साप्‍ताहिक आर्थिक राशिभविष्य 28 ऑक्टोबर To 3 नोव्हेंबर 2024 : मिथुन, तुळसह या 5 राशी होणार मालामाल ! माता लक्ष्मीची कृपेसह धनवृद्धी ! जाणून घ्या, तुमचे राशिभविष्य

मेष राशीच्या लोकांसाठी हा आठवडा चांगला असून व्यवसाय आणि नोकरीत तुमचा मान-सन्मान वाढेल. प्रोजेक्ट्स वेळेत पूर्ण होतील तसेच भागीदारीमधील व्यवसायात उत्तम लाभ आहे. तब्येत सुधारणार असून जीवनशैलीत तुम्ही काही बदल करणार आहात. प्रवासाचा योग असून कुटुंबासोबत यात्रा होण्याची शक्यता आहे. लवलाइफमध्ये संवाद महत्त्वाचा आहे. आठवड्याच्या शेवटी धार्मिक कार्यात सहभाही होणार आहात. मन शांत असेल फक्त सकारात्मक विचार ठेवा.

या आठवड्यात तुम्हाला उत्तम यश मिळणार आहे. तुम्ही केलेले प्रयत्न सफल होणार आहेत. भविष्यातील दृष्टीकोनातून नवीन योजाना आखाल. प्रेमसंबंध उत्तम राहणार आहेत. तुमच्या व्यक्तीमत्वाचा प्रभाव सगळ्यांवर पडेल. कुटुंबातील एखाद्या तरूण व्यक्तीमुळे तुमचे टेन्शन वाढणार आहे. या आठवड्यात प्रवास टाळावा. तब्येतीत सुधारणा आहे. आठवड्याच्या शेवटी टेन्शन कमी होईल आणि तुमच्या मनाप्रमाणे कार्य पार पडेल. कामात फोकस ठेवा म्हणजे कामे पटापट मार्गी लागतील.

मिथुन राशीच्या जातकांसाठी हा आठवडा आर्थिक बाबतीत तुमच्यासाठी अनुकूल आहे. धनलाभाचे उत्तम योग असून सासरकडून धनसंपत्ती मिळण्याची शक्यता आहे. आरोग्यात सुधारणा होणार आहे. ज्येष्ठ व्यक्तींचे आशिर्वाद तुम्हाला कामात यश देतील. लवलाइफमध्ये तुम्ही काही वचन दिले असेल तर ते पूर्ण होताना दिसणार नाही. प्रवासाचा योग असून एखाद्या महिलेमुळे तुमचा प्रवास यशस्वी होणार आहे. नोकरी किंवा व्यवसायात थोडा त्रास दिसतो आहे पण मेहनतीने तुम्ही कामात यशस्वी होणार आहात. तुम्ही व्यवसायात काही बदल करू पाहत असाल तर वेळ चांगली नाही. कुटुंबातील तरुण सदस्यामुळे तुमची खूप धावपळ होणार आहे.

कर्क राशीसाठी हा आठवडा चांगला आहे तुमचा सगळा फोकस कुटुंबावर असून प्रियजनांसाठी तुम्ही कठोर मेहनत करणार आहात. तब्येतीमध्ये सुधारणा आहे फक्त डॉक्टरांनी सांगितलेले बदल लक्षात ठेवा. घरातील तरूण सदस्यांकडून आनंदाची बातमी मिळेल. लवलाइफमध्ये एकटेपणा जाणवेल. तुमचा अहंकार उफाळून येवू देवू नका, त्यामुळे कामात अडथळा निर्माण होईल. कामामधील हलगर्जीपणा भारी पडू शकतो तेव्हा कामे करताना सतर्क राहा. आठवड्याच्या शेवटी जीवनातील एखाद्या टप्प्याला सुरुवात होणार आहे.

सिंह राशीच्या लोकांसाठी हा आठवडा उत्तम असून कार्यक्षेत्रात प्रगती होणार आहे. तुम्हाला मेहनत जास्त करावी लागेल पण यश चांगल्या प्रकारे मिळेल. तुमचे लवलाइफ चांगले असून प्रेमसंबंध अधिक दृढ होतील. आर्थिक स्थिती हळूहळू सुधारत जाणार आहे. तुमची तब्येत बिघडली असेल तर त्यात सुधारणा होईल. व्यवसायात नवे बदल लाभदायक आहेत फक्त मेहनत जास्त करावी लागेल. प्रवासाचे योग असून तुम्ही यात्रेसंदर्भात साशंक असाल पण तुमचा प्रवास यशस्वी होणार. आठवड्याच्या शेवटी सुखसमृद्धीचे योग आहेत.

कन्या राशीच्या लोकांसाठी हा आठवडा चांगला असून तुमच्या मानसन्मानात वाढ होईल. तुमच्या प्रोजेक्टला यशस्वी बनवण्यासाठी अनेक संधी मिळतील त्याचा लाभ घ्या. आर्थिक खर्च अधिक होणार आहेत त्यामुळे वेळीच लक्ष द्या. तब्येत बिघडण्याची शक्यता आहे. खाण्यापिण्याकडे कटाक्षाने लक्ष द्या. लवलाइफ उत्तम आहे, प्रेमात संबंध अधिक दृढ होतील. व्यवसायात काही कारणामुळे टेन्शन वाढू शकते तेव्हा सतर्क राहा. एखाद्या महिलेमुळे तुमचे टेन्शन वाढण्याची शक्यता आहे.

