ही काही संगीतखुर्ची नाही! भाजपचा निष्ठावंत अपक्ष लढणार; शिंदेसेनेचा ‘इम्पोर्टेड’ नेता रडारवर

दक्षिण मुंबईत येणारा मुंबादेवी विधानसभा मतदारसंघ महायुतीत शिंदेसेनेला सुटला. इथे शिंदेसेनेकडे उमेदवारच नव्हता. त्यामुळे शायना एन. सी. यांना पक्षात घेत मुख्यमंत्री एकनाथ शिंदेंनी त्यांना उमेदवारी दिली. शायना एन. सी. भाजपच्या प्रवक्त्या होत्या. त्यांना उमेदवारी मिळताच भाजप नेते अतुल शहा नाराज झाले. अतुल शहांना इथून उमेदवारी अपेक्षित होती. पण तिकीट न मिळाल्यानं त्यांनी अपक्ष लढण्याचा निर्णय घेतला.
Ajit Pawar: केसानं गळा कापायचे धंदे! फडणवीसांनी ‘ती’ सही दाखवली! अजितदादांचे आर. आर. पाटलांवर गंभीर आरोप
निवडणूक म्हणजे काही संगीतखुर्ची नाही की कोणालाही उमेदवारी द्यावी, अशा शब्दांत अतुल शहांनी त्यांचा संताप व्यक्त केला. ‘मतदारसंघात कोणाला उमेदवारी दिल्यास जिंकता येईल याचा विचार नेतृत्त्वानं करायला हवा. मी इथे नगरसेवक म्हणून सात वर्षे काम केलं आहे. करोना काळात मी लसीकण केंद्र उभारलं. त्या माध्यमातून ५० हजारांहून अधिक जणांचं लसीकरण केलं. लाडकी बहीण योजनेसाठी मी कार्यालयाबाहेर मंडप उभारला आणि १२ हजार अर्ज भरुन घेतले. त्यामुळे तिकीट नाकारण्यात आल्याचं मला वाईट वाटलं,’ असं अतुल शहांनी सांगितलं.
Uddhav Thackeray: ठाकरेसेनेवर बहिष्कार टाका! काँग्रेसच्या मुस्लिम नेत्याचं समुदायाला आवाहन; मतांचं गणित मांडलं
आपल्याकडून उमेदवार देताना चूक झाली आहे ही बाब पक्ष नेतृत्त्वाला कळायला हवी. अजूनही वेळ गेलेली नाही. चूक दुरुस्ती करण्यास अद्यापही संधी आहे. आम्ही पक्षाचे निष्ठावंत आहेत. आमच्याकडूनही चुका होतात. तशाच चुका नेतृत्त्वाकडूनही होऊ शकतात. चूक दुरुस्त करण्यासाठी नेतृत्त्वाकडे अद्यापही वेळ आहे. त्यामुळे त्यांनी याचा विचार करावा, असं आवाहन अतुल शहांनी केलं. या मतदारसंघातून महाविकास आघाडीनं अमिन पटेल यांना तिकीट दिलं आहे. ते तीन टर्मचे आमदार आहेत.