Haritalika Upay 2024: हरतालिका तृतीयेला लक्ष्मी प्राप्तीसाठी स्त्रियांनी करा ६ उपाय, सुख-समृद्धीत वाढ, पैशांची होईल भरभराटी

हरितालिकेची पूजा करताना संध्याकाळी लक्ष्मी मातेसमोर ११ तुपाचे दिवे लावा. त्यानंतर लक्ष्मी चालीसाचे पठण करून हे सर्व दिवे मुख्य दरवाज्याच्या आजूबाजूला ठेवा.

देवी लक्ष्मीची कृपा प्राप्त करण्यासाठी तुम्ही कापूर प्रज्वलीत करून तो घरभर फिरवायला हवा. कापूराच्या सुगंधामुळे घरात सकारात्मक ऊर्जा कायम राहते. खरंतर दररोज संध्याकाळी कापूराचा धुर घरात करायला हवा त्यामुळे घराचे निर्जंतुकीकरण देखील होते.

माता लक्ष्मीचा आशिर्वाद हवा असेल तर भगवान विष्णु यांची मनोभावे पूजा करायला हवी. हरितालिकेच्या दिवशी भगवान विष्णु आणि लक्ष्मी यांना केशर मिश्रीत दुधाने अभिषेक करा, विष्णुसहस्त्र नाम स्तोत्र वाचावे यामुळे माता लक्ष्मी आणि भगवान विष्णु यांची कृपादृष्टी सदैव तुमच्यावर कायम राहते.

माता लक्ष्मीची विशेष कृपा प्राप्त करण्यासाठी तुम्ही शंख, कवडी, मखाणे, मोती अशा पांढऱ्या रंगाच्या वस्तू अर्पण करु शकता. असे म्हणतात की, माता लक्ष्मीच्या आवडीच्या वस्तू तिला अर्पण केल्या तर आपली इच्छा पूर्ण होते.

घराच्या मुख्य दरवाज्या समोर लाल किंवा गुलाबी रंगाचा गुलाल शिंपडून दोन दिवे लावावेत. माता लक्ष्मीची ध्यानधारणा करावी. जेव्हा हे दिवे विझतील तेव्हा माता लक्ष्मीचे नामस्मरण करून ते दिवे पाण्यात प्रवाहित करावेत. यामुळे घरातील आर्थिक चणचण दूर होते तसेच माता लक्ष्मीची कृपादृष्टी कायम राहते.

हरितालिकेच्या दिवशी प्राणी आणि पक्ष्यांना खायला देणे शुभ मानले जाते. त्यामुळे घरातील आर्थिक समस्या दूर होतात. जर तुमच्या घरात काळ्या मुंग्या आल्या असतील तर त्यांच्या जवळ साखर ठेवावी.