Pune:विमानतळ पोलीस स्टेशन दोन दुचाकी चोरी करणारा अटक

तेज पोलीस टाइम्स : परवेज शेख 70306 46046

न्यूज रिपोर्ट : Anas Shaikh

०५/०५/२०२५ रोजी विमानतळ पोलीस स्टेशनचे हद्दीमध्ये पेट्रोलिंग करीत असताना विमानतळ पोलीस ठाणेचे तपास पथकातील कर्मचारी योगेश थोपटे यांना त्यांचे गोपनिय बातमीदारामार्फत बातमी मिळाली की, लोहगाव येथुन एका इसमाने दुचाकी वाहन चोरी केलेली असुन सदर इसम हा सध्या चोरलेल्या दुचाकी सह आर के चौका समोरील मोकळे मैदाना मध्ये थांबलेला आहे. सदरची बातमी तपास पथकाचे प्रभारी सहा. पोलीस निरीक्षक विजय चंदन, यांना कळविली असता.स्टाफचे मदतीने विमानतळ तपास पथकाने सापळा रचुन चोरीची दुचाकी व त्यावरील इसम नामे १) मुनान सत्तार अन्सारी वय ३४ वर्षे रा. जे जे इंग्लीश मिडीयम शाळे शेजारी, कलवड वस्ती लोहगाव पुणे यास ताब्यात घेतले होते. त्यांचे कडे असलेल्या अॅक्टीव्हा दुचाकी बाबत विमानतळ पोलीस स्टेशन पुणे शहर येथे अभिलेखाची माहिती घेतली असता, विमानतळ पोलीस स्टेशन येथे गुन्हा रजिस्टर नंबर २०२/२०२५ भारतीय न्याय संहिता कलम ३०३(२) प्रमाणे गुन्हा दाखल असल्याचे निष्पन्न झाले. नमुद आरोपीकडे अधिक तपास केला असता त्याचे कडे एक बुलेट मिळुन आली असुन सदर बुलेट बाबत अधिक माहिती घेतली असता ती काळा चौकी पोलीस ठाणे मुंबई शहर येथुन चोरी केल्याचे निष्पन्न झाले आहे. अशा प्रकारे नमुद आरोपीता कडुन दोन गुन्हे उघडकीस आले असुन त्याचे कडुन एकुण १,८०,०००/-रु किं. च्या दोन दुचाकी मोटार सायकल हस्तगत करण्यात आल्या आहेत.

सदरची कारवाई ही मा. अपर पोलीस आयुक्त, पुर्व प्रादेशिक विभाग पुणे शहर, श्री. मनोज पाटील, मा. पोलीस उपायुक्त परि-०४ पुणे शहर श्री. हिंमत जाधव, मा. सहा. पोलीस आयुक्त, येरवडा विभाग श्रीमती प्रांजली सोनवणे यांचे आदेशान्वये पोलीस निरीक्षक, गुन्हे श्रीमती आशालता खापरे यांचे मार्गदर्शनाखाली सहा. पोलीस निरीक्षक विजय चंदन, पोलीस अंमलदार रुपेश पिसाळ, शैलेश नाईक, राकेश चांदेकर, अंकुश जोगदंडे, योगेश थोपटे, दादासाहेब बर्डे, ज्ञानदेव आवारी, हरीप्रसाद पुंडे, लालु क-हे, गिरीष नाणेकर, रुपेश तोडेकर यांचे पथकाने केली.