शरद पवारांच्या आशीर्वादाने 25 वर्ष मंत्रीपद तरीही साथ सोडली, समरजीत घाटगेंचा मुश्रीफांवर पुन्हा निशाणा

शरद पवारांच्या आशीर्वादामुळे 25 वर्षांपैकी 21 वर्ष मंत्रीपद हसन मुश्रीफ यांच्याकडे आहे. उपमुख्यमंत्री अजित पवारानंतर सर्वाधिक मंत्री पदावर मुश्रीफ यांना संधी मिळाली, असे असतानाही त्यांनी शरद पवार यांची साथ सोडून गेले त्यांनी निष्ठा विकली यामुळे त्यांना रात्रीची झोप येत नाही. त्यामुळे त्यांच्याकडून चुकीची वक्तव्य होत आहेत. मात्र अजून 25 दिवस तुम्ही पालकमंत्री आहात तोपर्यंत तुम्ही संविधानाचा सन्मान करावा अशी विनंती करून गुरुदक्षिणा दिल्यानंतर गुरुवर पावशेर ठेवायचं नसतं, गुरुदक्षिणा दिल्याचा उल्लेख करून त्यांनी शरद पवारांचा अपमान केला असा घणाघात राष्ट्रवादी शरद पवार पक्षाचे नेते समरजीत घाटगे यांनी मंत्री मुश्रीफांवर केला.

हसन मुश्रीफ यांनी गडबडीत रद्द करण्याचा जीआर काढला, सहा-सात जिल्ह्यातून हा शक्तिपीठ महामार्ग जातो मात्र त्यांनी कोल्हापूर पुढचा रद्द केल्याचा जीआर काढला, मुश्रीफ साहेब एवढा बालिशपणा कसा करू शकतात, त्यांनी चुकीचा जीआर काढल्यामुळे त्यांच्या पायाखालची वाळू घसरली आहे हे सिद्ध होत आहे, या जी आर मुळे आचारसंहिता भंग झालीय, आचारसंहिता भंग झाल्याची गुन्हा दाखल करण्यात येणार आहे असल्याचेही घाटगे यावेळी म्हणाले.

जनता दलाच्या नेत्या स्वाती कोरी यांची शरद पवार यांच्यासोबत भेट झालेली आहे आणि चर्चाही झाली आहे, त्यांची काय भूमिका आहे हे थोड्याच दिवसात पार्टी मीटिंग घेऊन जाहीर करतील मात्र मुश्रीफ साहेब तुम्ही निवडणुकीतून माघार घेऊ नका अजून प्रश्नांची उत्तर देत नाहीत, कागल गडहिंग्लज उत्तुरच्या जनतेला परिवर्तनापासून दूर ठेवू नका, तुम्ही इलेक्शन मधून पळ काढू नका, तुम्ही इलेक्शन लढवा याचं उत्तर जनता देणार आहे, जनतेच्या हातातून ही सुवर्णसंधी तुम्ही घालू नका असा आव्हान ही घाटगे आणि मंत्री मुश्रीफ यांना दिलं.