेल. उदरनिर्वाहाच्या क्षेत्रात तुम्ही केलेल्या प्रयत्नांना आज घवघवीत यश मिळणार आहे. सहकाऱ्यांकडून तुम्हाला आदर आणि सहकार्य मिळेल. तसेच त्यांच्या मदतीने कामे पटापट होतील. संध्याकाळी कोणत्याही भांडणात किंवा वादात पडू नका. पाहुणे येण्याची शक्यता आहे, स्वागताला तयार राहा तसेच खर्च होणार आहे. आई-वडिलांची विशेष काळजी घेतल्यास फायदा होईल.

कुंभ राशीच्या लोकांसाठी लाभाचा आणि आनंदाचा दिवस आहे. सर्व प्रकारच्या वादांपासून दूर राहा. मन विचलीत करणारी बातमी मिळणार आहे त्यामुळे तुम्हाला कदाचीत प्रवास करावा लागू शकतो. भांडण, वादविवाद यापासून दूर राहा. रागावर नियंत्रण ठेवा. संध्याकाळची वेळ कुटुंबासोबत जाणार आहे. काही कामात तुम्हाला अडचण येणार आहे तिथे नक्की समस्या काय ते जाणून घेण्याचा प्रयत्न करा.

मीन राशीच्या लोकांना फायदा होईल. नकारात्मक विचार कमी होणार आहेत. आज भावासोबत कोणताही आर्थिक व्यवहार करु नका. धार्मिक क्षेत्रात प्रवास आणि धर्मादाय कार्यात खर्च होणार आहे. आज प्रवास करताना काळजी घ्या. अन्यथा काही मौल्यवान वस्तू चोरी होण्याची शक्यता आहे.