Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
ठाकरे गटाची तिसरी यादी जाहीर, भाजपच्या बालेकिल्ल्यात पहिल्या मुस्लिम उमेदवाराची घोषणा
Shivsena Udhhav Thackeray Party Third Candidate List : विधानसभा निवडणुकीसाठी ठाकरे गटाने आपल्या तिसऱ्या यादीची घोषणा केली आहे. या यादीमध्ये फक्त तीन उमेदावारांची नावे जाहीर करण्यात आली आहेत. तर या यादीमध्ये ठाकरे गटाने पहिल्या मुस्लिम उमेदवाराला संधी दिली आहे.
ठाकरे गटाला मलबार हिल या मतदारसंघाच्या मोबगदल्यात विलेपार्ले मतदारसंघाची जागा मिळाली होती. विलेपार्ले मतदारसंघातून ठाकरे गटाने माजी नगरसेवक संदिप नाईक यांना उमेवारी देण्यात आली आहे. तर घाटकोपर पश्चिम येथून संजय भालेराव यांना उमेदवारी मिळाली आहे. विलेपार्ले मतदारसंघात भाजपचे विद्यमान आमदार पराग अळवणी यांना तिकिट देण्यात आले आहे.
२०१४ आणि २०१९ विधानसभा निवडणुकीवेळी पराग अळवणी यांनी विजय मिळवला होता. यंदाही त्यांना तिकिट दिलं असून ठाकरे गटाने संदिप नाईक यांना निवडणुकीच्या रिंगणात उतरवलं आहे. घाटकोपर पश्चिम मतदारसंघामध्ये ठाकरे गटाने संजय भालेराव यांना उमेदवारी दिली आहे. भाजपचे राम कदम या मतदारसंघात आमदार असून सलग तीन टर्म ते आमदार राहिले आहेत. २०१९ च्या निवडणुकीत संजय भालेराव दुसऱ्या क्रमांकावर राहिले होते. त्यावेळी भालेराव यांनी अपक्ष म्हणून निवडणुक लढवली होती. आता ठाकरे गटाने तिकिट दिलं असून काँटे की टक्कर पाहायला मिळणार आहे.
ठाकरे गटाची तिसरी यादी
वर्सोवा – हरुन खान
घाटकोपर पश्चिम – संजय भालेराव
विलेपार्ले – संदिप नाईक
लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव…. आणखी वाचा