नांदेडमधील हॉटेल व्यावसायिकाच्या मृत्यूचा गुंता सुटला; पोलिसांनी चक्रं फिरवली, मास्टरमाईंड समोर… काय घडलं?

खडकपुरा येथील रहिवासी शेख युनूस शेख पाशा यांचं मदिना हॉटेल आहे. ३१ ऑगस्टच्या रात्री ते आपल्या कुटुंबियांसोबत झोपले होते. पण ही रात्र त्यांच्यासाठी काळरात्र ठरली. १ सप्टेंबर रोजी सकाळी रक्तबंबाळ त्यांचा अवस्थेत मृतदेह आढळला. या घटनेने परिसरात एकच खळबळ उडाली होती. पोलिसांनी खुनाचा गुन्हा दाखल करत तपासाची चक्र फिरवली.
१००० च्या जागी १६००, तर ५०० रुपयावर निघाले ११००; एटीएमबाहेर नागपूरकरांची एकच गर्दी
तपासासाठी परिसरातील सीसीटीव्ही कॅमेरा तपासण्यात आले. यावेळी शेख युनूस यांच्या घरात दोन जण प्रवेश करत असल्याचं सीटीटीव्ही मध्ये दिसलं. पोलिसांकडून कुटुंबियांतील सदस्यांचा जवाब घेण्यात आला. यावेळी मृत व्यक्तीटा मुलगा शेख यासेर अरफात याच्यावर संशय बळावला. त्याला ताब्यात घेऊन चौकशी केली असता सुपारी देऊन वडिलांचा खून केल्याची कबुली त्याने दिली.
Badlapur Case Update : पीडित मुलींनी ओळख परेडमध्ये आरोपी अक्षय शिंदेला ओळखलं, काठी वाला दादा म्हणत…
वडिलांच्या हत्येसाठी आरोपी शेख यासेर अरफात याने आपल्या मित्राला एक ते दोन लाख रुपयांची सुपारी दिली होती. घटनेच्या रात्री मुलाने मुख्य गेट आणि बेडरूमचा दरवाजा खुला ठेवला होता. सकाळी तीन ते चार वाजेच्या दरम्यान दोघांनी घरात शिरून हॉटेल व्यवसायिकाची हत्या केली आणि आल्या त्या मार्गाने पळून गेले. सकाळी मुलानेच पोलिसांना फोन करून आपल्या वडिलांची कोणीतरी हत्या केल्याची माहिती दिली.

पोलिसांनी मनमान येथील शेख अमजद शेख इसाक आणि योगेश शिवाजी निकम यांना ताब्यात घेतलं आहे. सुपारी घेणारा आरोपी फरार असून पोलीस त्याचा शोध घेत आहेत. मृत शेख युनूस शेख पाशा यांचे आपल्या पत्नीसोबत छोट्या छोट्या कारणावरून नेहमी वाद व्हायचे. मुलांकडून समजवण्याचा प्रयत्न देखील करण्यात आला होता, मात्र वाद वाढत गेल्याने मुलाने षडयंत्र रचत वडिलांची हत्या केली. मुलानेचं सुपारी देऊन अशाप्रकारे वडिलांना संपवल्याच्या घटनेने खळबळ उडाली आहे.