माझ्या वडिलांविरुद्ध लढणारे आता माझ्याविरुद्ध लढताय, रोहित पाटलांचा संजय काकांना टोला

खासदार विशाल पाटील काय म्हणाले

खासदार विशाल पाटील यांनी देखील संजय काका पाटलांना चांगलंच फटकारलं आहे. ”सत्तेचा माज आलेला नेता आता विधानसभेनंतर तासगावची नगरपरिषद लढेल. जो स्वार्थासाठी स्वतःच्या पोराला बाजूला करतो तो जनतेसाठी काय लढणार. भुताला काढण्यासाठी आपण सर्व एकत्र आलो आहोत, त्याला पुन्हा डोके वर काढू देणार नाही. सांगली जिल्ह्यात सत्तेचा माजलेला एक नेता निर्माण झाला होता. जनतेने सत्ता काढून घेतल्यानंतर ते वैफल्यग्रस्त झाले आहेत. काहीतरी करून पुन्हा सत्ता काबीज करायची या भावनेने ते आता आमदारकी लढत आहेत. येथील पराभवानंतर कदाचित तासगावची नगरपरिषद देखील लढतील. सोळा वर्षे आमदार, दोन वेळा खासदार, पण सत्तेत राहून सुद्धा जनतेच्या अपेक्षा पूर्ण करू शकलेल्या नाहीत. दुसऱ्याने केलेल्या कामावर स्वतःला नाव जोडायची वेळ येते. त्यामुळे संजय काका पाटील सत्तेसाठी विधानसभा लढत आहेत”

”संजय काका पाटील यांचा रोहित पाटील यांच्या विरोधात खूप मोठ्या फरकाने पराभव होणार आहे. सत्तेच्या लालसेपोटी जनतेने उतरवलं आहे तरी देखील त्यांना अजून हवा आहे. इतके दिवस सांगत होते की प्रभाकर पाटील आमदार होणार. जो सत्तेसाठी पोराला बाजूला करून स्वतः नेऊन लढतो तो जनतेसाठी काय करणार? स्वतःच्या पोरासाठी जो थांबू शकत नाही. हे जनता आता जाणून आहे. रोहित पाटील हे आमच्यासाठी राबले आहेत. आता आमच्यावर पैरा फेडण्याची वेळ आलीये. आमचं दादा गाणं रोहित पाटलांसाठी राबणार”.
‘भाजप आणि अजित दादांच्या पक्षाकडून मतदारसंघात ३०-४० कोटी वाटले जाणार’, पवार गटाच्या बड्या नेत्याचा आरोप

”कोणत्या अडचणीमुळे अजितराव घोरपडे यांनी संजय काका पाटील यांना पाठिंबा दिला हे माहीत नाही. पण मी अजितराव घोरपडे यांना विनंती करणार आहे की ज्या भुताला काढण्यासाठी आपण एकत्र आलो. त्या भुताला पुन्हा वर डोकं वर आणू देऊ नका असं मी त्यांना सांगितलं आहे. पण अजितराव घोरपडे यांनी कोणत्या दबावामुळे त्यांनी हा निर्णय घेतला हे माहीत नाही. पण अजितराव घोरपडे यांचे कार्यकर्ते तरुण उमेदवाराच्या पाठीशी आहेत”, असं म्हणत विशाल पाटील यांनी देखील प्रसार माध्यमांशी संवाद साधत संजय काका पाटलांवर टीकेच्या फैरी झाडल्या आहेत.