Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आर्थिक राशिभविष्य 23 ऑक्टोबर 2024: वृश्चिक राशीला व्यवसायात लाभ, रखडलेले पेमेंट होणार ! मीन राशीने अनावश्यक खर्च टाळावा ! पाहा, तुमचे राशिभविष्य
Finance Horoscope Today 23 October 2024 In Marathi : 23 ऑक्टोबर, मेष राशीच्या लोकांसाठी आजचा दिवस चांगला आहे. नोकरीत बढतीची शक्यता आहे. वृषभ राशीच्या लोकांचे अनावश्यक खर्च होणार आहेत. कर्क राशीला गिफ्ट मिळण्याची शक्यता तर कन्या राशीच्या जातकांना प्रत्येक कामात मेहनत आहे. वृश्चिक राशीचा व्यवसायात लाभ होणार असून पेंडींग पेमेट झाल्यामुळे तुम्ही आनंदी असाल तर मकर राशीची अपूर्ण कामे पूर्ण होतील तर मीन राशीचे लोक जास्त खर्च करणार आहेत.चला तर करिअर आणि आर्थिक बाबतीत आजचा दिवस कसा असेल ते पाहूया.
मेष आर्थिक राशिभविष्य : नोकरीत बढतीची शक्यता
मेष राशीच्या लोकांसाठी आजचा दिवस चांगला आहे. नोकरीत बढतीची शक्यता आहे. व्यवसायात नवीन प्रोजेक्ट येणार असून काम वाढणार आहे. आज काही कारणामुळे स्वभावात चिडचिडपणा येऊ शकतो. आर्थिक स्थिती समाधानकारक असेल. सासरकडून धन मिळण्याची अपेक्षा आहे. संध्याकाळी कुटुंबासोबत मंगलकार्यात सहभागी होणार आहात.
वृषभ आर्थिक राशिभविष्य : अनावश्यक खर्चावर नियंत्रण हवे
वृषभ राशीच्या लोकांसाठी आजचा दिवस चांगला असून बँक बॅलन्स वाढणार आहे. कुटुंबात सुख-शांतीचे वातावरण असून एखाद्या ज्येष्ठ व्यक्तीकडून तुम्हाला संपत्ती मिळण्याची शक्यता आहे. नोकरीत तुम्ही बदलाचा विचार करत असाल तर वेळ उत्तम आहे. कुटुंबात आनंद असून अनावश्यक खर्चावर नियंत्रण ठेवा. संध्याकाळी एखाद्या संगीताच्या कार्यक्रमाला जाण्याचा योग आहे.
मिथुन आर्थिक राशिभविष्य : नोकरीत पदोन्नतीची शक्यता
मिथुन राशीच्या लोकांसाठी आजचा दिवस चांगला असून नोकरीत पदोन्नतीची शक्यता आहे. मुलांकडून तुम्हाला आनंदाची बातमी मिळेल. नोकरी किंवा व्यवसायात तुम्हाला सगळ्यांकडून मदत मिळेल. खाण्यापिण्याच्या सवयी बदलतील तसेच नवे पेहराव खरेदी करणे याकडे मात्र तुम्ही दुर्लक्ष कराल.आळस टाळून कामाला लागा तरच कामे पटापट मार्गी लागतील.
कर्क आर्थिक राशिभविष्य : गिफ्ट मिळण्याची शक्यता
कर्क राशीच्या लोकांसाठी आजचा दिवस चांगला आहे. तुम्ही राजकारणात असाल तर तुमचा मानसन्मान आज वाढेल. तुमची रणनीती यशस्वी झाल्यामुळे कौतुक होईल. तुम्हाला आज गिफ्ट मिळण्याची शक्यता आहे. मुलांकडून चांगली बातमी मिळेल. संध्याकाळी वाचनात वेळ व्यतीत करणार आहात. सकारात्मक विचार करा तुम्हाला झोपेचा त्रास होणार नाही.
सिंह आर्थिक राशिभविष्य : व्यवसायात नवे मार्ग खुले होतील
सिंह राशीच्या जातकांसाठी आजचा दिवस उत्तम आहे. घरी मंगलकार्याचे आयोजन होणार असून मन प्रसन्न असेल. आज तुम्ही दिवसभर व्यस्त राहणार आहात. मित्रांच्या मदतीमुळे व्यवसायात जास्त कमाई करण्याचे मार्ग खुले होतील. अचानक मोठी रक्कम हाती पडणार आहे त्यामुळे तुमचा आत्मविश्वास द्विगुणीत होईल. पचनक्रियेसंदर्भात आजार असेल तर सांभाळा कारण पोटाचा विकार आज त्रास देईल. तुमच्या तब्येतीकडे लक्ष द्या.
