Diwali Vastu Tips : दिवाळीला घराला लाइटिंग करताय? दिव्यांची योग्य दिशा कोणती? जाणून घ्या वास्तुशास्त्राचे नियम

वास्तुशास्त्रानुसार मुख्य दरवाजा विशेष सजवावा. हे स्थान प्रवेशाचे असल्यामुळे अधिक महत्त्वाचे मानण्यात आले आहे. मुख्य प्रवेशद्वाराजवळ सुंदर आणि शुभ रंगांची रोषणाई करा. दिव्यांनी दरवाजा सजवल्याने देवी लक्ष्मी घरात येते. तसेच घरामध्ये सकारात्मक ऊर्जेचा प्रवाह राहातो.

दिवाळीत घराच्या ईशान्य कोन्यात दिवा लावल्याने सुख, समृद्धी आणि प्रगती येते. वास्तुशास्त्रानुसार ही दिशा सकारात्मक ऊर्जेचा मुख्य स्त्रोत मानले जाते. या दिशेला उजळणारे दिवे लावल्याने आर्थिक प्रगतीचा मार्ग खुला होतो. तसेच या दिशेला तुपाचा दिवा लावल्याने घरात शांती आणि ऐश्वर्य प्राप्त होते.

वास्तुनुसार घराच्या कोपऱ्यात अंधार पडल्याने नकारात्मक ऊर्जा आकर्षित होते. त्यामुळे दिवाळीच्या दिवशी घराच्या कानाकोपऱ्यात छोटे दिवे लावा. यामुळे नकारात्मक ऊर्जा दूर होते. तसेच घरामध्ये सौभाग्य आणि शुभ परिणाम मिळतात. घरातील दक्षिण- पश्चिम कोपऱ्यात दिवे लावल्याने घरात स्थिरता येते.

दिवाळीत लाइटिंग लावताना तेजस्वी आणि मंद प्रकाश समतोल राखायला हवा. घरातील काही जागा चमकदार लाइटिंगने सुभोभित केली पाहिजेत. त्यासाठी मंद आणि सौम्य लाइटिंगचा वापर करा. पूजेच्या ठिकाणी आणि अंगणात मंद प्रकाशाच्या लाइट्स लावा. मुख्य प्रवेशद्वार आणि टेरेसवर तेजस्वी लाइट्सचा वापर करा

वास्तुशास्त्रानुसार रंगांना महत्त्वाचे स्थान आहे. दिवाळीच्या प्रकाशासाठी ऊर्जा आकर्षित करणारे रंग निवडा. लाल,पिवळा, हलका निळा आणि केशरी रंग वापरा. जे समृद्धी आणि उत्साह घरात वाढवतात. तसेच घराच्या अंगणात हिरव्या किंवा निळ्या रंगाच्या लाइट्स वापरा. ज्यामुळे शांतात आणि संतुलन वाढते.