सांगली पार्ट २ ची जोरदार चर्चा! पुन्हा एकदा लोकसभेमध्ये जे घडले तेच विधानसभेत घडणार का?

काँग्रेस पक्षाचे अधिकृत उमेदवार पृथ्वीराज पाटील यांनी जोरदार शक्ती प्रदर्शन करीत आपला उमेदवारी अर्ज दाखल केला. सांगलीच्या काँग्रेस कमिटीसमोर जाहीर सभा आयोजित करण्यात आली होती. यावेळेस पृथ्वीराज पाटील हे एकांकी पडल्याचं दिसून आले. व्यासपीठावर मोजकेच कार्यकर्ते उपस्थित होते. महाविकास आघाडीतील बोटावर मोजावे इतकेच आघाडीचे कार्यकर्ते उपस्थित होते, परंतु सांगलीचे आमदार विश्वजीत कदम खासदार विशाल दादा पाटील आमदार विक्रम सावंत यांच्यासह आजी-माजी काँग्रेस नगरसेवक काँग्रेसचे पदाधिकारी यांनी मात्र या सभेकडे पाठ फिरवल्याचं दिसून येत आहे.
उमेदवारी अर्ज भरून झाल्यानंतर महायुती, महाविकास आघाडीची डोकेदुखी वाढली; ७ हजार ९९५ उमेदवारांचे १० हजार ९०५ अर्ज
लोकसभा निवडणुकी वेळी काँग्रेसकडून इच्छुक असणारे विशाल दादा पाटील यांना ऐनवेळी उमेदवारी मिळाली नाही. त्यांनी थेट बंडखोरी करत अपक्ष अर्ज दाखल केला आणि याला पाठिंबा मिळाला तो म्हणजे आमदार विश्वजीत कदम यांचा आणि विशाल पाटील यांचा मोठ्या मताने विजयी झाले. त्यावेळी काँग्रेस पक्षाने वसंतदादा घराण्यावर अन्याय केला आहे, जोरदार प्रचार करीत अपक्ष निवडणूक लढणाऱ्या विशाल पाटलांनी थेट लोकसभेत एन्ट्री केली. याला सांगलीतील सर्वच काँग्रेस पक्षातील आजी माजी नगरसेवकांनी साथ देत विशाल पाटील मोठ्या मताने विजयी झाले.
देवेंद्र फडणवीस हे आधुनिक युगातले जनरल डायर; रोहित पवारांची सडकून टीका, भाजपच्या सर्व्हेचा म्हणतो- आमचा उमेदवार…
आता विधानसभा निवडणुकीमध्ये काँग्रेस पक्षाने पुन्हा एकदा वसंतदादा घराण्यावर अन्याय केला आहे. त्यामुळे कोणत्याही परिस्थितीत बंडखोरी करायची असा निर्धारच काँग्रेस पक्षातील सर्वच नेतेमंडळींनी केल्याचे दिसून येत आहे. पक्षाकडून उमेदवारी मिळालेल्या पृथ्वीराज पाटील यांनी उमेदवारी अर्ज दाखल करताना पक्षातील सर्वच नेते उपस्थित राहतील अशी अपेक्षा पृथ्वीराज पाटील यांना होती परंतु कोणीच प्रमुख नेता त्या ठिकाणी आला नसल्याने सांगलीमध्ये पुन्हा एकदा लोकसभेमध्ये जे घडलं तेच विधानसभेत घडणार का अशीच चर्चा आता रंगू लागली आहे.