कन्या आर्थिक राशिभविष्य : प्रत्येक कामात मेहनत
कन्या राशीच्या लोकांसाठी आजचा दिवस मेहनतीचा आहे. तुम्हाला वाटत असेल काम पूर्ण व्हावे तर अधिक परिश्रम करावे लागतील. आज बुद्धी चातुर्याने तुम्ही घेतलेले निर्णय योग्य असणार आहेत. मुले उच्च शिक्षणात चांगले यश मिळवतील. संध्याकाळी धनलाभाची शक्यता आहे. व्यवसायात कामे वाढत आहेत नियोजन नीट करावे.
तुळ आर्थिक राशिभविष्य : इच्छेविरुद्ध काम करावे लागेल
तुळ राशीच्या लोकांसाठी आजचा दिवस फारसा ठिक नाही. तुम्हाला तुमच्या इच्छेविरुद्ध काही कार्य करावे लागेल, ज्यामुळे तुम्ही अस्वस्थ असाल. कुटुंबात सुख-शांती असेल. अचानक काही कारणामुळे खर्च वाढणार आहेत. नोकरीत असाल, तर अधिकारी वर्गाकडून तुम्हाला कामात मदत मिळेल. धार्मिक कार्यात रुची घेणार आहात. रात्री एखाद्या मंगलकार्यात जाणार आहात.
वृश्चिक आर्थिक राशिभविष्य : व्यवसायात लाभ, पेंडींग पेमेट होणार
वृश्चिक राशीच्या लोकांसाठी आजचा दिवस ठिक आहे.आईच्या आशिर्वादामुळे तुम्हाला व्यवसायात लाभ होईल. तुमचे पेंडीग पेमेट आज होणार आहे. कोर्ट कचेरी सुरु असेल तर निकाल तुमच्याबाजूने लागेल. मुलांकडून चांगली बातमी मिळेल. घरात वातावरण ठिक असून खर्चावर नियंत्रण ठेवा.
धनू आर्थिक राशिभविष्य : कामात अडचणी येण्याची शक्यता
धनु राशीच्या लोकांसाठी आजचा दिवस ठिक मेहनतीचा आहे. तुमच्या कार्यक्षेत्रात आज खूप काम आहे. तसेच कामात अडचणी येण्याची शक्यता आहे. आज संवात साधताना सतर्क राहा. संपत्तीवरून कुटुंबात वादाची स्थिती निर्माण होऊ शकते. भावंडासोबत वाद झाला तर अपशब्दांचा वापर करू नका. व्यवसायात आज चिडचिड होण्याची शक्यता आहे.
मकर आर्थिक राशिभविष्य : अपूर्ण कामे पूर्ण होणार
मकर राशीच्या लोकांसाठी आजचा दिवस चांगला असून तुमच्या मान आणि प्रतिष्ठेत वाढ होणार आहे. आजच्या दिवशी तुमची अपूर्ण कामे पूर्ण होतील. विरोधक आज फार काही करणार नाहीत. घरात मंगल कार्य होण्याची शक्यता आहे. आर्थिक स्थिती चांगली असल्यामुळे गुंतवणुकिचा विचार करु शकता.
कुंभ आर्थिक राशिभविष्य : ऑफिसमध्ये अतिरिक्त जबाबदारी वाढणार
कुंभ राशीच्या लोकांसाठी आजचा दिवस ठिक असून तुम्ही दिवसभर व्यस्त राहणार आहात. कार्यक्षेत्रात अतिरिक्त जबाबदारी येणार आहे. तुमची संपत्ती वाढण्याची शक्यता आहे. पत्नीसोबत मतभेद होण्याची शक्यता आहे. संध्याकाळी धार्मिक कार्याचे आयोजन होण्याची शक्यता आहे. आज स्वतःला उत्साही ठेवण्याचा प्रयत्न करा.
मीन आर्थिक राशिभविष्य : जास्त खर्च होणार, नियंत्रण ठेवा
मीन राशीच्या लोकांसाठी आजचा दिवस संमिश्र आहे. धार्मिक कार्यात अधिक रुची घेणार आहात. तुम्ही आज जास्त खर्च करणार आहात, त्यावर थोडं नियंत्रण ठेवण्याचा प्रयत्न कराल. संपत्ती कमविण्याचे नवे मार्ग खुले होतील त्याचा लाभ घ्या. परदेशातून चांगली बातमी मिळेल. राजकारणातील तुमचा वाढता जनसंपर्क लाभदायक आहे. व्यवसायात अधिक गुंतवणूक करा लाभ होईल.