मुंबईकर आमदाराची सून आहे प्रख्यात अभिनेत्री, श्रेयस तळपदेसोबत गाजवलाय मोठा पडदा

आयेशा टाकिया कोण आहे?

२००० साली फाल्गुनी पाठक यांच्या ‘मेरी चुनरी उड उड जाये’ गाण्यातून आयेशा म्युझिक व्हिडिओत झळकली. पुढे २००४ मध्ये टारझन द वंडर कार या चित्रपटातून आयेशाने बॉलिवूडमध्ये पदार्पण केलं. पहिल्याच सिनेमातून तिला प्रेक्षकांची पसंती मिळालीच, पण सोबत फिल्मफेअर, आयफा यासारख्या पुरस्कार सोहळ्यात तिला पदार्पणाचं पारितोषिक मिळालं होतं. त्यानंतर सोचा ना था, वाँटेड, सलाम-ए-इश्क यासारख्या चित्रपटांतील तिच्या भूमिका गाजल्या.

डोर चित्रपटाने इमेज बदलली

दिल मांगे मोअर, शादी नंबर वन, होम डिलिव्हरी, शादी से पहले, यू होता तो क्या होता यासारख्या अनेक मल्टिस्टारर चित्रपटांमध्ये तिने काम केलं आहे. २००६ मध्ये अभिनेता श्रेयस तळपदे याच्यासोबत ‘डोर’ या चित्रपटातील तिची व्यक्तिरेखा विशेष गाजली होती. या सिनेमासाठी तिला स्टार स्क्रीन, झी, स्टारडस्ट यासारख्या बहुतांश सोहळ्यात सर्वोत्कृष्ट अभिनेत्रीचे पुरस्कार प्राप्त झाले होते. संडे चित्रपटातील तिचा बोल्ड अँड ब्यूटिफूल अंदाज अनेकांना भावला.
Amit Thackeray : सदा सरवणकरांना कशाला भेटू? ते महापुरुष आहेत का? अमित ठाकरेंनी हसत विषय उडवला

तेविसाव्या वर्षी विवाह

एक मार्च २००९ रोजी वयाच्या २३ व्या वर्षी आयेशा टाकियाने तिचा प्रियकर फरहान आझमीशी लग्न केले. फरहान हा रेस्टॉरंट मालक असून समाजवादी पक्षाचे नेते अबू आझमी यांचा मुलगा आहे. आयेशाने सोशल मीडियावर तिचे आडनाव टाकिया आझमी असे घोषित केले. लग्नानंतर तिने इस्लाम धर्म स्वीकारला.

सासऱ्यांच्या वक्तव्याचा निषेध

आयशाचे सासरे अबू आझमी यांनी एप्रिल २०१४ मध्ये बलात्कार पीडितांनाही शिक्षा झाली पाहिजे, अशा शब्दात अकलेचे तारे तोडले होते. आयेशाने आपल्या सासऱ्यांच्या वक्तव्याचा निषेध व्यक्त केला होता.

अबू आझमी कोण?

अबू असीम आझमी हे महाराष्ट्र विधानसभेचे सदस्य आहेत. ते मानखुर्द शिवाजीनगर मतदारसंघाचे प्रतिनिधित्व करतात. ते समाजवादी पक्षाचे महाराष्ट्र प्रदेश अध्यक्ष आहेत. २००४ मध्ये त्यांनी पहिल्यांदा भिवंडी येथून विधानसभा लढवली होती, मात्र शिवसेनेच्या योगेश पाटील यांनी आझमींना पराभवाचा धक्का दिला होता.
Uddhav Thackeray : आधी उमेदवार, मग माघार; एकनाथ शिंदेंची चाल, अमित ठाकरेंचं निमित्त, उद्धव ‘काका’ खलनायक ठरणार?

आझमींच्या नावे विक्रम

२००९ च्या लोकसभा निवडणुकीत आझमींना गुरुदास कामत यांना पराभूत केलं होतं. मात्र २००९ च्या विधानसभेला मानखुर्द शिवाजीनगर आणि भिवंडी पूर्व अशा दोन जागांवर ते विजयी झाले. आझमी हे महाराष्ट्रातील एकमेव आमदार आहेत ज्यांनी एकाच निवडणुकीत दोन जागा जिंकल्या आहेत. २००९ पासून सलग तीन टर्म ते आमदारकी भूषवत आहेत.