आजचे अंकभविष्य, 30 ऑगस्ट 2024: मूलांक 2 तब्येतीची काळजी घ्या ! मूलांक 5 व्यापारात नवीन संधी, संयमाने कामे करा ! तुमचा मूलांक काय सांगतो? जाणून घ्या.

मूलांक 1 असलेल्या लोकांचा दिवस चांगला आहे, तुम्ही विचार केलेली सर्व कामे पूर्ण होणार आहेत. वडिलांची तब्येत बिघडू शकते काळजी घ्या. तुमच्या हट्टी स्वभावाला आवर घालणे गरजेचे आहे कारण हट्टीपणामुळे तुम्ही घेतलेला निर्णय घातक ठरु शकतो. तुमच्या आरोग्याबद्दल सावध राहण्याची गरज आहे.घरातील आजारपणामुळे तुमचा ताणतणाव वाढणार आहे.

मूलांक 2 असलेले जातक आज तणावाखाली असणार आहेत. आज गुंतवणुकीचा विचार करत असाल तर करु नका. आज तुमची फसवणूक होण्याची शक्यता आहे. कोणीतरी तुम्हाला बोलण्यात गुंतवेल त्यामुळे तुमचे आर्थिक नुकसान होवू शकते तेव्हा सावध राहा. आईची तब्येत बिघडण्याची शक्यता आहे. तुम्हाला ब्लडप्रेशरचा त्रास असेल तर काळजी घ्या कारण अती ताणामुळे तुम्हाला त्रास होवू शकतो. व्यवहार करताना पुन्हा एकदा विचार करा किंवा तज्ज्ञ व्यक्तीचा सल्ला घ्या.

मूलांक तीन असलेल्या लोकांचा आजचा दिवस खर्चाचा आहे असे म्हणायला हवे. तुमची मिळकत आणि खर्च याचा ताळमेळ बसत नाही, याकडे लक्ष द्या. घरात दिवसभर तणावाचे वातावरण असेल. आरोग्याची काळजी घ्या काही त्रास होत असेल तर त्वरित डॉक्टरांकडे जा. श्वासासंदर्भात त्रास होण्याची शक्यता आहे. जोडीदारासोबत वादविवाद नको, परिणाम वाईट होण्याची शक्यता आहे.

मूलांक 4 असणाऱ्यांसाठी आजचा दिवस ठिक आहे. तुम्ही सावधपणे विचार करण्यात तुम्ही यशस्वी होणार आहात पण हवेत बंगले बांधणे कमी करा. तुम्ही जो काही विचार करणार आहात त्यासाठी ठोस कृती महत्त्वाची आहे त्यानुसार तुमची रणनीती आखा. जे काही करायचे आहे, ते सावधपणे करा आणि कठोर मेहनत करा. अनेक दिवसांपासून अडकलेली कामे आज पूर्ण होण्याची शक्यता आहे. तुमच्या बोलण्यावर नियंत्रण ठेवण्याची गरज आहे.

धनसंपत्तीमध्ये वाढ होणार मूलांक 5 असणाऱ्या लोकांसाठी आजचा दिवस ठिक आहे. तुम्ही बुद्धी चातुर्याने केलेली कामे पुर्ण होणार आहेत. तुमच्या योजना आणि वास्तवातील परिस्थिति यामध्ये फरक आहे त्याचा तुम्हाला खूप त्रास होईल. तुम्ही व्यापार करत असाल तर नवीन संधी किंवा मार्ग मिळणार आहे. तुम्ही घाईगडबड न करता, संयमाने विचार करून पुढे जा. तुमच्या मुलांकडून उत्तम कार्य होणार आहे त्यामुळे तुम्ही आनंदी असाल.

मूलांक 6 च्या जातकांनी आजचा दिवस फारसा चांगला नाही. तुम्हाला युरिनरी इन्फेक्शनचा त्रास होऊ शकतो. वेळेवर तज्ज्ञ डॉक्टरांचा सल्ला घ्या आणि उपचार सुरु करा. प्रेमप्रकरणापासून दूर राहणे तुमच्यासाठी योग्य आहे, अन्यथा मानसिक ताण वाढू शकतो. तसेच घरच्यांनाही नाहक त्रास भोगावा लागेल. व्यवसायात भरपूर काम आहे, फोकस ठेवा आणि योग्य वेळी काम पूर्ण होईल यासाठी नियोजन करा.

मूलांक 7 साठी आजचा दिवस ठिक नाही तब्येत बिघडण्याची शक्यता आहे. मेंदू किंवा पायाचा आजार असण्याची शक्यता आहे. आजारपणामुळे तुमचा आणि घरच्याचा ताण वाढणार आहे. मुलांच्या वागण्यामुळे तुम्हाला त्रास होणार आहे. धार्मिक कार्यात स्वतःला गुंतविण्याचा प्रयत्न करा, मानसिक शांतता मिळेल.

मूलांक 8 साठी दिवस आजचा दिवस त्रासदायक आणि तणावपूर्ण असणार आहे. तुमचे स्वतःचे निर्णय तुम्हाला चुकीचे ठरवतील. प्रत्येक कामात अडचणींचा सामना करावा लागू शकतो. तुमची सगळी होत असणारी कामे होणार नाहीत त्यामुळे तुमचा स्वभाव चिडचिडा होणार आहे. आज उधारी देणे टाळावे कारण तुम्ही पैसे दिले तर ते परत मिळण्याची शक्यता कमी आहे. वाहन काळजीपूर्वक चालवा, अन्यथा अपघात होण्याची शक्यता आहे.

मूलांक 9 साठी आजचा दिवस ठिक आहे पण तुमचा राग काही कमी होणार नाही. घरात किंवा ऑफिसमध्ये विद्युत उपकरणांची विशेष काळजी घ्या. तुम्ही कामा संदर्भात जी रणनीती आखली आहे ती यशस्वी होणार नाहीत. तुमचे काम होता होता राहणार आहे. त्यामुळे तुमच्या रागाचा पारा वाढणार आहे. अती राग आरोग्यासाठी घातक आहे हे लक्षात ठेवा.