ठाकरेंना नमस्कार करुन ‘मातोश्री’बाहेर पडले, सुधीर साळवींनी समर्थकांना बोलावलं, राऊत म्हणतात…

सुधीर साळवींची फेसबुक पोस्ट

सुधीर साळवी यांनी काही वेळापूर्वी सोशल मीडियावर एक पोस्टर शेअर केली आहे. ‘माझ्या प्रिय, शिवडी विधानसभेतील निष्ठावंत शिवसैनिकांनो, मला तुमच्याशी बोलायचं आहे!’ असं साळवींनी म्हटलं आहे. शुक्रवारी संध्याकाळी साडेसात वाजता लालबाग मार्केटमधील शिवसेना शाखेजवळ सुधीर साळवी आपल्या समर्थकांशी संवाद साधणार आहेत. याकडे राजकीय वर्तुळाचं लक्ष लागलं आहे.

संजय राऊत यांची प्रतिक्रिया

दरम्यान, शिवसेना खासदार संजय राऊत यांना याविषयी प्रश्न विचारला असता, “एखादा ज्येष्ठ शिवसैनिक समर्थकांशी संवाद साधणार असेल, तर त्याचा फायदा शिवसैनिकांनाच होणार आहे. साळवींची नाराजी अजिबात नाही. कुठलीही बंडखोरी होणार नाही, शिवसेनेत कुठेच बंडखोरी होणार नाही” अशी प्रतिक्रिया राऊतांनी दिली.
Uddhav Thackeray : ठाकरेंनी मतदान केलेली उमेदवार ‘मातोश्री’वर; म्हणते… दादा, ‘ती’ सीट काँग्रेसला सोडा ना
शिवडी मतदारसंघातून दोनवेळा आमदार झालेल्या अजय चौधरी यांनी तिसऱ्या वेळेलाही उमेदवारी मागितली होती. मात्र आता तरुणांना संधी मिळायला हवी, असा आग्रह सुधीर साळवी यांच्या समर्थकांचा होता. लालबाग-परळसारख्या भागात साळवी यांच्या उमेदवारीची उत्सुकता होती. साहजिकच अजय चौधरीवगळता जे आमदारांसोबत होते, त्यांना पक्षाने पुन्हा उमेदवारी जाहीर करताना चौधरी यांच्याबाबतचा निर्णय थांबविण्यात आला होता. यापूर्वी एकदा चौधरी आणि साळवी यांना समोरासमोर बोलवत उद्धव ठाकरे यांनी तोडगा काढण्याचा प्रयत्न केला होता. मात्र तो निघू शकला नव्हता.
Deepak Chavan : दादांनी तिकीट जाहीर केलेलं, तरी तीन टर्म आमदार काकांच्या गटात, मात्र पहिल्याच यादीत धक्का
या दोघांबरोबराच विभागातील सर्व प्रमुख पदाधिकाऱ्यांना गुरुवारी बोलाविण्यात आले होते. त्यांच्या उपस्थितच उद्धव ठाकरे यांनी चौधरी यांच्या नावाची घोषणा केली. यावेळी संकटकाळात सर्वजण सोडून जात असताना अजय चौधरी माझ्यासोबत राहिले. त्यामुळे त्यांना पुन्हा संधी देत आहे, असे म्हणत ठाकरे यांनी त्यांच्या नावावर शिक्कामोर्तब केले. ठाकरे यांचे हे शब्द ऐकताच साळवी यांनी उद्धव ठाकरेंना नमस्कार केला आणि ते मातोश्रीबाहेर पडले. ‘मी संघटनेशी एकनिष्ठ असून शिवसैनिक म्हणून काम करणार आहे’, असे साळवी यांनी त्यानंतर स्पष्ट केले. त्यामुळे आता अजय चौधरींना जरी उमेदवारी दिली तरीही साळवी हे पक्षाशी एकनिष्ठ राहून काम करणार असल्याचे स्पष्ट झाले आहे.