आजचे अंकभविष्य, 25 ऑक्टोबर 2024: वादविवादापासून दूर राहा ! रागावर नियंत्रण हवे, अन्यथा अनर्थ होईल ! जाणून घ्या, अंकशास्त्रानुसार तुमचे राशीभविष्य

मूलांक 1 असलेल्यांसाठी आजचा दिवस उत्तम आहे. कुठून तरी अचानक धनलाभ होणार आहे त्यामुळे आर्थिक स्थिती चांगली असेल. तुम्ही दिवसभर आनंदी आणि उत्साही असाल. वडिलांचे मार्गदर्शन तुमच्यासाठी लाभदायक ठरणार आहे. तुमची कामे आज पटापट मार्गी लागतील. आज तुमची विचारशक्ती अधिक प्रगल्भ होईल आणि तुमची रणनीती तुम्हाला सफलता देईल.

मूलांक 2 असणाऱ्या जातकांसाठी आजचा दिवस ठिक आहे. आई-वडिलांचे आशिर्वादामुळे तुम्हाला जीवनात सफलता मिळेल. आज मोठा निर्णय घेताना वडिलांची सल्ला घ्या. आज तुमची भेट एखाद्या ज्ञानी व्यक्तीसोबत होणार आहे, त्यामुळे तुमचा जीवनाकडे पाहण्याचा दृष्टीकोन बदलणार आहे. आहारात गोड खाणे कमी करा आणि तुम्हाल मधुमेहाचा त्रास असेल तर पथ्य सांभाळणे अत्यंत गरजेच आहे.

मूलांक 3 असणाऱ्या लोकांसाठी आजचा दिवस चांगला असून कुटुंबासोबत एकत्रीतपणे दिवस व्यतीत करणार आहात. आज आर्थिक व्यवहार तुमच्यासाठी लाभदायक असतील. तुमच्या बोलण्याने सगळे प्रभावीत होतील आणि तुमचे कौतुक होईल. आज तुमची आर्थिक प्रगती उत्तम होणार आहे.

मूलांक 4 साठी आजचा दिवस फारसा ठिक नाही. तुम्हाला नशिबाची साथ मिळणार नाही. तुम्ही आज जे काम कराल त्यात सकारात्मक विचार करा म्हणजे कामे मार्गी लागतील. तुम्ही आज चिडचिड करू नका त्यामुळे कामे बिघडतील. वडिलांच्या तब्येतीची काळजी घ्या. तुम्ही राजकारणात असाल तर तुमचा उत्तम प्रभाव पडेल.

मूलांक 5 साठी आजचा दिवस चांगल असून धनलाभाचे योग आहेत. आज धन मिळविण्याचे अनेक मार्ग खुले होतील त्याचा लाभ घ्या. तुम्ही आज कार्यक्षेत्रात काम करताना गुरूंचे नाव घ्या, काम यशस्वी होईल. व्यवसायात नवे प्रोजेक्ट येतील पण कामात फोकस आणि नियोजन महत्त्वाचे आहे. घरात वातावरण ठिक असेल.

मूलांक 6 साठी आजचा दिवस ठिक आहे फक्त वादविवादापासून दूर राहा. खास करून जोडीदारासोबत भांडू नका. तुम्हाला मधुमेहाचा त्रास असेल तर खाण्यापिण्याकडे लक्ष द्या. तुम्हाला एखाद्या महिलेकडून महत्त्वाची माहिती मिळेल, जी तुमच्या फायद्याची असेल. तुम्ही नवीन काम सुरु करायचा विचार करत असाल तर वेळ चांगली नाही. तुमचा मोठा निर्णय देखील पुढे ढकलावा लागेल.

मूलांक 7 साठी आजचा दिवस प्रगतीने भरलेला असून तुमची आर्थिक स्थिती उत्तम असणार आहे. बँक बॅलन्स वाढल्यामुळे तुम्ही आनंदी असाल. घरातील सदस्यांचे ऐका त्यामुळे तुमची कामे पटापट मार्गी लागतील तसेच अडचणीमधून तुम्ही लवकर वाट काढाल. घरात वातावरण ठिक असेल. ऑफिसमध्ये काम वाढले आहे, तुम्ही सहकाऱ्यांची मदत घ्या. व्यवसायात नवीन डिल होण्याची शक्यता आहे.

मूलांक 8 साठी आजचा दिवस चांगला आहे. तुमचे निर्णय योग्य सिद्ध होणार आहेत. एखाद्या कामाची सुरुवात करताना तुम्हाला त्रास किंवा अडचण जाणवेल, पण घाबरू नका संध्याकाळपर्यंत सगळी कामे मार्गी लागतील. मेहनतीचे फळ मिळेल. आज काम वाढल्यामुळे ताणतणावात वाढ होईल, तब्येतीची काळजी घ्या

मूलांक 9 साठी आजचा दिवस सामान्य असेल. तुमच्या रागावर नियंत्रण ठेवा, तुम्ही ज्येष्ठ व्यक्तींवर प्रचंड रागावणार आहात पण त्यामुळे तुमचे नुकसान होईल. आर्थिक स्थिती सामान्य असेल. घाई घाईत काम करणे टाळा, अन्यथा नुकसान होण्याची शक्यता आहे. कोणतेही कार्य करताना तुमच्या वडिल, भाऊ किंवा गुरूंचा सल्ला घ्या. तुम्हाला नवे प्रोजेक्टच मिळतील पण प्रचंड मेहनत करावी लागेल.