तेज पोलीस टाइम्स | पोलीस आणि जनतेचा आवाज

सिंहगड रोड पोलिसांचा गुन्हेगारांना दणका! तीन सराईत गुन्हेगार सहा महिन्यांसाठी तडीपार

0 18

पुणे – परवेज शेख 

 

पुणे शहरातील गुन्हेगारीला आळा घालण्यासाठी सिंहगड रोड पोलिसांनी सराईत गुन्हेगारांविरुद्ध मोठी प्रतिबंधात्मक कारवाई केली आहे. गंभीर स्वरूपाचे गुन्हे दाखल असलेल्या तीन सराईत गुन्हेगारांना तब्बल सहा महिन्यांसाठी तडीपार करण्यात आले आहे.

तडीपार करण्यात आलेल्या आरोपींमध्ये मंदार श्रीधर दारवटकर (वय ३०), आकाश सुभाष गाडे (वय २९) आणि सागर मोहन राठोड (वय २३) यांचा समावेश आहे.

या तिघांविरुद्ध खुनाचा प्रयत्न करणे, घातक शस्त्रे बाळगणे, आदेशाचा भंग करणे आणि दुखापत करणे अशा गंभीर स्वरूपाचे गुन्हे दाखल आहेत. हे आरोपी टोळी करून गुन्हेगारी कारवाया करत असल्याचे पोलिसांच्या निदर्शनास आले होते.

या पार्श्वभूमीवर महाराष्ट्र पोलीस कायदा कलम ५५ अन्वये तडीपार प्रस्ताव तयार करून पोलीस उपआयुक्त, परिमंडळ ३ यांच्याकडे सादर करण्यात आला. प्रस्तावाची पडताळणी केल्यानंतर तडीपार आदेश क्रमांक २४/२०२६, दिनांक ९ नोव्हेंबर २०२६ अन्वये तिघांनाही पुणे शहर, पिंपरी-चिंचवड पोलीस आयुक्तालय तसेच पुणे जिल्ह्याच्या कार्यक्षेत्रातून सहा महिन्यांसाठी तडीपार करण्यात आले आहे.

ही कारवाई पोलीस उपआयुक्त डॉ. सागर कवडे आणि सहाय्यक पोलीस आयुक्त विजय कुंभार यांच्या सूचनेनुसार वरिष्ठ पोलीस निरीक्षक विनय पाटणकर व पोलीस निरीक्षक (गुन्हे) समीर गायकवाड यांच्या मार्गदर्शनाखाली करण्यात आली.

या कारवाईत पोलीस उपनिरीक्षक भुपेश साळुंके, पोलीस अंमलदार पंकज देशमुख, अरविंद धावडे आणि महिला पोलीस अंमलदार अश्विनी त्रिभुवन यांनी महत्त्वाची भूमिका बजावली.

Leave A Reply

Your email address will not be published.