Stree 2 च्या हॉरर कॉमेडीला प्रेक्षकांचा तुफान प्रतिसाद, श्रद्धा कपूरचा सिनेमा लवकरच ५०० कोटींच्या घरात

मुंबई– २०२४ मध्ये रिलीज झालेल्या सिनेमा आणि त्यांच्या बॉक्स ऑफिसवर रिपोर्टवर नजर टाकली तर भूत प्रेक्षकांना सिनेमागृहात आकर्षित करण्यात यशस्वी ठरल्याचे दिसून येते. बिग बजेट असलेल्या ॲक्शन, रोमँटिक आणि कॉमेडी चित्रपटांसोबतच भयपटाला प्रेक्षकांची पसंती मिळत आहे. वर्षाच्या सुरुवातीला सैतान, मग मुंज्या आणि आता स्त्री २ चा दबदबा थिएटरमध्ये पहायला मिळतोय.१५ ऑगस्ट रोजी चित्रपटगृहांमध्ये प्रदर्शित झालेला स्त्री २ हा सिनेमा २०१८ मध्ये आलेल्या स्त्री चित्रपटाचा सिक्वेल आहे. गेल्या ६ वर्षांपासून प्रेक्षक या चित्रपटाच्या सिक्वेलची आतुरतेने वाट पाहत होते. अखेर या चित्रपटाने थिएटरमध्ये दाखल होताच प्रेक्षकांच्या मनावर राज्य करण्यास सुरुवात केली. स्ट्री २ हा सिनेमा ६४ कोटी रुपयांच्या बजेटमध्ये बनलेला. अवघ्या २ दिवसांत या सिनेमाने आपले बजेट वसूल केले. या सिनेमाला रिलीज होऊन आठवडा उलटला असला तरी त्याची क्रेझ कमी झालेली नाही. शनिवारीही या सिनेमाने जबरदस्त कमाई केल्याचे पाहायला मिळाले.

Kangana Ranaut: अनंत- राधिकाच्या लग्नात का नव्हती कंगना रणौत? महिन्याभरानंतर सांगितली चकित करणारी गोष्ट
स्त्री २ चा बॉक्स ऑफिसवर ताबा

स्त्री २ चा पहिला वीकेंड धमाकेदार होता. पहिल्या वीकेंडलाच या चित्रपटाने २०० कोटींचा आकडा गाठला होता. आता दुसरा वीकेंड सुरू झाला असून दुसऱ्या शनिवारीच चित्रपटाची कमाई गगनाला भिडली आहे. चित्रपटाने १० व्या दिवशी जबरदस्त कलेक्शन केले आहे.

Sacknilk च्या रिपोर्टनुसार, राजकुमार राव आणि श्रद्धा कपूरची प्रमुख भूमिका असलेल्या स्त्री २ ने दुसऱ्या शनिवारी देशांतर्गत बॉक्स ऑफिसवर ३२.५ कोटी रुपयांचा व्यवसाय केला आहे. गेल्या चार दिवसांतील हा सर्वोत्तम आकडा असल्याचे म्हटले जाते..

Nagarjuna Akkineni : नोटीस न देताच नागार्जुनच्या मालमत्तेवर सरकारी हातोडा,अभिनेत्याची कोर्टाकडे स्थगितीची मागणी
जगावर वर्चस्व गाजवणारी स्त्री

हॉरर आणि कॉमेडीने भरलेल्या ‘स्त्री २’ ने १० दिवसांत देशांतर्गत बॉक्स ऑफिसवर ३५० कोटींचा व्यवसाय केला आहे. हा चित्रपट देशातच नाही तर परदेशातही धुमाकूळ घालत आहे. Stree २ चा जगभरातील व्यवसाय ४५६ कोटी रुपयांवर पोहोचला आहे.

दमदार कथा आणि कलाकार

चित्रपटाच्या कथेबद्दल सांगायचे तर यावेळी चंदेरीचा सामना एका स्त्रीशी नाही तर मुंडक नसलेल्या माणसाशी आहे. श्रद्धा कपूर ही त्या स्त्रीची मुलगी आहे जी पहिल्या चित्रपटात एक गूढ रहस्य होती. राजकुमार रावने जसे चंदेरीला स्त्रीपासून वाचवले, तसेच सरकट्यापासूनही वाचवले आहे. या चित्रपटात पंकज त्रिपाठी, अभिषेक बॅनर्जी आणि अपारशक्ती खुराना यांसारख्या कलाकारांनीही महत्वाच्या भूमिका साकारल्या आहेत.