Pitru Paksha 2024 : पितृपक्षात सोनं खरेदी करायचे आहे? जाणून घ्या शुभ मुहूर्तासह शुभ संयोग

Pitru Paksha 2024 Shopping Rules:

पितृपक्षाचा पंधरवडा हा पूर्वजांसाठी समर्पित करण्यात आला आहे. या काळात पिंडदान, पितृतर्पण आणि पितरांचे स्मरण केले जाते. यावेळी धार्मिक आणि सांसारिक काम करणे निषिद्ध करण्यात आले आहे. या काळात लग्न, मुंडन, गृहप्रवेश आणि बारस यांसारखी शुभ कार्य केले जात नाही. यासोबतच पितृपक्षाच्या काळात खरेदी करणे शुभ मानले जात नाही. नवीन कपडे, दागिने, मालमत्ता, जमीन इत्यादी गोष्टी देखील खरेदी करता येत नाही.

ज्योतिषशास्त्रानुसार पितृपक्षात असे काही योग आहेत ते शुभ मानण्यात आले आहे. ज्यावेळी आपण काही गोष्टी खरेदी करु शकतो. जाणून घेऊया त्याबद्दल

पितृपक्षात खरेदी का करु नये

पितृपक्षाचा हा काळ प्रत्येकासाठी वेगळा आहे. पितृपक्षातील १५ दिवस पितरांसाठी समर्पित करण्यात आला आहे. यावेळी त्याचे स्मरण, पूजा विधी आणि तर्पण केले जाते. हा संपूर्ण काळ त्यांच्यासाठी असतो. या काळात पितरांच्या आत्मशांतीसाठी पिंडदान आणि श्राद्ध विधी केले जाते. म्हणून खरेदी करणे वर्ज्य मानले जाते.

पितृपक्षात कधी खरेदी करु शकता

पितृपक्षात तुम्हाला काही गोष्टी खरेदी कराव्याशा वाटत असतील तर २३, २६ सप्टेंबर आणि २ ऑक्टोबरला खरेदी करु शकता. २३ सप्टेंबरला सर्वार्थ सिद्धी योग तयार होत आहे. २६ सप्टेंबरला गुरुपुष्य योग तयार होत आहे. या दिवशी शुभ मुहूर्त रात्री ११ वाजून ३० मिनिटांनंतर असणार आहे. २ ऑक्टोबरला सर्वार्थ सिद्धी योग तयार होत आहे. या दिवशी तुम्ही नवीन वस्तू खरेदी करु शकता.

पितृपक्षातील शुभ संयोगाचे महत्त्व

सर्वार्थ सिद्धी योग हा विशेष मानण्यात आला आहे. या काळात खरेदी-विक्री, दागिने खरेदी करु शकता. पितृपक्षात हा दिवस शुभ मानला जातो. गुरु पुष्य योगामध्ये कार्यात यश आणि संपत्ती वाढ होण्याची शक्यता असते. या दिवशी सोने, नवीन घर किंवा इतर कोणतीही वस्तू खरेदी करणे शुभ मानले जाते.