तुळ राशीच्या लोकांसाठी हा आठवडा आर्थिक बाबतीत योग्य आहे. नवीन गुंतवणूक तुमच्यासाठी लाभदायक असेल. तब्येतीत सुधारणा होणार असून मन प्रसन्न राहील. कुटुंबात काही बदल होतील त्यामुळे सुरुवातील तुम्ही थोडी शंका घ्याल पण नंतर सगळे काही सुरळीत होईल. बदल नेहमीच शंका निर्माण करतात पण त्याकडे सकारात्मक दृष्टीने पाहा तुमचा लाभ होईल. लवलाइफमध्ये अहंकार आणू नका, नातेसंबंध तुटण्याची शक्यता आहे. प्रवास टाळणे उत्तम आहे. आठवड्याच्या शेवटी तुम्ही रिलक्स असाल.

वृश्चिक राशीच्या लोकांसाठी हा आठवडा थोडा त्रासदायक असेल. कामावर नियंत्रण ठेवणे कठिण जाईल. तुमच्यावर कामाचा अतीरिक्त लोड असेल. तुम्ही कामांची विभागणी योग्य पद्धतीने केली तर कामे पटापट मार्गी लागतील. प्रवासाचा योग आहे त्यातून तुम्हाला उत्तम लाभ मिळेल. सुख-समृद्धीचे शुभ संयोग तयार होणार आहेत. प्रियजनांसोबत आनंदाने वेळ व्यतीत करणार आहात. तब्येत बिघडण्याची शक्यता आहे नीट लक्ष द्यावे. आठवड्याच्या शेवटी प्रत्येक गोष्टीत संतुलन साधण्याचा तुम्ही प्रयत्न कराल.

धनु राशीच्या लोकांसाठी हा आठवडा उत्तम असून तुमचा मान-सन्मान वाढणार आहे. ऑफिस आणि व्यवसायात प्रगती आहे. या आठवड्यात एखाद्या ज्येष्ठ व्यक्तीमुळे तुमची कामे मार्गी लागतील. लवलाइफ चांगली आहे. कुटुंबात सुख समृद्धीचे योग असून तुमचा आदर वाढेल. आर्थिक खर्च यावेळी अधिक होणार आहे त्याकडे कटाक्षाने लक्ष द्या. तब्येतीमध्ये त्रास होवू शकतो. काळजी घ्या आणि बाहेरचे पदार्थ कमी खा. आठवड्याच्या शेवटी महिलेमुळे तुमची सर्व कामे मार्गी लागतील आणि तुम्हला लाभ होईल.

मकर राशीच्या लोकांसाठी हा आठवडा चांगला आहे. तुम्ही कुटुंबासोबत वेळ व्यतीत करणार आहात. कुटुंबाच्या गरजांचा विचार करून त्या मार्गी लावण्याचा प्रयत्न कराल. सर्वात प्रथम कुटुंबाचा विचार कराल. आरोग्यात सुधारणा होईल आणि तुम्ही जीवनशैलीत काही बदल कराल यामुळे तुम्हाला रिलॅक्स वाटेल. आर्थिक खर्च जास्त आहे त्याकडे लक्ष देणे गरजेचे आहे. या आठवड्यात प्रवास टाळावा. आठवड्याच्या शेवटी धार्मिक कार्यात सहभाग घेणार आहात. तसेच तुम्हाला एकांतात वेळ घालवायला आवडेल.

कुंभ राशीच्या लोकांसाठी हा आठवडा चांगला आहे. ज्येष्ठ व्यक्तींचा आशीर्वाद तुमच्यासोबत असल्यामुळे तुमची धनसंपत्ती वाढेल. प्रवासाचा योग असून तुम्हाला त्यात लाभ आहे. लवलाइफ चांगले आहे फक्त संवाद नीट ठेवा. ऑफिस आणि व्यवसायात ठिक ठिक यश आहे. सांधेदुखीचा त्रास डोके वर काढू शकतो. आठवड्याच्या शेवटी एखाद्या रूबाबदार व्यक्तीमत्वाची मदत तुमच्या समस्यांचे निराकारण करेल. त्यामुळे परिस्थिती अनुकूल असेल.

मीन राशीच्या लोकांसाठी हा आठवडा यश देणार आहे. तुमचे मन प्रसन्न राहील. लवलाइफ चांगली असून तुमचे संबंध अधिक दृढ होतील. कुटुंबात आनंद दिसेल पण काहीतरी धुसफुस आहे असे तुम्हाला वाटेल. तुम्ही कुटुंबातील सदस्यांसोबत संवाद साधा त्यामुळे घरातील वातावरण आनंदी होईल. ऑफिस किंवा व्यवसायात एखाद्या तरुणामुळे तुम्हाला त्रास होवू शकतो. आर्थिक खर्च जास्त आहे त्याकेड लक्ष द्या. तब्येतीची काळजी घ्या, जंक फूड खाणे कमी करा.