शिवसेना भवनाच्या अंगणातून अमित ठाकरे मैदानात, शिंदेंनी एक्का टाकला, पण ‘मातोश्री’ बुचकळ्यात

‘मातोश्री’ विचारात

शिवसेना भवन असलेल्या दादर माहीम मतदारसंघात मनसे अध्यक्ष राज ठाकरे यांचे सुपुत्र आणि मनविसे अध्यक्ष अमित ठाकरे यांना उमेदवारी दिल्याने उद्धव ठाकरेंपुढे मोठा पेच निर्माण झालेला पाहायला मिळत आहे. उमेदवारी जाहीर करायची की नाही? या पेचप्रसंगात सध्या मातोश्रीचे थिंक टॅंक आहे.
Kedar Dighe : कोपरीत शिंदेंना ‘कॉर्नर’, ठाकरे गटाची मोठी खेळी, आनंद दिघेंच्या पुतण्यालाच मैदानात उतरवणार

कोणाची नावं चर्चेत?

उद्धव ठाकरेंकडून या मतदारसंघात सध्या दादरचे विभाग प्रमुख महेश सावंत तसेच उपनेते विशाखा राऊत हे इच्छुक उमेदवार आहेत. जर-तरची शक्यता फेटाळली तर महेश सावंत हेच नाव सध्या उद्धव ठाकरेंच्या सेनेमार्फत आघाडीवर आहे. या संदर्भातली घोषणा आज महाविकास आघाडीच्या पत्रकार परिषदेत होण्याची शक्यता आहे.

महाराष्ट्र नवनिर्माण पक्षाकडून काल उशिरा ४५ उमेदवारांची नावे जाहीर करण्यात आलेली आहेत. लोकसभा निवडणुकीत राज ठाकरेंनी मोदींना बिनशर्त पाठिंबा दिल्यानंतर महायुती मनसेच्या उमेदवारांविरोधात आपले उमेदवार उभे करणार नाही असं म्हटलं जात होतं. मात्र या गोष्टीला तिलांजली देत शिंदेंच्या सेनेमार्फत विद्यमान आमदार सदा सरवणकर यांना उमेदवारी जाहीर झालेली आहे.
Maharashtra Election : भाजपला एकाच दिवशी तीन धक्के, विधानसभेच्या तोंडावर माजी मंत्र्यासह तिघांनी ‘कमळ’ कुस्करलं
ठाकरेंच्या सेनेमार्फत जर उमेदवार दिला गेला तर या मतदारसंघात तिरंगी लढतीचे चित्र निर्माण झालेलं पाहायला मिळेल. सध्या तरी दादर माहीम मतदारसंघात तुल्यबळ लढती पाहायला मिळतील असं चित्र अपेक्षित आहे.