कृष्णराज महाडिक यांची उत्तर मधून माघार; राजेश क्षीरसागर यांच्या समोरील एक अडथळा दूर मात्र सत्यजित कदम यांच्या भूमिकेकडे लक्ष

सध्या राज्यात विधानसभा निवडणुकांच्या रणधुमाळीमुळे राजकारण चांगलच तापलय. कोल्हापूर जिल्ह्यातील महत्त्वाचा मतदारसंघ असलेल्या कोल्हापूर उत्तर विधानसभा मतदारसंघात, महायुती आणि महाविकास आघाडी दोन्हीकडून देखील अद्याप उमेदवारी जाहीर करण्यात आलेली नाही. विशेषतः महायुती मध्ये या जागेवरून शिवसेना शिंदे गट आणि भाजप यांच्यामध्ये जोरदार रस्सीखेच सुरू आहे.
भाजपसाठी धोक्याची घंटा; उमेदवारी जाहीर केल्यानंतर शहराध्यक्ष म्हणाले- तुम्हाला कार्यकर्ता उमेदवार म्हणून नकोय
उत्तर विधानसभा मतदारसंघ हा शिवसेनेचा बालेकिल्ला असल्याने येथून लढण्यास माजी आमदार राजेश क्षीरसागर गेल्या पाच वर्षांपासून तयारी करत आहेत. तर 2022 मध्ये पार पडलेल्या पोटनिवडणुकीत काँग्रेसने हे जागा जिंकली असले तरी भाजपने कडून सत्यजित कदम यांनी काँग्रेसला कडवी झुंज देत तब्बल 77 हजार मतं घेतल्याने ते देखील या जागेवरून लढण्यास इच्छुक आहेत. तर खासदार धनंजय महाडिक यांचे पुत्र कृष्णराज महाडिक हे देखील उत्तर बदलून लढण्यास इच्छुक असल्याने महायुतीमधील तिढा दिवसेंदिवस वाढत होता. मुलगा कृष्णाराज महाडिक याच्यासाठी खासदार धनंजय महाडिक यांनी मुख्यमंत्री आणि उपमुख्यमंत्री यांची देखील भेट घेतली होती. यानंतर राजेश क्षीरसागर यांनी देखील मुख्यमंत्र्यांची भेट घेऊन कोल्हापुरात दाखल झाले आणि आपली उमेदवारी निश्चित असल्याचा पत्रकार परिषद घेत जाहीर केलं.
Congress Third List: तिसऱ्या यादीत काँग्रेसचे धक्का तंत्र! आणखी १६ उमेदवारांची यादी जाहीर, पाहा कोणाला संधी मिळाली
दरम्यान आज कृष्णराज महाडिक यांनी मुंबईत उपमुख्यमंत्री देवेंद्र फडणवीस यांची भेट घेत हे जागा भाजपला मिळावी यासाठी भावना व्यक्त केली मात्र जागा वाटपात ही जागा शिवसेनेच्या वाट्याला जाणार असल्याचे उपमुख्यमंत्र्यांनी सांगितले यामुळे कृष्णराज महाडिक यांनी या निवडणुकीतून आपण बाहेर पडत असल्याचा सांगत माघार घेतली आहे. तसेच शिवसेनेच्या उमेदवाराचा आम्ही संपूर्ण ताकतीने प्रचार करून निवडून आणू असेही कृष्णराज महाडिक म्हणाले आहेत. यामुळे ही जागा शिवसेनेला जाणार हे निश्चित झाले असून येथून राजेश क्षीरसागर यांनाच उमेदवारी मिळण्याची दाट शक्यता निर्माण झाली आहे. मात्र असे असले तरी पोट निवडणुकीत लढलेले भाजप नेते सत्यजित कदम यांच्या भूमिकेकडे सर्वांचे लक्ष लागून राहिले आहे.